1. Цаг агаар:
Өнгөрсөн хоногт: Нийт нутгаар цаг агаар тогтуун байлаа.
Өнөөдөр: Төв болон зүүн аймгуудын нутгаар үүлшинэ. Бусад нутгаар багавтар үүлтэй. Төвийн аймгуудын нутгийн зүүн хойд хэсэг, зүүн аймгуудын нутгийн зүүн хэсгээр цас орж, цасан шуурга шуурна. Бусад нутгаар цас орохгүй. Салхи нутгийн зүүн хэсгээр баруун өмнөөс хойш эргэж, бусад нутгаар баруун хойноос 4-9 м/с, говь, тал, хээрийн нутгаар 14-16 м/с хүрч ширүүснэ. Увс нуур болон Дархадын хотгор, Завхан голын эх, Идэр, Тэс голын хөндийгөөр -23-28 градус, Хангай, Хөвсгөл, Хэнтийн уулархаг нутаг, Хүрэнбэлчир орчим, Туул, Тэрэлж, Хэрлэн, Улз голын хөндийгөөр -12-17 градус, Хангайн нурууны өвөр бэл болон говийн бүс нутгийн өмнөд хэсэг, цас багатай энгэр ээвэр газраар 0-5 градус, бусад нутгаар -7-12 градус хүйтэн байна.
Улаанбаатар хотод: Үүлшиж, ялимгүй цас орно. Салхи баруун хойноос 3-8 м/с, -12-14 градус хүйтэн байна.
Төлөв байдал: 02.01-ний өдөр Халх голын хөндийгөөр, 02-ны өдөр говийн бүс нутгийн өмнөд хэсгээр, 03-ны өдөр Хэнтийн уулархаг нутгаар цас орно. Бусад хугацаанд цас орохгүй. Салхи 01-ний өдөр говь, тал, хээрийн нутгаар 13-15 м/с хүрч ширүүснэ. Увс нуур болон Дархадын хотгор, Хөвсгөлийн уулархаг нутаг, Завхан голын эх, Хүрэнбэлчир орчим, Идэр, Тэс голын хөндийгөөр шөнөдөө -35-40 градус, өдөртөө -22-27 градус, Хангай, Хэнтийн уулархаг нутаг, Эг, Үүр, Орхон, Хараа, Ерөө, Туул, Тэрэлж голын хөндийгөөр шөнөдөө -27-32 градус, өдөртөө -13-18 градус, говийн бүс нутгийн баруун өмнөд хэсэг болон цас багатай газраар шөнөдөө -13-18 градус, өдөртөө 0-5 градус, бусад нутгаар шөнөдөө -19-24 градус, өдөртөө -7-12 градус хүйтэн байна.
2. Гал түймэр:
– Хувийн өмчид гарсан: Архангай аймгийн Эрдэнэбулган сумын Арслан цохио багийн “Арслан цохио” хорооллын 3 дугаар гудамжинд хашаа шатаж байна гэсэн дуудлагыг 01.30-ны өдрийн 07:34 цагт хүлээн авсан. Тус аймгийн Онцгой байдлын газрын Гал түймэр унтраах, аврах 51 дүгээр ангийн алба хаагчдыг очиход иргэн У-ын 1 м3 орчим хашаа шатаж байсныг 18 минут ажиллаж унтраасан.
Нийслэлийн Сүхбаатар дүүргийн 13 дугаар хороо, Рашааны 16 дугаар гудамжинд байшин шатаж байна гэсэн дуудлагыг 01.30-ны өдрийн 09:18 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 34 дүгээр ангийн алба хаагчдыг очиход иргэн О-ын 4х6 метрийн хэмжээтэй байшингийн дээвэр, 3х3 метрийн хэмжээтэй амбаар тус тус шатаж байсныг 10 минут ажиллаж унтраасан.
Нийслэлийн Баянзүрх дүүргийн 22 дугаар хороо, Өлгийн 7 дугаар гудамжинд байшингийн дээвэр шатаж байна гэсэн дуудлагыг 01.30-ны өдрийн 09:44 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 63 дугаар ангийн алба хаагчдыг очиход иргэн М-ын 4х6 метрийн хэмжээтэй байшингийн дээвэр шатаж байсныг 30 минут ажиллаж унтраасан.
Өмнөговь аймгийн Даланзадгад сумын Их-Уул багийн Нисэхийн 15 дугаар гудамжинд гэр шатаж байна гэсэн дуудлагыг 01.30-ны өдрийн 13:54 цагт хүлээн авсан. Тус аймгийн Онцгой байдлын газрын Гал түймэр унтраах, аврах 21 дүгээр ангийн алба хаагчдыг очиход иргэн Б-ын 8х8 метрийн хэмжээтэй 2 давхар байшингийн 1 дүгээр давхрын хана, таазны хэсэг шатаж байсныг 30 минут ажиллаж унтраасан.
Хөвсгөл аймгийн Мөрөн сумын Нисэх багийн 8 дугаар гудамжинд байшин шатаж байна гэсэн дуудлагыг 01.30-ны өдрийн 14:37 цагт хүлээн авсан. Тус аймгийн Онцгой байдлын газрын Гал түймэр унтраах, аврах 27 дугаар ангийн алба хаагчдыг очиход иргэн Б-ын 10х20 метрийн хэмжээтэй “Өег” талхны цехийн гал тогооны өрөө шатаж байсныг 35 минут ажиллаж унтраасан.
Увс аймгийн Улаангом сумын 6 дугаар багийн Тээврийн хорооны 15 дугаар гудамжинд суудлын автомашин шатаж байна гэсэн дуудлагыг 01.30-ны өдрийн 18:40 цагт хүлээн авсан. Тус аймгийн Онцгой байдлын газрын Гал түймэр унтраах, аврах 41 дүгээр ангийн алба хаагчдыг очиход иргэн Т-ын “Ниссан Ай ди” загварын суудлын автомашины хөдөлгүүрийн хэсэг шатаж байсныг 10 минут ажиллаж унтраасан.
Нийслэлийн Сонгинохайрхан дүүргийн 13 дугаар хороо, 8 дугаар байрны 1 дүгээр орц хогийн сувагт хог шатаж байна гэсэн дуудлагыг 01.30-ны өдрийн 18:48 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 26 дугаар ангийн алба хаагчдыг очиход хогийн сувагт хог шатаж байсныг 5 минут ажиллаж унтраасан. Утаажилтын бүсээс тус орцны 47 иргэнийг аюулгүй газарт гаргасан.
Нийслэлийн Баянзүрх дүүргийн 23 дугаар хороо, 3 дугаар хэсэг, байшингийн дээвэр шатаж байна гэсэн дуудлагыг 01.31-ний өдрийн 01:07 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 35 дугаар ангийн алба хаагчдыг очиход иргэн Б-ийн 10х15 метрийн хэмжээтэй байшингийн дээвэр шатаж байсныг 2 минут ажиллаж унтраасан.
ОНЦГОЙ БАЙДЛЫН ЕРӨНХИЙ ГАЗАР