Хойд бүсийн төв-Орхон аймгийн Онцгой байдлын газрын “Эрдэнэт үйлдвэр” ТӨҮГ-ын гэрээт Гал түймэр унтраах, аврах 58 дугаар ангийн захирагч, хошууч А.Отгонбаяр Биеийн тамир, спортын улсын хорооны даргын 2021 оны 01 дүгээр сарын 14-ний өдрийн 03 дугаар тушаалаар пауэрлифтингийн спортын мастер цол хүртлээ.
Хошууч А.Отгонбаяр нь 2012 оноос хойш пауэрлифтингийн спортоор хичээллэж байна.
Энэ хугацаанд Азийн аваргаас 4 алт, 1 мөнгө, улсын аварга шалгаруулах тэмцээнээс 8 алт, 6 мөнгөн медаль хүртэж, Онцгой байдлын албаны баг, тамирчдаа төлөөлөн мэргэжлийн уралдаан, тэмцээнд тогтмол амжилттай оролцдог тэргүүний шилдэг алба хаагчдын нэг юм гэж Онцгой байдлын ерөнхий газраас мэдээллээ.