НОБГ-ын Нийслэлийн аврах анги 105-ын аврагч, ахлах ахлагч Б. Үнэнмөнх нийслэлийн 2020 оны “Хөдөлмөрийн аварга”-аар тодорч, Нийслэлийн орон сууцны корпорациас хэрэгжүүлж буй “Орлогод нийцсэн орон сууц” хөтөлбөрийн түрээслээд өмчлөх хэлбэрийн орон сууцанд орох батламжтай боллоо.
Мөн тус газрын Захиргааны удирдлагын хэлтсийн мэргэжилтэн ахмад Б.Баатар, Гал түймэртэй тэмцэх хэлтсийн ахлах мэргэжилтэн, дэд хурандаа Ж.Алтанхуяг нар нийслэлийн 2020 оны “Хөдөлмөрийн аварга”-аар шалгарч өргөмжлөл, мөнгөн шагналаар шагнууллаа гэж нийслэлийн Онцгой байдлын газраас мэдээллээ.
