1.Цаг агаар:
Өнгөрсөн хоногт: Нийт нутгаар цагаар тогтуун байсан.
Өнөөдөр: Нутгийн зүүн хагаст багавтар үүлтэй, бусад нутгаар солигдмол үүлтэй. Хөвсгөлийн уулсаар ялимгүй цас орно. Бусад нутгаар цас орохгүй. Салхи ихэнх нутгаар баруун өмнөөс секундэд 2-7 метр, говь, талын нутгаар секундэд 10-12 метр хүрч ширүүснэ. Увс нуурын хотгор, Идэр, Тэс голын хөндийгөөр -19…-24 градус, Дархадын хотгор, Хангай, Хөвсгөлийн уулархаг нутаг, Завхан голын эх, Хүрэнбэлчир орчмоор -13…-18 градус хүйтэн, говийн бүс нутгийн баруун өмнөд хэсгээр +1…+6 градус дулаан, Их нууруудын хотгор, Хангайн нурууны өвөр бэл болон говийн бүс нутгийн хойд болон зүүн хэсгээр 0…-5 градус, бусад нутгаар -6…-11 градус хүйтэн байна.
Улаанбаатар хотод: Багавтар үүлтэй. Цас орохгүй. Салхи баруун өмнөөс секундэд 2-7 метр. Шөнөдөө Яармаг-Сонгины орчмоор -26…-28 градус, бусад хэсгээр -19…-21 градус, өдөртөө -3…-5 градус хүйтэн байна.
Төлөв байдал: 21-нд Хэнтийн уулархаг нутгаар, 22-нд Хангай, Хөвсгөлийн уулархаг нутгаар ялимгүй цас, 23-нд төвийн аймгуудын нутгийн зарим газар болон говийн аймгуудын нутгийн баруун хэсгээр, 24-нд говийн аймгуудын нутгийн зүүн хэсгээр цас орно. Салхи 22-нд говь, талын нутгаар, 23-нд говь, тал, хээрийн нутгаар секундэд 14-16 метр хүрч ширүүснэ. Хүйтний эрч суларч шөнөдөө Увс нуур болон Дархадын хотгор, Завхан голын эх, Идэр, Тэс голын хөндийгөөр -30…-35 градус, Хангай, Хөвсгөл, Хэнтийн уулархаг нутаг, Хүрэнбэлчир орчим, Байдраг, Эг, Үүр, Орхон, Ерөө, Туул, Тэрэлж, Хэрлэн голын хөндийгөөр -24…-29 градус, говийн бүс нутгийн баруун өмнөд хэсгээр -3…-8 градус, Хангайн нурууны өвөр бэл, говийн бүс нутгийн хойд болон зүүн өмнөд хэсгээр -10…-15 градус, бусад нутгаар -17…-22 градус, өдөртөө Увс нуур болон Дархадын хотгор, Тэс голын хөндийгөөр -16…-21 градус, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Эг, Үүр, Идэр, Орхон, Ерөө голын хөндийгөөр -7…-12 градус хүйтэн, говийн бүс нутгийн баруун өмнөд хэсгээр +5…+10 градус дулаан, Их нууруудын хотгор, Хангайн нурууны өвөр бэл, говийн бүс нутгийн хойд болон зүүн өмнөд хэсгээр 0…+5 градус, бусад нутгаар 0…-5 градус хүйтэн байна.
2. Гал түймэр:
– Төрийн өмчид гарсан: Нийслэлийн Сүхбаатар дүүргийн 1 дүгээр хороо, 55 дугаар байр хогийн цэг шатаж байна гэсэн дуудлагыг 02.19-ний өдрийн 18:11 цагт хүлээн авсан. Чингэлтэй дүүргийн Онцгой байдлын хэлтсийн Гал түймэр унтраах аврах 10 дугаар ангийн алба хаагчдыг очиж хогийн цэгт хог шатаж байсныг 10 минут ажиллаж унтраасан.
Нийслэлийн Сүхбаатар дүүргийн 6 дугаар хороо, 55 дугаар байр хогийн цэг шатаж байна гэсэн дуудлагыг 02.19-ний өдрийн 20:05 цагт хүлээн авсан. Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн алба хаагчдыг очиж хогийн цэгт хог шатаж байсныг 10 минут ажиллаж унтраасан.
– ААН, байгууллагын өмчид гарсан: Дархан-Уул аймгийн Дархан сумын 12 дугаар баг хогийн цэг шатаж байна гэсэн дуудлагыг 02.20-ны өдрийн 05:44 цагт хүлээн авсан. Тус аймгийн Онцгой байдлын газрын Гал түймэр унтраах, аврах 22 дугаар ангийн алба хаагчдыг очиход худалдааны төвийн хогийн цэг шатаж байсныг 50 минут ажиллаж унтраасан.
– Хувийн өмчид гарсан: Архангай аймгийн Эрдэнэбулган сумын Цагдуулт багийн Цогт-Уулын 01 дүгээр гудамжинд байшин шатаж байна гэсэн дуудлагыг 02.19-ний өдрийн 09:45 цагт хүлээн авсан. Тус аймгийн Онцгой байдлын газрын Гал түймэр унтраах, аврах 51 дүгээр ангийн алба хаагчдыг очиход иргэн С-ын 16х8 метрийн хэмжээтэй байшингийн гал тогоо, агуулахын өрөө шатаж байсныг 1 цаг 12 минут ажиллаж унтраасан.
Хөвсгөл аймгийн Шинэ-Идэр сумын Баянзүрх багийн “Цахиуртын-Оноо” гэдэг газар /аймгийн төвөөс урьд зүгт 143 км, сумын төвөөс зүүн зүгт 20 км/-т 02.19-ний өдрийн 14:00 цагийн орчим эзэнгүй гэр шатсан тухай мэдээллийг 02.19-ний өдрийн 18:15 цагт хүлээн авсан. Тус сумын иргэн А-ын эзэмшлийн 6 ханатай гэр, эд зүйлсийн хамт бүрэн шатсан тухай аймгийн Онцгой байдлын газарт мэдээлсэн.
Өмнөговь аймгийн Даланзадгад сумын Хан-Уул багийн “Хан-Уул”-ын 8 дугаар гудамжинд гэр шатаж байна гэсэн дуудлагыг 02.19-ний өдрийн 17:21 цагт хүлээн авсан. Тус аймгийн Онцгой байдлын газрын Гал түймэр унтраах, аврах 21 дүгээр ангийн алба хаагчдыг очиход иргэн А-ийн 5 ханатай гэр шатаж байсныг 15 мин ажиллаж унтраасан.
Нийслэлийн Хан-Уул дүүргийн 20 дугаар хороо, 84 дүгээр байр орцонд утаа гарч байна гэсэн дуудлагыг 02.19-ний өдрийн 17:45 цагт хүлээн авсан. Тус дүүргийн Онцгой байдлын хэлтсийн Гал түймэр унтраах аврах 14 дүгээр ангийн алба хаагчдыг очиход иргэн Э-ын 51 м2 хэмжээтэй 2 өрөө байрны гал тогооны өрөөнд эд зүйлс шатаж байсныг 15 минут ажиллаж унтраасан. Утаажилтын бүсээс 14 иргэн гаргасан.
Сэлэнгэ аймгийн Мандал сумын Баянсуудал багийн Үтрэм 1 дүгээр гудамжинд амбаар шатаж байна гэсэн дуудлагыг 02.19-ний өдрийн 19:55 цагт хүлээн авсан. Тус аймгийн Онцгой байдлын газрын Мандал сум дахь Гал түймэр унтраах, аврах 19 дүгээр ангийн алба хаагчдыг очиход иргэн А-ын 3х2 метрийн хэмжээтэй амбаар шатаж байсныг 14 минут ажиллаж унтраасан.
Нийслэлийн Чингэлтэй дүүргийн 2 дугаар хороо, 23 дугаар байр 3 дугаар орцонд утаа гарч байна гэсэн дуудлагыг 02.19-ний өдрийн 21:33 цагт хүлээн авсан. Тус дүүргийн Онцгой байдлын хэлтсийн Гал түймэр унтраах аврах 10 дугаар ангийн алба хаагчдыг очиход иргэн Э-ийн 17 м2 хэмжээтэй оёдлын цехэд бараа материал шатаж байсныг 30 минут ажиллаж унтраасан. Утаажилтын бүсээс 27 иргэнийг гаргасан.
Увс аймгийн Зүүнхангай сумын Хайрхан багийн Жаргалантын гудамжинд /аймгийн төвөөс зүүн урд зүгт 357 км, сумын төвд, Баруунтуруун сумаас зүүн урд зүгт 160 км/-т Байшин шатаж байна гэсэн дуудлагыг 02.19-ний өдрийн 19:18 цагт хүлээн авсан. Зүүнхангай сумын Засаг даргаар ахлуулсан сумын Засаг даргын Тамгын газрын ажилтнууд, орон нутгийн иргэд иргэн Ж-ын 6×8 метрийн хэмжээтэй байшин шатаж байсныг 2 цаг 47 минут ажиллаж унтраасан.
3.Хүний үйл ажиллагаатай холбоотой осол:
Зам, тээврийн осол – Автозамын тээврийн осол: Нийслэлийн Баянгол дүүргийн 20 дугаар хороо, Сонсголонгийн авто замын зорчих хэсэгт Зам тээврийн осол болсон тухай дуудлагыг 02.19-ний өдрийн 12:17 цагт хүлээн авсан. Нийслэлийн Аврах ангийн алба хаагчдыг очиход ачааны автомашин, иргэн А-ын суудлын автомашины хөдөлгүүр хэсэг дээр унаж, иргэн Т /42 настай, эрэгтэй/, Т /37 настай, эрэгтэй/, А /39 настай, эрэгтэй/ нар автомашины эд ангид хавчуулагдсан байсныг 25 минут ажиллаж эсэн мэнд гарган НЯТТ-ийн эмчид, иргэн Б /35 настай, эмэгтэй/, Э /10 настай, эмэгтэй/, Д /55 настай, эмэгтэй/, М /19 настай, эмэгтэй/ нарт эмнэлгийн анхан шатны тусламж үзүүлэн ГССҮТ-д тээвэрлэн хүргэж, их эмчид тус тус хүлээлгэн өгсөн.
ОНЦГОЙ БАЙДЛЫН ЕРӨНХИЙ ГАЗАР