1.Цаг агаар:
Өнгөрсөн хоногт: Булган, Говьсүмбэр, Дархан-Уул, Дорноговь, Дундговь, Завхан, Орхон, Өмнөговь, Увс, Төв, Сүхбаатар, Сэлэнгэ аймгуудын нутгаар цас орсон. Бусад нутгаар цаг агаар тогтуун байлаа.
Өнөөдөр: Ихэнх нутгаар солигдмол үүлтэй. Увс нуурын хотгор болон Хангай, Хөвсгөлийн уулархаг нутгаар цас орж, цасан шуурга шуурна. Бусад нутгаар цас орохгүй. Салхи ихэнх нутгаар баруун хойноос секундэд 5-10 метр, Алтайн салбар уулс болон говь, тал, хээрийн нутгаар секундэд 14-16 метр хүрч ширүүснэ. Дархадын хотгор, Хэрлэн, Онон, Улз, Халх голын хөндийгөөр -15…-20 градус, Хангай, Хөвсгөл, Хэнтийн уулархаг нутаг, Завхан голын эх, Идэр, Тэс, Хараа, Ерөө, Туул, Тэрэлж голын хөндий, Дорнод, Дарьгангын тал нутгаар -11…-16 градус хүйтэн, говийн бүс нутгийн баруун өмнөд хэсгээр 0…+5 градус дулаан, Их нууруудын хотгор, Хангайн нурууны өвөр бэлээр -1…-6 градус, бусад нутгаар -8…-13 градус хүйтэн байна.
Улаанбаатар хотод: Үүлшинэ. Цас орохгүй. Салхи баруун хойноос секундэд 5-10 метр. -13…-15 градус хүйтэн байна.
Төлөв байдал: 28-нд баруун аймгуудын нутгийн зүүн хэсэг, төв болон говийн аймгуудын нутгийн зарим газраар, 29-нд Увс нуурын хотгор болон Хэнтийн уулархаг нутгаар, 30-нд Увс нуурын хотгор болон Хөвсгөлийн уулархаг нутгаар, 12-р сарын 01-нд төв болон зүүн аймгуудын нутгийн зарим газраар цас орж, цасан шуурга шуурна. Салхи ихэнх хугацаанд секундэд 6-11 метр, 28-нд Алтайн салбар уулс, говь, талын нутгаар зарим үед секундэд 14-16 метр хүрч ширүүснэ. Хөвсгөлийн уулархаг нутаг, Завхан голын эх, Хүрэнбэлчир орчим, Идэр, Тэс, Халх голын хөндийгөөр шөнөдөө -29…-34 градус, өдөртөө -18…-23 градус, Алтай, Хангай, Хэнтийн уулархаг нутаг, Эг, Үүр, Хараа, Ерөө, Орхон, Сэлэнгэ, Туул, Тэрэлж, Хэрлэн, Онон, Улз голын хөндийгөөр шөнөдөө -24…-29 градус, өдөртөө -14…-19 градус, говийн бүс нутгийн өмнөд хэсгээр шөнөдөө -13…-18 градус, өдөртөө -2…-7 градус, бусад нутгаар шөнөдөө -19…-24 градус, өдөртөө -10…-15 градус хүйтэн байна.
2. Гал түймэр:
– Төрийн өмчид гарсан: Хөвсгөл аймгийн Рэнчинлхүмбэ сумын Зөөлөн баг /аймгийн төвөөс хойд зүгт 243 км, сумын төв/-т 11.26-ны өдрийн 11:00 цагийн орчим “Ахмадын хорооны байр” шатсан тухай мэдээллийг 11.26-ны өдрийн 12:15 цагт хүлээн авсан. Тус сумын Ахмадын хорооны 12х8 метрийн хэмжээтэй 2 давхар дүнзэн байшин шатсан тухай мэдээллийг Ахмадын зөвлөлийн дарга аймгийн Онцгой байдлын газарт мэдээлсэн.
– ААН, байгууллагын өмчид гарсан: Нийслэлийн Баянгол дүүргийн 3 дугаар хорооны зайрмагийн бөөний төв шатаж байна гэсэн дуудлагыг 11.26-ны өдрийн 23:23 цагт хүлээн авсан. Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн алба хаагчдыг очиход түрээслэгч иргэн Б-ийн 8х7 метрийн хэмжээтэй зайрмагийн бөөний төвийн байшингийн дээврийн хэсэг, эд хогшил шатаж байсныг унтраасан.
– Хувийн өмчид гарсан: Дархан-Уул аймгийн Дархан сумын 13 дугаар багийн Үйлдвэрийн район өвөлжөө шатаж байна гэсэн дуудлагыг 11.26-ны өдрийн 07:02 цагт хүлээн авсан. Тус аймгийн Онцгой байдлын газрын Гал түймэр унтраах, аврах 22 дугаар ангийн алба хаагчдыг очиход иргэн Т-ийн 10х7 метрийн хэмжээтэй өвөлжөө шатаж байсныг ажиллаж унтраасан.
Нийслэлийн Налайх дүүргийн 8 дугаар хорооны Нарлагийн 6 дугаар гудамжинд байшин шатаж байна гэсэн дуудлагыг 11.26-ны өдрийн 09:08 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 28 дугаар ангийн алба хаагчдыг очиход иргэн Б-ын 10х6 метрийн хэмжээтэй байшингийн дээврийн хэсэг шатаж байсныг ажиллаж унтраасан.
Сэлэнгэ аймгийн Сүхбаатар сумын Ганзам багийн 1 дүгээр хэсэг гал харагдахгүй, утаа гараад байна гэсэн дуудлагыг 11.26-ны өдрийн 11:00 цагт хүлээн авсан. Тус аймгийн Онцгой байдлын газрын Гал түймэр унтраах, аврах 36 дугаар ангийн алба хаагчдыг очиход иргэн А-ын 8х11 метрийн хэмжээтэй 2 давхар палкаар барьж, тоосгоор гадарласан байшингийн 1 давхрын палка болон тоосго хоёрын завсрын хэсэг шатаж байсныг ажиллаж унтраасан.
Нийслэлийн Сүхбаатар дүүргийн 20 дугаар хорооны Сэлбийн задгайд гарааш шатаж байна гэсэн дуудлагыг 11.26-ны өдрийн 20:38 цагт хүлээн авсан.Тус дүүргийн Онцгой байдлын хэлтсийн Гал түймэр унтраах, аврах 34 дүгээр ангийн алба хаагчдыг очиход иргэн А-ын 14х8 метрийн хэмжээтэй гараашны дотор тал болон дээврийн хэсэг, “Хонда Фит” загварын автомашин, “Хонда Фит” загварын автомашин, мотоцикл, улсын дугааргүй мопед тус тус бүрэн шатаж байсныг ажиллаж унтраасан.
3. Хүний үйл ажиллагаатай холбоотой осол:
Хэнтий аймгийн Галшар сумын Жаргалант багийн “Хана” гэдэг газар /аймгийн төвөөс урд зүгт 130 км, сумын төвөөс баруун хойд зүгт 26 км, Бор-Өндөр сумын төвөөс зүүн урд 120 км/-т 11.22-ны өдрийн 09:00 цагийн орчим тус сумын харьяат малчин Г нь согтууруулах ундааны зүйл хэрэглэсэн үедээ гэрээсээ гарч яваад сураггүй болсон тухай дуудлагыг 11.25-ны өдрийн 13:40 цагт хүлээн авсан. Тус аймгийн Галшар сумын мэргэжлийн ангийнхан, ар гэрийнхэн малчин Г /53 настай, эрэгтэй/-ийг эрэн хайх ажиллагааг 11.25-ны өдрийн 10:30 цагаас зохион байгуулж 11.26-ны өдрийн 08:38 цагт гэрээс нь зүүн урд зүгт 800 м зайтай газраас цогцсыг нь олж Цагдаагийн хэсгийн төлөөлөгчид шилжүүлэн өгсөн.
Нийслэлийн Сонгинохайрхан дүүргийн 43 дугаар хорооны Алтайн 1 дүгээр гудамжинд нийтийн байрны нүхэн жорлонд ураг унасан байна гэсэн дуудлагыг 11.26-ны өдрийн 12:46 цагт хүлээн авсан. Нийслэлийн аврах ангийн алба хаагчдыг очиход эцэг, эх нь тодорхойгүй 9 сартай ураг 2 метрийн гүнтэй бетон жорлонд унасан байсныг 30 минут ажиллаж амьгүй болсон ургийг гарган тус дүүргийн Цагдаагийн 3 дугаар хэлтэст хүлээлгэн өгсөн.
ОНЦГОЙ БАЙДЛЫН ЕРӨНХИЙ ГАЗАР