НОБГ-ын Сүхбаатар дүүргийн Онцгой байдлын хэлтсээс Засаг даргын тамгын газартай хамтран дүүргийн хэмжээнд зохион байгуулж байгаа “Гамшгаас хамгаалах иж бүрэн сургууль”-ийн нээлтийн ажиллагаа боллоо.
Нээлтийн ажиллагаанд сургуулийн удирдагч, хурандаа Э.Эрдэнэбаатар, хурандаа Г.Нэргүй, Сүхбаатар дүүргийн Засаг даргын орлогч М.Алтангэрэл, ЗДТГ-ын дарга Н.Энхболд, Онцгой байдлын хэлтсийн дарга, хурандаа Д.Бэхбаяр, Цагдаагийн газрын дарга, хурандаа Ч.Чинбат, ЗЦХ-ийн дарга, хошууч М.Эрхэмбаяр болон дүүргийн гамшгаас хамгаалах албад, мэргэжлийн ангиудын 370 гаруй ажилтан, албан хаагч оролцсон юм.
Сургууль дадлага өнөөдөр танхимын команд штабын сургуулиар үргэлжилж, “Новотел хотел” зочид буудалд өндөр барилгад гарсан гал түймрийг унтраах дууиалган үзүүлэх сургууль, барилга байгууламжаас иргэдийг аюулгүй байр, түр талбайд байршуулах, түр хорогдох жишиг байршилтай танилцах, үерийн аюулын үед авч хэрэгжүүлэх арга хэмжээний дадлага, удирдах бүрэлдэхүүний сорил дадлагуудаар хоёр өдөр зохион байгуулагдана гэж нийслэлийн Онцгой байдлын газраас мэдээллээ.
