Онцгой байдлын ерөнхий газраас Монгол Улсын Шадар сайдын Завхан аймгийн Засаг даргатай байгуулсан үр дүнгийн гэрээний дагуу тус аймагт Гамшгаас хамгаалах команд штабын сургуулийг энэ сарын 9-14-ний өдрүүдэд зохион байгуулна.
Сургуулийг зохион байгуулахтай холбогдуулан бэлтгэл ажлыг хангуулах ажлын хэсэг тус аймагт ажиллаж байна.
Гамшгаас хамгаалах команд штабын сургуулийн удирдагчаар ОБЕГ-ын дэд дарга, хурандаа Б.Ууганбаяр ажиллах бөгөөд ОБЕГ-аас томилогдсон ажлын хэсгийн гишүүд аймгийн Онцгой комисс, нутгийн захиргааны байгууллага болон орон нутгийн гамшгаас хамгаалах албад, мэргэжлийн ангийн удирдах бүрэлдэхүүнд сургуулийн бодлого, төлөвлөгөөг танилцуулан сургуулийн бэлтгэл ажлыг хангуулан ажиллаж байгаа юм.
Мөн сургуулийн үеэр коронавируст халдвараас урьдчилан сэргийлэх “Тохиолдлын удирдлагын тогтолцооны багийг томилгоожуулах, бүрэлдэхүүнийг чадавхжуулах” цогц сургалтыг зохион байгуулна гэж Онцгой байдлын ерөнхий газраас мэдээллээ.