Коронавируст халдвараас урьдчилан сэргийлэх зорилгоор үүрэг гүйцэтгэн ажиллаж байгаа алба хаагчдад зориулж “Ватиканы католик шашны төлөөлөгчийн газар”-аас 4 сая төгрөгийн өртөг бүхий хамгаалах хэрэгслийг өнөөдөр Улсын онцгой комисст хүлээлгэн өглөө.
Тодруулбал, 100 ширхэг халдвар хамгааллын хувцас, 50 ширхэг нүүрний хаалт, 3 хайрцаг нэг удаагийн бээлий, 300 ширхэг N-95 амны хаалт, 10 литр гар ариутгагчийг хандивласан юм.
Энэ үеэр голомтод үүрэг гүйцэтгэн ажиллаж байгаа нийт алба хаагчдад талархал илэрхийлж, амжилт хүслээ гэж Онцгой байдлын ерөнхий газраас мэдээллээ.