1.Цаг агаар:
Өнгөрсөн хоногт: Архангай, Баян-Өлгий, Булган, Дархан-Уул, Дорноговь, Дорнод, Завхан, Сүхбаатар, Сэлэнгэ, Увс, Ховд, Хөвсгөл, Хэнтий аймгуудаар бороо орсон. Бусад нутгаар цаг агаар тогтуун байлаа.
Өнөөдөр: Баруун болон төвийн аймгуудын нутгаар үүлэрхэг, бусад нутгаар солигдмол үүлтэй. Төвийн аймгуудын ихэнх нутаг, баруун аймгуудын нутгийн зүүн хэсгээр бороо, говь болон зүүн аймгуудын нутгийн зарим газраар дуу цахилгаантай аадар бороо орно. Нутгийн зүүн хэсгээр баруун өмнөөс, бусад нутгаар баруун хойноос секундэд 6-11 метр, зарим газраар секундэд 15-17 метр хүрч ширүүснэ. Алтай, Хангай, Хөвсгөлийн уулархаг нутаг, Хүрэнбэлчир орчмоор 13-18 градус, Хангайн нурууны өвөр бэл, говийн бүс нутаг, Дорнод-Монголын тал нутгаар 29-34 градус, бусад нутгаар 18-23 градус дулаан байна.
Улаанбаатар хотод: Үүлшинэ. Бороо орно. Салхи баруун хойноос секундэд 6-11 метр, борооны өмнө түр зуур ширүүснэ. Өдөртөө 19-21 градус дулаан байна.
Төлөв байдал: 17-нд баруун аймгуудын нутгийн зүүн хэсэг, төв болон зүүн аймгуудын ихэнх нутаг, говийн аймгуудын нутгийн зарим газраар, 18-19-нд нутгийн зүүн хагаст, 20-нд зүүн аймгуудын нутаг, төв болон говийн аймгуудын нутгийн зүүн хэсгээр бороо, зарим газраар дуу цахилгаантай аадар бороо орно. Салхи 17-нд зарим газраар секундэд 14-16 метр, бусад хугацаанд борооны өмнө түр зуур ширүүснэ. Ихэнх нутгаар сэрүүсэж Алтай, Хангай, Хөвсгөл, Хэнтэйн уулархаг нутаг, Хүрэнбэлчир орчим, Завхан голын эх, Тэрэлж голын хөндийгөөр шөнөдөө 3-8 градус, өдөртөө 13-18 градус, говийн бүс нутгаар шөнөдөө 15-20 градус, өдөртөө 25-30 градус, бусад нутгаар шөнөдөө 9-14 градус, өдөртөө 18-23 градус дулаан байна. 19-нд нутгийн баруун хэсгээр, цаашдаа нутгийн төв хэсгээр өдөртөө хална.
2.Гал түймэр:
– ААН, байгууллагын өмчид гарсан: Архангай аймгийн Эрдэнэбулган сумын 2 дугаар багийн “Цагаан даваа” гэдэг газар /аймгийн төвөөс баруун хойд зүгт 10 км/ 93-80 УБЛ улсын дугаартай, “Норд Бенз” загварын шатахуун тээвэрлэсэн автомашин “Цагаан даваа” уруудах замдаа онхолдож замын хажуу руу унан шатаж байна гэсэн дуудлагыг 07.15-ны өдрийн 15:49 цагт хүлээн авсан. Тус аймгийн Онцгой байдлын газрын дарга, хурандаа Д.Эрдэнэбаатараар ахлуулсан Гал түймэр унтраах, аврах 51 дүгээр ангийн алба хаагчид 10 км замыг туулан 15:58 цагт очиход “Норд Бенз” загварын, автомашин шатсанаас эсрэг урсгалд зорчиж явсан 4 автомашин Аллион, Альфард, Форестер, Сонат-7/, 1 мотоцикл өртөн шатаж байсныг 32 минут ажиллаж унтраасан. Тус гал түймэрт 2 иргэн өртөж нас барсан /Г /50 настай, эмэгтэй/, Х /6 настай, эмэгтэй/, 16 иргэн түлэгдэж гэмтсэнийг Ихтамир сумын эмнэлэгт 4 иргэн, Аймгийн нэгдсэн эмнэлэгт 12 иргэн хүргэгдсэнээс /1 иргэн хүлээн авахад, 7 иргэн мэс заслын тасагт, 4 иргэн сэхээн амьдруулах тасагт/ шилжүүлэн эмчилж байна. “Шунхлай” ШТС-ийн гэрээт “Тэргүүн Эрдэнэ” ХХК-ийн жолооч Б “Норд Бенз” загварын шатахуун тээвэрлэх автомашинаар АИ-92 шатахууныг /35970л/ Улаанбаатараас хотоос Завхан аймгийн чиглэлд тээвэрлэж явсан. Түлэгдэж гэмтсэн иргэдийг Улаанбаатар хот руу хүргэхээр ЗХЖШ-ын МИ-171Е загварын нисдэг тэрэг Улаанбаатар хотоос 04:25 цагт Булган аймгийн чиглэлд хөөрч, 05:42 цагт буусан. 06:19 цагт Архангай аймгийн Эрдэнэбулган сумын чиглэлд хөөрч 07:15 цагт Архангай аймагт газардсан.
Хувийн өмчид гарсан: Баянхонгор аймгийн Баянхонгор сумын Цахир багийн 9 дүгээр гудамжинд иргэн У-ын хашаанд хуралттай мод шатаж байна гэсэн тухай дуудлагыг 07.15-ны өдрийн 16:30 цагт хүлээн авсан. Тус аймгийн Онцгой байдлын газрын Гал түймэр унтраах, аврах 16 дугаар ангийн алба хаагчид 1.8 км замыг туулан 16:33 цагт очиж 4 минут ажиллаж унтраасан.
Нийслэлийн Баянзүрх дүүргийн 27 дугаар хороо, Дунд дарь эхийн 22 дугаар гудамжинд иргэн Б-ийн 6х7 метрийн хэмжээтэй байшин шатаж байна гэсэн дуудлагыг 07.15-ны өдрийн 19:36 цагт хүлээн авсан. Сүхбаатар дүүргийн Онцгой байдлын хэлтсийн Гал түймэр унтраах, аврах 34 дүгээр ангийн алба хаагчид 6 км замыг туулан 19:41 цагт хүрэлцэн очиж 15 минут ажиллаж унтраасан.
Хөвсгөл аймгийн Мөрөн сумын Жилчиг багийн 9 дүгээр гудамжинд иргэн Ц-ийн 7х9 метрийн хэмжээтэй байшингийн дээвэр шатаж байна гэсэн дуудлагыг 07.15-ны өдрийн 22:06 цагт хүлээн авсан. Тус аймгийн Онцгой байдлын газрын Гал түймэр унтраах, аврах 27 ангийн алба хаагчид 5.5 км зам туулан 22:09 цагт очиж 30 минут ажиллаж унтраасан.
3. Ой, хээрийн түймэр:
Хээрийн түймэр: Дорнод аймгийн Халхгол сумын Ялалт багийн “Шилийн тойром” гэдэг газар /аймгийн төвөөс зүүн урд зүгт 250 км, сумын төвөөс баруун хойд зүгт 90 км/ аянганаас хээрийн түймэр гарсан тухай дуудлагыг 07.15-ны өдрийн 14:50 цагт хүлээн авсан. Тус аймгийн Онцгой байдлын газрын Халхгол суман дахь Гал түймэр унтраах, аврах 62 дугаар ангийн алба хаагчид, “Петро чайна дачин тамсаг” ХХК-ийн ажилтнууд ажиллаж түймрийг 19:43 цагт цурамд оруулж 19:50 цагт бүрэн унтраасан. Гал түймэрт ойролцоогоор 600 га талбай өртөж шатсан.
4. Байгаль цаг агаарын аюулт үзэгдэл:
Хөвсгөл аймгийн Мөрөн сумын Нисэх, Эрчим багт 07.13-ны өдрийн 17:13 цагаас 21:32 цагийн хооронд орсон дуу цахилгаантай ширүүн бороо орсны аймгийн төвийн үерийн ус зайлуулах далан сэтэрч Нисэх багт 6 гэр, 5 байшин, Эрчим багт 8 гэр, 4 байшин усанд автсан, Мөрөн сумын Элст багийн Хилэнтийн гүүрний чиглэлд, мөн Эрчим багт Мөрөн сумаас Алаг-Эрдэнэ сум чиглэлийн хатуу хучилттай автозамын байгууламжид эвдрэл үүссэн тухай дуудлагыг 07.13-ны өдрийн 20:22 цагт хүлээн авсан. Тус аймгийн Онцгой байдлын газар, аймгийн “Хөвсгөл-АЗЗА” ХК, Хот тохижилт үйлчилгээний газрын ажилтнууд 07.14-ний өдөр автозамын хажуугийн лаг шаврыг цэвэрлэн, 2 км урттай түр зам, 4 метр өргөн, 3 метр өндөр, 50 метр урттай шороон далан шинээр байгуулсан. “Нисэхийн гүүр”-ээс “Дэлгэрмөрөн” гол хүртэл 70 м үерийн шуудуу татсан.
Увс аймгийн Улаангом сумын 12 дугаар баг Буянт хороолол 31 дүгээр гудамжинд иргэн У-ын 5 ханатай гэр лүү үерийн ус ороод байна гэсэн дуудлагыг 12:22 цагт хүлээн авсан. Тус аймгийн Онцгой байдлын газрын Эрэн хайх, аврах салбарын алба хаагчид 12:30 цагт очиж 60 метр даланг сэргээн, үерийн усыг соруулан аюулгүй болгосон.
Увс аймгийн Улаангом сумын 8 дугаар баг “Бор үзүүр” гэдэг газар /аймгийн төвөөс зүүн зүгт 3 км/ Иргэн Б, Я, Ш нарын 8 ханатай 3 гэр, А-ийн 6 ханатай гэрт үерийн ус орсон тухай дуудлагыг 21:45 цагт хүлээн авсан. Тус аймгийн Онцгой байдлын газрын Эрэн хайх, аврах салбарын алба хаагчид 3 км замыг туулан 22:15 цагт очиж 2:30 цаг ажиллан үерт автсан 4 гэрийг нүүлгэн шилжүүлж аюулгүй газар буулгасан.
5.Эрэн хайх, аврах ажиллагаа:
Эрэн хайх ажиллагаа /төөрсөн/: Ховд аймгийн Чандмань сумын Завхан аймгийн Улиастай сумаас Ховд аймгийн Чандмань сумын чиглэлд зорчиж явсан 3 автомашин /12 зорчигчтой/ элсэнд суусан тухай дуудлагыг 07.15-ны өдрийн 05:35 цагт хүлээн авсан. Ховд аймгийн Онцгой байдлын газрын Эрэн хайх, аврах бүлгийн алба хаагчид 113 км замыг туулан 09:15 цагт очиж 1 цаг ажиллан автомашинуудыг татаж гаргасан.
Нийслэлийн Налайх дүүргийн 1 дүгээр хороо, Энгэр шандын Задгайд “Туул” голд Тус дүүргийн харьяат Т/11 настай, эрэгтэй/ живсэн тухай дуудлагыг 07.14-ний өдрийн 13:01 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 28 дугаар ангийн алба хаагчид 12 км замыг туулан 13:30 цагт очиж, 07.15-ны өдрийн 07:00 цагаас эхлэн “Энгэр шандын задгай” гэдэг газраас Баянзүрхийн товчоо хүртэл голын урсгал дагуу 200 км-т эрэн хайх ажиллагааг зохион байгуулсан боловч үзэгдэх орчин хязгаарлагдсан тул мөн өдрийн 22:00 цагт түр зогсоосон. 07.16-ны өдрийн 08:00 цаг эрэн хайх ажиллагааг эхлүүлнэ.
Дорнод аймгийн Хэрлэн (Сүмбэр) сумын 3 дугаар баг “Хэрлэн” /аймгийн төвөөс урд зүгт 5 км/ Хэрлэн голд хүн живсэн тухай дуудлагыг 07.15-ны өдрийн 19:14 цагт хүлээн авсан. Тус аймгийн Онцгой байдлын газрын Эрэн хайх, аврах ангийн алба хаагчид эрэн хайх ажиллагааг явуулж иргэн О /32 настай, эрэгтэй/-ын цогцсыг осолдсон газраас зүүн тийш 300 метр зайтай уснаас олж гарган аймгийн Цагдаагийн байгууллагад шилжүүлэн өгсөн.
Увс аймгийн Давст сумын Торхилог багийн “Увс нуур” гэдэг газар /аймгийн төвөөс зүүн зүгт 50 км, сумын төвөөс урд зүгт 18 км/ Иргэн Ц/26 настай, эрэгтэй/ согтууруулах ундаа хэрэглэсэн үедээ хийлдэг завьтай нуурын гүн рүү хөвсөн тухай дуудлагыг 07.15-ны өдрийн 20:20 цагт хүлээн авсан. Тус аймгийн Онцгой байдлын газрын Эрэн хайх, аврах салбарын алба хаагчид эрэн хайх, аврах ажиллагааг зохион байгуулж нуурын эргээс 200 м зайд хөвж байсныг 20:15 цагт эсэн мэнд аварсан.
Увс аймгийн Улаангом сумын 12 дугаар багийн Гашууны гол Гүүр эвдэрсний улмаас Улаангом сумаас Наранбулаг сумын чиглэлд зорчих хөдөлгөөн зогссон автомашинууд явж чадахгүй байна гэсэн дуудлагыг 07.15-ны өдрийн 16:20 цагт хүлээн авсан. Тус аймгийн Онцгой байдлын газрын дарга, хурандаа Б.Баттулгаар ахлуулсан алба хаагчил, Цагдаагийн газар болон орон нутгийн иргэд 16:30 цагаас үерийн усанд боогдсон 3000 автомашин, 15186 иргэдийг татан гаргах арга хэмжээг зохион байгуулан ажилласан.
Сэлэнгэ аймгийн Алтанбулаг сумын Хяраны гол “Усжуулхын гарам” гэдэг газар /аймгийн төвөөс зүүн зүгт 25 км, сумын төвөөс зүүн зүгт 18 км/ Суудлын автомашин голын усанд суусан тухай дуудлагыг 07.15-ны өдрийн 19:48 цагт хүлээн авсан. Тус аймгийн Онцгой байдлын газрын Эрэн хайх, аврах салбарын бүлгийн алба хаагчид 43 км замыг туулан очиж 43 минут ажиллаж иргэн О-ын Эксплорер загварын автомашиныг 21:53 цагт татан гаргасан.
Увс аймгийн Тариалан сумын Бургастай багийн ”Тээлийн гарам” гэдэг газар /аймгийн төвөөс урд зүгт 15 км, сумын төвөөс зүүн зүгт 30 км/ Иргэн Г-ын “Ниссан террано” загварын автомашин үерийн усанд суусан тухай дуудлагыг 20:45 цагт хүлээн авсан. Тус аймгийн Онцгой байдлын газрын Эрэн хайх, аврах салбарын алба хаагчид 30 минут ажиллаж татан гаргасан.
Увс аймгийн Улаангом сумын 2 дугаар багийн “Арсай” гэдэг газар /аймгийн төвөөс баруун зүгт 25 км/ Иргэн Т-ийн Ланд-200 загварын автомашин, Г-ийн Тундра загварын автомашин шаварт суусан тухай дуудлагыг 00:00 цагт Онцгой байдлын газарт мэдэгдсэн. Тус аймгийн Онцгой байдлын газрын Эрэн хайх аврах, салбарын алба хаагчид 25 км замыг туулан 02:05 цагт очиж 40 минут ажиллан автомашинуудыг татан гаргасан.
6.Мэдээлэл:
Гамшиг, аюулт үзэгдэл, ослын талаар: Увс аймгийн Сагил сумын Боршоо багийн нутаг Улиасны хэв гэдэг газар /Аймгийн төвөөс баруун хойд зүгт 55 км, сумын төвөөс зүүн хойд зүгт 10 км/ 6 метрийн урттай төмөр бетон гүүр нурсан тухай мэдээллийг 07.15-ны өдрийн 17:10 цагт хүлээн авсан. Тус аймагт 07.13-ны өдрийн 19 цагаас 07.15-ны өдрийн 11 цаг хүртэл үргэлжлэн орсон усархаг борооны улмаас Түргэн сумын Түргэн гол үерлэж Шургадгийн сайрын 54 метр бетон гүүр, Бага Түргэний 186 метр төмөр бетон гүүрнүүдийн тулгуурын бэхэлгээ, замын далан үерийн усанд эвдэрч, гүүрний хавтан унаж Бөхмөрөн, Давст, Сагил, Түргэн сумдын чиглэлд тээврийн хэрэгслээр зорчих боломжгүй болсон.
Баян-Өлгий аймгийн Ногооннуур сумын 9 дүгээр багийн Цагааннуур тосгоны “Бураат” гэдэг газар /аймгийн төвөөс баруун хойд зүгт 85 км, тосгоны төвөөс баруун зүгт 15 км/ 07.14-ний өдөр орсон хүчтэй борооны улмаас Бураатын гүүр нурсан тухай мэдээллийг 07.15-ны өдрийн 12:10 цагт хүлээн авсан. Тус аймгийн Онцгой байдлын газрын даргын шийдвэрээр “Жол” ХХК-ийн ажилтнууд нөхцөл байдлыг очиж шалгасан. Тухайн гүүрэн дээгүүр явганаар болон автомашинтай зорчих хөдөлгөөн хийх боломжгүй болсон. Аймгийн Засаг даргын захирамжаар зорчих хөдөлгөөнийг түр зогсоосон.
Баянхонгор аймгийн Өлзийт сумын Ёлын ам багийн “Агуйт” гэдэг газар /аймгийн төвөөс зүүн урд зүгт 78 км, сумын төвөөс зүүн хойд зүгт 60 км/ Малчин Ц-ын 15 үхэр 07.14-ний өдрийн 16:00 цагийн орчим аянганд цохиулж үхсэн тухай мэдээллийг 07.15-ны өдрийн 09:29 цагт /Өлзийт сумын ЗДТГ-ын дарга М.Зоригт мэдээлсэн. Тус сумын мал эмнэлгийн тасгийн дарга, улсын байцаагч О.Намжирмаагаар ахлуулсан алба хаагчид очиж хохирлыг очиж хохирлыг тогтоон ажилласан.
Баянхонгор аймгийн Галуут сумын Мандал багийн “Нарны ам” гэдэг газар /аймгийн төвөөс баруун хойд зүгт 80 км, сумын төвөөс зүүн хойд зүгт 35 км/ Малчин Б-ын 5 ханатай 2 гэр 07.15-ны өдрийн 13:00 цагийн орчим бүрэн шатсан тухай мэдээллийг 14:05 цагт хүлээн авсан. Тус сумын Мандал багийн дарга Б.Мөнхжаргалаар ахлуулсан алба хаагчид 35 км замыг туулан 13:40 цагт очиход 5 ханатай 2 гэр бүрэн шатсан байсан.
ОНЦГОЙ БАЙДЛЫН ЕРӨНХИЙ ГАЗАР