Аюулт үзэгдэл ослын хоногийн мэдээ

Өнгөрсөн хоногт: Нийт нутгаар цаг агаар тогтуун байлаа.

Өнөөдөр: Нутгийн баруун хэсгээр үүлшинэ. Бусад нутгаар багавтар үүлтэй. Нийт нутгаар цас орохгүй. Салхи баруунаас 5-10 м/с, Алтайн уулсаар 12-14 м/с хүрч ширүүснэ. Дархадын хотгор, Идэр, Тэс голын хөндийгөөр 19-24 градус, Увс нуурын хотгор, Хангай, Хэнтийн уулархаг нутаг, Хараа, Ерөө, Туул, Тэрэлж, Хэрлэн голын хөндийгөөр 13-18 градус, Эхийн голын Баянбүрд орчим, говийн аймгуудын нутгийн өмнөд хэсгээр 1-6 градус, бусад нутгаар 8-13 градус хүйтэн байна.

Улаанбаатар хотод: Үүлшинэ. Цас орохгүй. Салхи баруунаас 5-10 м/с.13-15 градус хүйтэн байна.

Төлөв байдал: 25-нд баруун аймгуудын нутгийн хойд хэсэг, төв болон зүүн аймгуудын ихэнх нутгаар, 26-нд зүүн аймгуудын нутгийн өмнөд хэсгээр цас орж, цасан шуурга шуурна. Салхи 25-нд зарим газраар 14-16 м/с хүрч ширүүснэ. Хүйтний эрч суларч Дархадын хотгор, Идэр, Тэс голын хөндийгөөр шөнөдөө 29-34 градус, өдөртөө 19-24 градус, Увс нуурын хотгор болон Хараа, Ерөө, Туул, Тэрэлж, Хэрлэн голын хөндийгөөр шөнөдөө 24-29 градус, өдөртөө 12-17 градус, говийн бүс нутгийн өмнөд хэсгээр шөнөдөө 11-16 градус хүйтэн, өдөртөө 1 градус дулаанаас 4 градус хүйтэн, бусад нутгаар шөнөдөө 18-23 градус, өдөртөө 5-10 градус хүйтэн байна.

Голын мөс цөмөрсөн: Хөвсгөл аймгийн Цэцэрлэг сумын Жаргалант багийн Дүмбэгэрийн-Өвөр гэдэг газар /сумын төвөөс зүүн урд зүгт 38 км-т/, иргэн М улсын дугаартай “Бенз” шаланз загварын 50 тонн даацтай автомашин Тэсийн голд мөс цөмөрч суусан тухай дуудлагыг 2016.11.22-ны өдрийн 06:00 цагт хүлээн авч тус аймгийн Онцгой байдлын газрын Эрэн хайх, аврах салбарын 7 албан хаагч, 1 техник хэрэгсэлтэйгээр гарч ачсан давсыг буулгаж, мөсөнд цөмөрсөн автомашиныг татан гаргахаар ажиллаж байна.

Цасанд саатсан: Багахангай дүүргийн 2 дугаар хороо, Тавын гүүр гэдэг газар иргэн Д улсын дугаартай “Ланд-200” загварын автомашин цасанд суусан гэсэн дуудлагыг 2016.11.23-ны өдрийн 23:25 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 80 дугаар ангийн 3 албан хаагч, 1 автомашинтай ажиллаж татан гаргасан.

Аврах ажиллагаа: Сүхбаатар дүүргийн 9 дүгээр хороо, Шинэ дэлхий ТВ-ийн арын барилга дээрээс хүн уналаа  гэсэн дуудлагыг 2016.11.23-ны өдрийн 20:07 цагт хүлээн авч Нийслэлийн Онцгой байдлын газрын 8 албан хаагч, 2 техник хэрэгсэлтэйгээр ажиллаж иргэн П /19 настай, эрэгтэй/ 18 дугаар давхараас унаж нас барсан байсныг тус дүүргийн Цагдаагийн байгууллагад хүлээлгэн өгсөн.

 3. Объектын гал түймэр:

 

Сонгинохайрхан дүүргийн 6 дугаар хороо, Тоосгоны 24 А гудамжийн 5 Б тоотод иргэн Б байшин шатаж байна гэсэн дуудлагыг 2016.11.23-ны өдрийн 07:59 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 26 дугаар ангийн 8 албан хаагч, 2 автомашинтай;

Баянгол дүүргийн 5 дугаар хороо, Энэрэл хотхоны 1 дүгээр байрны 9 тоотод иргэн Б гал тогооны өрөө шатаж байна гэсэн дуудлагыг 2016.11.23-ны өдрийн 19:56 цагт хүлээн авч Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн 6 албан хаагч, 1 автомашинтай ажиллаж унтраасан. Утаажилтын бүсээс 68 иргэнийг аюулгүй газарт гаргасан

Булган аймгийн Булган сумын Ачуут багийн 3в9 дүгээр гудамжийн 6 тоотод иргэн М эзэмшлийн дүнзэн байшингийн хана шатаж байна гэсэн дуудлагыг 2016.11.23-ны өдрийн 23:55 цагт хүлээн авч тус аймгийн Онцгой байдлын газрын Аврах гал унтраах 20-р ангийн 6 албан хаагч, 1 автомашинтай тус тус ажиллаж унтраасан.

 

ГАМШГИЙН ШУУРХАЙ УДИРДЛАГЫН ГАЗАР