ДЭМБ-ын “Ковид-19 цар тахлын эсрэг Говь-Алтай аймгийн хариу арга хэмжээний чадавхийг бэхжүүлэх” төслийн санхүүжилтээр орон нутгийн хариу арга хэмжээний явцад үнэлгээ хийлээ.
Үнэлгээг аймгийн Засаг даргын захирамжаар байгуулсан Онцгой байдал, Эрүүл мэнд, Мэргэжлийн хяналт, Цагдаагийн газрын төлөөлөл 20 хүний бүрэлдэхүүнтэй ажлын баг 4 бүсэд хуваагдан бүх сумыг хамруулан хийсэн юм.
Түүнчлэн үнэлгээнд сумдын онцгой комисс, шуурхай штабын бүрэлдэхүүн 230 гаруй албан хаагч хамрагдаж, өөрийн орон нутгийн коронавирусний халдварын хариу арга хэмжээний явцын үнэлгээг хийж ололттой болон сайжруулах ажлыг хэлэлцэн, хариу арга хэмжээг сайжруулах төлөвлөгөө боловсрууллаа.
Мөн дээрх төслийн санхүүжилтээр аймгийн хэмжээний халдварын батлагдсан тохиолдлын хавьтлын болон кластерийн судалгаа, мэдээлэлд дүн шинжилгээ хийх сургалтыг зохион байгууллаа. Сургалтад аймгийн Нэгдсэн эмнэлэг, Уламжлалтын нэгдсэн эмнэлэг, сум, өрхийн Эрүүл мэндийн төвийн дүн бүртгэгч нийт 26 хүн оролцож туршлагаа хуваалцав гэж Говь-Алтай аймгийн Онцгой байдлын газраас мэдээллээ.