Аюулт үзэгдэл, ослын нөхцөл байдлын мэдээ

Өнгөрсөн хоногт: Завхан, Баянхонгор аймагт цас орсон. Бусад нутгаар цаг агаар тогтуун байлаа.

Өнөөдөр: Ихэнх нутгаар үүлэрхэг. Говийн аймгуудын зарим газраар бага зэргийн цас орно. Бусад нутгаар цас орохгүй. Салхи баруун аймгуудын нутгаар баруун хойноос, зүүн аймгуудын нутгаар баруунаас, бусад нутгаар баруун өмнөөс хойш эргэж 6-11 м/с. Дархадын хотгор, Байтаг богд орчмоор 12-17 градус, Увс нуурын хотгор, Хангай, Хөвсгөл, Хэнтийн уулархаг нутаг, Хүрэн бэлчир болон Идэр, Тэс, Сэлэнгэ, Хараа, Ерөө, Туул, Тэрэлж, Хэрлэн, Онон, Улз голын хөндийгөөр 8-13 градус хүйтэн, говийн бүс нутгийн өмнөд хэсгээр 3 градус хүйтнээс 2 градус дулаан, бусад нутгаар 0-5 градус хүйтэн байна.

Улаанбаатар хотод: Үүлэрхэг. Цас орохгүй. Салхи баруун өмнөөс баруун хойш эргэж 6-11 м/с. 8-10 градус хүйтэн байна.

Төлөв байдал: 30-нд зүүн аймгуудын нутгийн зүүн хэсгээр, 3-нд баруун болон төвийн аймгуудын нутгийн хойд хэсгээр цас орж, цасан шуурга шуурна. Бусад хугацаанд цас орохгүй. Салхи 30-нд зүүн зүгийн нутгаар, 3-нд ихэнх нутгаар 14-16 м/с хүрч ширүүснэ. Дархадын хотгор, Тэсийн голын хөндийгөөр, Байтаг богд орчмоор шөнөдөө 21-26 градус, өдөртөө 13-18 градус, Увс нуурын хотгор болон Орхон-Сэлэнгэ, Хараа, Ерөө, Туул, Тэрэлж, Хэрлэн голын хөндийгөөр шөнөдөө 17-22 градус, өдөртөө 7-12 градус, говийн бүс нутгийн өмнөд хэсгээр шөнөдөө 6-11 градус хүйтэн, өдөртөө 0-5 градус дулаан, бусад нутгаар шөнөдөө 11-16 градус, өдөртөө 3-8 градус хүйтэн байна. 30-нд нутгийн зүүн хэсгээр хүйтэн байна.

Аврах ажиллагаа: Нийслэлийн Сүхбаатар дүүргийн 6 дугаар хороо, 10 дугаар байрны 3 дугаар давхраас хүн унаж орцны хаалганы  тавцан дээр байна гэсэн дуудлагыг 2016.11.29-ний өдрийн 00:43 цагт хүлээн авч Нийслэлийн Аврах ангийн 6 албан хаагч, 1 автомашинтай ажиллаж “Чайна” зоогийн газрын өргөтгөл дээр иргэн Т /30 настай, эрэгтэй/ унаж  гэмтсэн байсныг НЯТТТ-ийн эмч А.Алтанбекд, тус дүүргийн Цагдаагийн 1 дүгээр хэлтсийн мөрдөн байцаагч цагдаагийн ахлах дэслэгч Н.Сувд-Эрдэнэ нарт  хүлээлгэн өгсөн.

 3. Объектын гал түймэр:

Говь-Алтай аймгийн Есөнбулаг сумын Баянхайрхан багийн 5 дугаар гудамжийн 46 тоотод гэр шатаж байна гэсэн дуудлагыг 2016.11.28-ны өдрийн 10:15 цагт хүлээн авч аймгийн Онцгой байдлын газрын Гал түймэр унтраах, аврах 59 дүгээр ангийн 7 албан хаагч, 2 автомашинтай;

Нийслэлийн Сонгинохайрхан дүүргийн 24 дүгээр хороо, Зээлийн 26 дугаар гудамжийн 35 тоотод байшин шатаж байна гэсэн дуудлагыг 2016.11.28-ны өдрийн 13:37 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 29 дүгээр ангийн 9 албан хаагч, 2 автомашинтай тус тус ажиллаж унтраасан.

 4. Техникийн холбогдолтой ослын талаар:

Ахуйн осол: Нийслэлийн Баянзүрх дүүргийн 16 дугаар хороо, 15 дугаар байрны баруун талд дулааны шугамын худагт цогцос байна гаргаж өгнө үү гэсэн дуудлагыг 2016.11.28-ны өдрийн 10:58 цагт хүлээн авч Нийслэлийн аврах ангийн 6 албан хаагч, 1 автомашинтай ажиллаж иргэн Э /27 настай, эрэгтэй/ дулааны шугамын худагт унаж нас барсан байсан тул цогцсыг гаргаж дүүргийн Цагдаагийн хэлтсийн жижүүрийн бүрэлдэхүүнд хүлээлгэн өгсөн.

ГАМШГИЙН ШУУРХАЙ УДИРДЛАГЫН ГАЗАР