1.Цаг агаарын талаар:
Өнгөрсөн хоногт: Улаанбаатар хот болон Архангай, Булган, Говь-Алтай, Говьсүмбэр, Дорноговь, Дундговь, Орхон, Өвөрхангай, Өмнөговь, Сүхбаатар, Сэлэнгэ, Төв, Хөвсгөл, Хэнтий, Завхан аймгуудад цас орсон. Бусад нутгаар цаг агаар тогтуун байлаа.
Өнөөдөр: Нутгийн зүүн хэсгээр үүлэрхэг. Зүүн аймгуудын өмнөд хэсгээр цас орж, цасан шуурга шуурна. Бусад нутгаар үүл багасна. Цас орохгүй. Салхи баруун хойноос 6-11 м/с, нутгийн өмнөд хэсгээр 14-16 м/с хүрч ширүүснэ. Хүйтний эрч чангарч Дархадын хотгороор 25-30 градус, Увс нуурын хотгор, Идэр,Тэс голын хөндийгөөр 21-26 градус, Сэлэнгэ, Хараа, Ерөө, Туул, Тэрэлж, Хэрлэн, Онон, Улз голын хөндийгөөр 19-24 градус, говийн бүс нутгийн өмнөд хэсгээр 4-9 градус, бусад нутгаар 13-18 градус хүйтэн байна.
Улаанбаатар хотод: Үүл багасна. Цас орохгүй. Салхи баруун хойноос 5-10 м/с. Хүйтэрч 19-21 градус хүйтэн байна.
Төлөв байдал: 20, 21-нд нутгийн баруун өмнөд хэсгээр цас орно. Салхи 20-нд нутгийн өмнөд хэсгээр 14-16 м/с хүрч ихэнх нутгаар явган шуурга шуурна. Хүйтний эрч чангарч Дархадын хотгор, Идэр, Тэс голын хөндийгөөр шөнөдөө 40-45 градус, өдөртөө 27-32 градус, Увс нуурын хотгор болон Орхон-Сэлэнгэ, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 32-37 градус, өдөртөө 20-25 градус, говийн бүс нутгийн өмнөд хэсгээр шөнөдөө 15-20 градус, өдөртөө 8-13 градус, бусад нутгаар шөнөдөө 26-31 градус, өдөртөө 16-21 градус хүйтэн байна.Хугацааны эцсээр өдөртөө хүйтний эрч бага зэрэг суларна.
2. Эрэн хайх, аврах ажиллагаа:
Аврах ажиллагаа: Нийслэлийн Баянгол дүүргийн 4 дүгээр хороо, 3 дугаар байрны 1 дүгээр орц 2 давхар 05 тоот айлын цонхоор хүүхэд унах гэж байна гэсэн дуудлагыг 2016.11.18-ны өдрийн 18:40 цагт хүлээн авч Нийслэлийн аврах ангийн 6 албан хаагч, 2 техник хэрэгсэлтэйгээр ажиллаж, М /7 настай, эрэгтэй/ цонхны тавцан дээр гарсан байсныг 3 дугаар давхраас аврах олсоор бууж, цонхоор оруулж аюулгүй болгон ар гэрийн хүнд хүлээлгэн өгсөн.
Ус, цас, шаварт саатсан: Сэлэнгэ аймгийн Баянгол сумын Хараа багийн Найрамдал гэдэг газар иргэн А-ын “Санато” загварын автомашины нүхэн гүүрэн доор, усанд цөмөрсөн гэсэн дуудлагыг 2016.11.18-ны өдрийн 03:40 цагт хүлээн авч тус аймгийн Баянгол сумын Гал түймэр унтраах, аврах 40 дүгээр ангийн 3 албан хаагч, 1 техник хэрэгсэлтэйгээр ажиллаж, А /36 настай, эрэгтэй/, Г /36 настай, эрэгтэй/, Б /40 настай, эрэгтэй/ нарын 3 иргэнийг татан гаргаж, аюулгүй болгосон.
Нийслэлийн Багануур дүүргийн 3 дугаар хороо, Гахайн байр гэдэг газар иргэн Б-н “Верна” загварын автомашин замын хажуу хэсгээс унах гээд байна гэсэн дуудлагыг 2016.11.18-ны өдрийн 05:40 цагт хүлээн авч тус дүүргийн онцгой байдлын хэлтсийн Гал түймэр унтраах, аврах 64 дүгээр ангийн 3 албан хаагч, 1 техник хэрэгсэлтэйгээр ажиллаж тус автомашин замын хажуу руу гулган орсон байсныг татан гаргаж аюулгүй болгосон.
3.Мал, амьтны гоц халдварт болон халдварт өвчин:
Архангай аймгийн Өгийнуур сумын Орхон багийн “Мөнхөд хонхор” гэдэг газар малчин Ө-н 50 хонинд халдварт өвчний шинж тэмдэг илэрсэн, өвчтэй малаас дээж авч, УМЭАЦТЛ–д шинжлэхэд 2016.11.16-ны өдрийн 1151 тоот хариугаар “Хонины цэцэг” өвчин болох нь тогтоогдсон.
Булган аймгийн Баян-Агт сумын Шарга багийн “Мухар хөндий” гэдэг газар иргэн У-н 1 үхэр 2016.11.02-ны өдөр халдварт өвчний шинж тэмдэгтэй өвчилсөн тул дээж авч УМЭАЦЛ-д шинжлүүлэхэд 2016.11.04-ний өдрийн 577/566 дугаар хариугаар “Галзуу” өвчин болох нь тогтоогдсоныг сумын засаг даргын 2016.11.18-ны өдрийн А/102 тоот захирамжаар хязгаарлалтын дэглэмийг цуцалсан.
4. Объектын гал түймэр:
Дундговь аймгийн Сайнцагаан сумын Боржигон багийн Шанд гудамжийн 20 тоотод иргэн Д-н “Портер” загварын ачааны автомашин шатаж байна гэсэн дуудлагыг 2016.11.18-ний өдрийн 16:49 цагт хүлээн авч тус аймгийн Онцгой байдлын газрын Гал түймэр унтраах, аврах 25 дугаар ангийн 6 албан хаагч;
Нийслэлийн Налайх дүүргийн 7 дугаар хороо, Өвөршандын 25 дугаар гудамжийн 02 тоотод “Би нисэх дуртай” цэцэрлэг шатаж байна гэсэн дуудлагыг 2016.11.18-ний өдрийн 20:04 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 28 дугаар ангийн 7 албан хаагч;
Нийслэлийн Сонгинохайрхан дүүргийн 6 дугаар хороо, Хайрхан хорооллын 46-Б байрны урд иргэн Т-н “Соната-5” загварын автомашин шатаж байна гэсэн дуудлагыг 2016.11.18-ний өдрийн 23:49 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 26 дугаар ангийн 8 албан хаагч тус тус ажиллаж унтраасан.
ГАМШГИЙН ШУУРХАЙ УДИРДЛАГЫН ГАЗАР