1.Цаг агаар:
Өнгөрсөн хоногт: Баян-Өлгий, Ховд аймгуудын нутгаар цас орсон. Бусад нутгаар цаг агаар тогтуун байсан.
Өнөөдөр: Ихэнх нутгаар солигдмол үүлтэй. Баруун аймгуудын нутгийн өмнөд, төвийн аймгуудын нутгийн баруун өмнөд, говийн аймгуудын нутгийн баруун хэсгээр цас орно. Бусад нутгаар цас орохгүй. Салхи ихэнх нутгаар баруун хойноос 3-8 м/с, говь, тал хээрийн нутгаар 12-14 м/с хүрч ширүүснэ. Увс нуур болон Дархадын хотгор, Идэр, Тэс голын хөндийгөөр -22…-27 градус, Монгол-Алтай, Хангай, Хөвсгөл, Хэнтэйн уулархаг нутаг, Завхан голын эх, Хүрэнбэлчир орчим, Эг, Үүр, Орхон, Хараа, Ерөө, Туул голын хөндийгөөр -13…-18 градус, говийн бүс нутгийн өмнөд хэсгээр -1…-6 градус, бусад нутгаар -7…-12 градус хүйтэн байна.
Улаанбаатар хотод: Үүлшинэ. Цас орохгүй. Салхи баруун хойноос 4-9 м/с. -10…-12 градус хүйтэн байна.
Төлөв байдал: 18-нд говийн аймгуудын нутгийн зүүн хэсгээр цас, 19-нд Хэнтэйн уулархаг нутаг, Халх голын хөндийгөөр, 20-нд Алтай, Хангайн уулархаг нутгаар ялимгүй цас орно. Салхи 18,19-нд тал, хээрийн нутгаар 15-17 м/с хүрч ширүүснэ. 18, 19-нд нутгийн зүүн хагаст жавартай хүйтэн байх боловч бусад хугацаанд Увс нуур болон Дархадын хотгор, Завхан голын эх, Хүрэнбэлчир орчим, Идэр, Тэс голын хөндийгөөр шөнөдөө -31…-36 градус, өдөртөө -17…-22 градус, Хангай, Хөвсгөл, Хэнтэйн уулархаг нутаг, Эг, Үүр, Хараа, Ерөө, Тэрэлж голын хөндийгөөр шөнөдөө -25…-30 градус, өдөртөө -8…-13 градус, говийн бүс нутгийн өмнөд хэсгээр шөнөдөө -6…-11 градус, өдөртөө 0…+5 градус, Их нууруудын хотгор болон Хангайн нурууны өвөр бэл орчим болон говийн бүс нутгийн хойд хэсгээр шөнөдөө -11…-16 градус, өдөртөө -3…+2 градус, бусад нутгаар шөнөдөө -18…-23 градус, өдөртөө -4…-9 градус хүйтэн байна.
2. Гал түймэр:
– Хувийн өмчид гарсан: Хэнтий аймгийн Биндэр сумын Онон багийн задгай /аймгийн төвөөс хойд зүгт 185 км, сумын төв/-д Хүнсний дэлгүүрийн дээвэр 02.16-ны өдрийн 08:50 цагийн орчимд шатсан тухай мэдээллийг тухайн өдрийн 10:49 цагт хүлээн авсан. Тус сумын мэргэжлийн ангийнхан, орон нутгийн иргэдийг очиход иргэн Т-ын 6х10 метрийн хэмжээтэй “Барс” хүнсний дэлгүүрийн дээвэр шатаж байсныг 25 минут ажиллаж, 11:00 цагт гал түймрийг бүрэн унтраасан тухай мэдээллийг тус сумын сум дундын Цагдаагийн тасгийн зохицуулагч аймгийн Онцгой байдлын газарт мэдээлсэн.
Төв аймгийн Эрдэнэ сумын Тамган баг иргэн Ц-ийн 5 ханатай гэр, 02.16-ны өдрийн 13:10 цагийн орчим шатсан тухай мэдээллийг тухайн өдрийн 13:56 цагт хүлээн авсан. Тус сумын Цагдаагийн хэсгийн алба хаагчид, Засаг даргын Тамгын газрын аижлтнууд, орон нутгийн иргэдийг очиход иргэн Ц-ийн 5 ханатай гэр шатаж байсныг 30 минут ажиллан 13:55 цагт гал түймрийг бүрэн унтраасан тухай мэдээллийг сумын Засаг даргын Тамгын газрын дарга аймгийн Онцгой байдлын газарт мэдээлсэн.
Нийслэлийн Чингэлтэй дүүргийн 7 дугаар хороо, Хувьсгалчдын Г-ийн 12 дугаар гудамжинд байшин шатаж байна гэсэн дуудлагыг 02.16-ны өдрийн 13:45 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 10 дугаар ангийн алба хаагчдыг очиход иргэн З-ын 10х6 метрийн хэмжээтай байшингийн хана тааз, эд хогшил шатаж байсныг 30 минут ажиллан унтраасан. Тус гал түймэрт иргэн З /75 настай, эрэгтэй/, Э /54 настай, эмэгтэй, оршин суух хаяг тодорхойгүй/ нар тус тус өртөж нас барсан байсан тул тус дүүргийн Цагдаагийн 2 дугаар хэлтсийн мөрдөн байцаагчид шилжүүлэн өгсөн.
Нийслэлийн Сонгинохайрхан дүүргийн 34 дүгээр хороо, 10 дугаар байр гал гарч байна гэсэн дуудлагыг 02.17-ны өдрийн 00:22 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 11 дүгээр ангийн алба хаагчдыг очиход иргэн Ч-ын /30 м2/ 1 өрөө байрны эд хогшил шатаж байсныг 15 минут ажиллан унтраасан. Тус гал түймэрт иргэн Ч /73 настай, эрэгтэй/ өртөж нас барсан байсан тул тус дүүргийн Цагдаагийн 1 дүгээр хэлтэст шилжүүлэн өгч, иргэн О /69 настай, эмэгтэй/ угаартсан байсныг нийслэлийн Түргэн тусламжийн төвийн эмчид хүлээлгэн өгсөн.
Нийслэлийн Баянзүрх дүүргийн 6 дугаар хороо, 73 дугаар байр хогийн цэгт хог шатаж байна гэсэн дуудлагыг 02.17-ны өдрийн 01:24 цагт хүлээн авсан. Чингэлтэй дүүргийн Онцгой байдлын хэлтсийн Гал түймэр унтраах аврах 10 дугаар ангийн алба хаагчдыг очиход хогийн цэгт хог шатаж байсныг 5 минут ажиллан унтраасан.
3.Хүний үйл ажиллагаатай холбоотой осол:
– Автозамын тээврийн осол: Ховд аймгийн Манхан сумын Баянгол баг, “Шаварын тохой” гэдэг газар /аймгийн төвөөс урд зүгт 45 км, сумын төвөөс хойд зүгт 35 км/-т Суудлын автомашин замын хашлага давж унасан тухай дуудлагыг 02.16-ны өдөр 21:10 цагт хүлээн авсан. Тус аймгийн Онцгой байдлын газрын Манхан сум дахь Эрэн хайх аврах бүлгийн алба хаагчдыг очиход тус аймгийн Жаргалант сумаас Мөнххайрхан сумын чиглэлд иргэн Б /52 настай, эрэгтэй/-ийн жолоодож явсан “Бигхорн” загварын 5 зорчигчтой суудлын автомашин замын хашлага даван унаж, иргэн Ц /63 настай, эмэгтэй/, Б /65 настай, эрэгтэй/ нар автомашинаас гарах боломжгүй байсан тул 22:20 цагт тухайн 2 иргэнийг эсэн мэнд гаргаж, тус сумын Эрүүл мэндийн төвийн их эмчид хүлээлгэн өгч, 23:03 цагт автомашиныг татан босгосон.
Бусад төрлийн осол /ажиллагаа/ – Бусад: Завхан аймгийн Эрдэнэхайрхан сумын Багануур баг, “Нарийн гол” гэдэг газар /аймгийн төвөөс баруун хойд зүгт 115 км, сумын төвөөс баруун зүгт 20 км/-т Нарийн голын мөсөн дээгүүр зорчиж явсан суудлын автомашин голын мөс цөмөрч суусан тухай дуудлагыг 02.16-ны өдрийн 08:50 цагт хүлээн авсан. Тус аймгийн Онцгой байдлын газрын Гал түймэр унтраах, аврах 43 дугаар ангийн алба хаагчдыг очиход тус аймгийн Цэцэн-Уул сумаас Эрдэнэхайрхан сумын чиглэлд иргэн Ц /40 настай, эрэгтэй/-ийн жолоодож явсан “Грэйс” загварын 2 зорчигчтой суудлын автомашин голын мөс цөмөрч суусан байсан тул 18:25 цагт татан гаргасан.
ОНЦГОЙ БАЙДЛЫН ЕРӨНХИЙ ГАЗАР