1.Цаг агаарын талаар:
Өнгөрсөн хоногт: Нийт нутгаар цаг агаар тогтуун байлаа.
Өнөөдөр: Баруун болон төвийн аймгуудын нутгаар үүлшинэ. Зүүн аймгуудын нутгаар солигдмол үүлтэй. Говийн аймгуудын нутгаар багавтар үүлтэй. Цас орохгүй. Салхи баруун болон говийн аймгуудын нутгаар баруун өмнөөс, бусад нутгаар баруун хойноос 6-11 м/с. Дархадын хотгор, Байтаг богд орчмоор 17-22 градус, Увс нуурын хотгор, Хангай, Хэнтийн уулархаг нутаг, Хүрэн бэлчир болон Идэр, Тэс, Хараа, Ерөө, Туул, Тэрэлж, Хэрлэн, Онон, Улз голын хөндийгөөр 9-14 градус хүйтэн, говийн бүс нутгийн өмнөд хэсгээр 0-5 градус дулаан, бусад нутгаар 3-8 градус хүйтэн байна.
Улаанбаатар хотод багавтар үүлтэй. Цас орохгүй. Салхи баруунаас 5-10 м/с. 9-11 градус хүйтэн байна.
Төлөв байдал: 28-нд нутгийн баруун өмнөд, 29-нд нутгийн зүүн өмнөд хэсгээр, 30-нд зүүн аймгуудын зарим нутгаар цас орж, явган шуурга шуурна. Салхи 29-30-нд зарим газраар 14-16 м/с хүрч ширүүснэ. Дархадын хотгор, Идэр, Тэс голын хөндийгөөр шөнөдөө 23-28 градус, өдөртөө 15-20 градус, Увс нуурын хотгор болон Хараа, Ерөө, Туул, Тэрэлж, Хэрлэн голын хөндийгөөр шөнөдөө 20-25 градус, өдөртөө 10-15 градус, говийн бүс нутгийн өмнөд хэсгээр шөнөдөө 6-11 градус хүйтэн, өдөртөө 3 градус дулаанаас 2 градус хүйтэн, бусад нутгаар шөнөдөө 14-19 градус, өдөртөө 3-8 градус хүйтэн байна. 30-нд нутгийн зүүн хэсгээр бага зэрэг хүйтэрнэ.
2. Эрэн хайх, аврах ажиллагаа:
Аврах ажиллагаа: Ховд аймгийн Чандмань сумын Жаргалан багийн Хар нуурын “Хомын хоолой” гэдэг газарт /сумын төвөөс зүүн хойд зүгт 60 км-т/ улсын дугаартай “Ниссан Гаме” загварын суудлын автомашин мөсөнд цөмөрч, живсэн тул гаргаж өгнө үү гэсэн дуудлагыг 2016.11.24-ний өдрийн 19:05 цагт хүлээн авч тус аймгийн Онцгой байдлын газрын Эрэн хайх, аврах ангийн 10 албан хаагч, 1 автомашин ажиллаж тус машины хойд хэсгийг ил гарган, үзэгдэх орчин хязгаарлагдмал болсон тул 2016.11.26-ны өдрийн 18:40 цагт аврах ажиллагааг түр зогсоосон.
3.Мал, амьтны гоц халдварт болон халдварт өвчин:
Булган аймгийн Гурванбулаг сумын Агьт багийн “Өндөр хүрэм” гэдэг газар малчин Ш.Эрдэнэбилэгийн малд малын гоц халдварт “Цэцэг” өвчний шинж тэмдэг илэрч, өвчилсөн малаас дээж авч УМЭАЦТЛ-д шинжлүүлэхэд 2016.11.24-ний өдрийн 1201 дүгээр хариугаар “Хонины цэцэг” өвчин болох нь тус тогтоогдсон. аймгийн Засаг даргын 2016.11.24-ний А/506 тоот захирамжаар Хорио цээрийн дэглэм тогтоосон
4. Объектын гал түймэр:
Дорнод аймгийн Хэрлэн сумын 2 дугаар багийн 6 дугаар гудамжийн 5 тоотод иргэн М байшин шатаж байна гэсэн дуудлагыг 2016.11.26-ны өдрийн 07:23 цагт хүлээн авч тус аймгийн Онцгой байдлын газрын Гал түймэр унтраах, аврах 52 дугаар ангийн 6 албан хаагч, 1 автомашинтайгаар ажиллаж унтраасан.
Дорнод аймгийн Хэрлэн сумын 10 дугаар багийн Ялалтын 19 дүгээр гудамжийн 23б тоотод иргэн Г гэр шатаж байна гэсэн дуудлагыг 2016.11.27-ны өдрийн 00:12 цагт хүлээн авч тус аймгийн Онцгой байдлын газрын Гал түймэр унтраах, аврах 52 дугаар ангийн 6 албан хаагч, 1 автомашинтайгаар ажиллаж унтраасан. Уг гал түймэрт А /22 настай, эрэгтэй/ өртөж нас барсан байсныг цагдаагийн байгууллагад хүлээлгэн өгсөн.
ГАМШГИЙН ШУУРХАЙ УДИРДЛАГЫН ГАЗАР