Жил бүрийн гуравдугаар сарын 22-нд өдөр, шөнө тэнцэх өдрөөр казах түмэн Наурызын баяр, хаврын баяраа тэмдэглэдэг уламжлалтай. Энэхүү баярыг тохиолдуулан Монгол Улсын Шадар сайд Ц.Оюунбаатар, ОБЕГ-ын дарга, бригадын генерал Т.Бадрал нар Онцгой байдлын албанд ажиллаж буй казах албан хаагчдын төлөөллийг хүлээн авч баяр хүргэлээ.
Энэ үеэр Шадар сайд “Уудам Монгол орны маань өнцөг булан бүрт суугаа ард иргэддээ болон казах түмэндээ хамгийн сайн сайхныг хүсье. Энэ бол манай улсад өргөнөөр тэмдэглэдэг, олон жил казах иргэд маань онцгойлон тэмдэглэж ирсэн сайхан баяр юм. Энэ баярыг тохиолдуулан Онцгой байдлын албанд ажиллаж байгаа казах албан хаагчдадаа та бүхнээр дамжуулан баярын мэндийг уламжилж байна” гэв.
Мөн эдгээр албан хаагчдад гарын бэлэг гардууллаа.
