Коронавируст халдвараас урьдчилан сэргийлэх үйл ажиллагаанд дэмжлэг үзүүлэх зорилгоор аж ахуйн нэгж, байгууллага, иргэдээс Улсын онцгой комисст хандив ирүүлсээр байна.
Тухайлбал, өнөөдөр “Хашхан” ХХК-иас 10 сая төгрөгийн өртөг бүхий 20 ширхэг ор, 20 ширхэг орны матрас, 20 ширхэг сандал, 20 ширхэг тумбочкаг Улсын онцгой комисст хүлээлгэн өглөө.
Мөн “Сайн хөрш” ТББ-аас голомтод үүрэг гүйцэтгэн ажиллаж байгаа ажилтан, алба хаагчдын хэрэгцээнд зориулж 16 000 ширхэг амны хаалтыг хандивлалаа гэж Онцгой байдлын ерөнхий газраас мэдээллээ.
