1. Цаг агаар:
Өнгөрсөн хоногт: Нийт нутгаар цаг агаар тогтуун байлаа.
Өнөөдөр: Ихэнх нутгаар солигдмол үүлтэй. Алтай, Хангайн уулархаг нутгаар ялимгүй цас орно. Бусад нутгаар цас орохгүй. Нутгийн баруун хэсгээр баруун өмнөөс хойш эргэж, бусад нутгаар баруунаас 5-10 м/с, Алтайн уулархаг нутаг, Арц богдын өвөр хоолойгоор 13-15 м/с хүрч ширүүснэ. Дархадын хотгороор -27-32, Увс нуурын хотгор, Завхан голын эх, Тэс, Эг, Үүр голын хөндийгөөр -22-27 градус, Монгол-Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Идэр, Туул, Тэрэлж голын хөндийгөөр -15-20 градус, говийн бүс нутгийн өмнөд хэсэг болон цас багатай энгэр ээвэр газар, Дорнодын тал нутгаар -4-9 градус, бусад нутгаар -11-16 градус хүйтэн байна.
Улаанбаатар хотод: Багавтар үүлтэй. Цас орохгүй. Салхи баруунаас 3-8 м/с, -15-17 градус хүйтэн байна.
Төлөв байдал: 9-ний өдөр Хангай, Хэнтийн уулархаг нутаг, говийн бүс нутгийн зарим газраар, 10-ны өдөр баруун аймгуудын нутгийн баруун болон өмнөд хэсгээр, 11-ний өдөр баруун болон зүүн аймгуудын нутгийн зарим газар, төв болон говийн аймгуудын ихэнх нутгаар, 12-ны өдөр баруун болон зүүн аймгуудын нутгийн зарим газар, төвийн аймгуудын нутгийн хойд хэсгээр цас орно. Салхи 9-ний өдөр говь, тал, хээрийн нутгаар, 10-ны өдөр Алтайн салбар уулсаар, 11, 12-ны өдөр нутгийн зарим газраар 13-15 м/с хүрч ширүүснэ. Дархадын хотгор, Завхан голын эх, Тэс голын хөндийгөөр шөнөдөө -40-45 градус, өдөртөө -27-32 градус, Увс нуурын хотгор болон Монгол-Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Эг, Үүр, Туул, Тэрэлж голын хөндийгөөр шөнөдөө -32-37 градус, өдөртөө -19-24 градус, говийн бүс нутгийн өмнөд хэсэг, цас багатай энгэр ээвэр газраар шөнөдөө -14-19 градус, өдөртөө -6-11 градус, бусад нутгаар шөнөдөө -23-28 градус, өдөртөө -14-19 градус хүйтэн байна.
2.Гал түймэр:
– Төрийн өмчид гарсан: Булган аймгийн Бугат сумын Сөрт баг, сумын Засаг даргын Тамгын газрын хашаанд /аймгийн төвөөс зүүн хойд зүгт 56 км-т/ Сумын фондын 100 тн орчим өвс шатаж байна гэсэн дуудлагыг 12.07-ны өдрийн 17:40 цагт хүлээн авсан. Тус сумын мэргэжлийн ангийнхан тус аймгийн Онцгой байдлын газрын Гал түймэр унтраах, аврах 20 дугаар ангийн алба хаагчдыг очиход тус сумын фондын 140 тн өвснөөс 80 тн орчим өвс шатаж байсныг 3 цаг 46 минут ажиллаж унтраасан.
– Хувийн өмчид гарсан: Архангай аймгийн Өндөр-Улаан сумын Баянгол багийн “Уран” хорооллын 4 дүгээр гудамжинд 12.07-ны өдрийн 13:00 цагийн орчим иргэн Ж-ийн гэр, амбаар, суудлын автомашин шатсан тухай мэдээллийг мөн өдрийн 17:57 цагт хүлээн авсан. Иргэн Ж-ийн 4х6 метрийн хэмжээтэй амбаар, 5 ханатай гэр, “Оутландер” загварын суудлын автомашин шатсаныг орон нутгийн иргэд ажиллаж, унтраасан тухай мэдээллийг тус сумын Засаг даргын Тамгын газрын дарга аймгийн Онцгой байдлын газарт мэдээлсэн.
Булган аймгийн Булган сумын Булган багийн 7 дугаар гудамжинд байшин шатаж байна гэсэн дуудлагыг 12.07-ны өдрийн 15:00 цагт хүлээн авсан. Тус аймгийн Онцгой байдлын газрын Гал түймэр унтраах, аврах 20 дугаар ангийн алба хаагчдыг очиход иргэн М-ын 7х8 метрийн хэмжээтэй байшин шатаж байсныг 15 минут ажиллаж унтраасан.
Увс аймгийн Зүүнхангай сумын Хайрхан багийн “Жаргалант” хорооллын 8 дугаар гудамжинд т12.07-ны өдрийн 16:30 цагийн орчим иргэн Х-ийн байшин шатсан тухай мэдээллийг мөн өдрийн 19:30 цагт хүлээн авсан. Иргэн Х-ын 4×8 метрийн хэмжээтэй байшин шатсаныг тус сумын иргэд ажиллаж мөн өдрийн 19:30 цагт унтраасан тухай мэдээллийг тус сум дахь Цагдаагийн хэсгийн мөрдөгч аймгийн Онцгой байдлын газарт мэдээлсэн.
Төв аймгийн Батсүмбэр сумын Мандал багийн Төмөрзамын хэсгийн задгай 12.07-ны өдрийн 21:00 цагийн орчим иргэн У-ын амбаар шатсан тухай мэдээллийг мөн өдрийн 21:22 цагт хүлээн авсан. Иргэн У-ын 2х3 метрийн хэмжээтэй амбаар шатсаныг тус сумын иргэд ажиллаж, мөн өдрийн 21:18 цагт унтраасан тухай мэдээллийг тус сум дахь Цагдаагийн хэсгийн мөрдөгч аймгийн Онцгой байдлын газарт мэдээлсэн.
Ховд аймгийн Манхан сумын Төгрөг гол багийн “Жаргалантын тавьт” гэдэг газар /аймгийн төвөөс баруун урд зүгт 80 км-т/Байшин шатаж байна гэсэн дуудлагыг 12.07-ны өдрийн 22:00 цагт хүлээн авсан.Тус аймгийн Онцгой байдлын газрын Манхан сум дахь Эрэн хайх, аврах бүлгийн алба хаагчдыг очиход иргэн Д-ийн 6х8 метрийн хэмжээтэй байшингийн үүдний хэсэг шатаж байсныг 20 минут ажиллаж унтраасан.
Нийслэлийн Сонгинохайрхан дүүргийн 10 дугаар хороо, Зүүнбаян-Уулын 17 дугаар гудамжинд байшин шатаж байна гэсэн дуудлагыг 12.07-ны өдрийн 07:35 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 29 дүгээр ангийн алба хаагчдыг очиход иргэн О-ын 9х9 метрийн хэмжээтэй байшингийн дээвэр шатаж байсныг 45 минут ажиллаж унтраасан.
Нийслэлийн Сонгинохайрхан дүүргийн 25 дугаар хороо, Хайрханы 1 дүгээр гудамжинд байшин шатаж байна гэсэн дуудлагыг 12.07-ны өдрийн 22:10 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 29 дүгээр ангийн алба хаагчдыг очиход иргэн Н-ийн 6х30 метрийн хэмжээтэй байшингийн дээвэр шатаж байсныг 55 минут ажиллаж унтраасан.
ОНЦГОЙ БАЙДЛЫН ЕРӨНХИЙ ГАЗАР