Өнөөдөр: Говь, талын нутгаар үүлшинэ, бусад нутгаар үүлэрхэг. Баруун болон төвийн аймгуудын ихэнх нутгаар цас орж, цасан шуурга шуурна. Бусад нутгаар цас орохгүй. Салхи нутгийн өмнөд хэсгээр баруун өмнөөс, бусад нутгаар баруун хойноос 7-12 м/с, Алтайн салбар уулс болон говь, талын нутгаар 14-16 м/с хүрч ширүүснэ. Дархадын хотгор, Идэр, Тэс голын хөндийгөөр 17-22 градус, Увс нуур, Байтаг богд орчим болон Хэнтийн уулархаг нутаг, Хараа, Ерөө, Туул, Тэрэлж голын хөндийгөөр 9-14 градус хүйтэн, говийн бүс нутгийн өмнөд хэсгээр 3 градус хүйтнээс 2 градус дулаан, бусад нутгаар 1-6 градус хүйтэн байна.
Улаанбаатар хотод: Үүлшинэ. Цас орохгүй. Салхи баруун өмнөөс хойш эргэж 7-12 м/с. 9-11 градус хүйтэн байна
Төлөв байдал: 4-нд баруун аймгуудын нутгийн зүүн хэсэг, төв болон говийн аймгуудын ихэнх нутгаар, 5, 7-нд баруун болон төвийн аймгуудын хойд хэсгээр цас орж, цасан шуурга шуурна. Салхи 4, 6-нд говь талын нутгаар, 5,7-нд зарим газраар 14-16 м/с хүрч ширүүснэ. 4-нд ихэнх нутгаар хүйтэрч Дархадын хотгор, Идэр, Тэсийн голын хөндий, Байтаг Богд орчмоор шөнөдөө 30-35 градус, өдөртөө 20-25 градус, Увс нуурын хотгор болон Орхон-Сэлэнгэ, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 25-30 градус, өдөртөө 15-20 градус, говийн бүс нутгийн өмнөд хэсгээр шөнөдөө 10-15 градус, өдөртөө 2-7 градус, бусад нутгаар шөнөдөө 20-25 градус, өдөртөө 11-16 градус хүйтэн байна. Бусад хугацаанд хүйтний эрч бага зэрэг суларна.
2. Эрэн хайх, аврах ажиллагаа
Уснаас эрэн хайх: Орхон аймгийн Жаргалант сумын 13-03 тоотод оршин суугч Г /46 настай, эмэгтэй/, Н /38 настай, эрэгтэй/ нар 2016.10.26-ны өдөр Сэлэнгэ аймгийн Хүдэр сум руу самарт яваад 2016.11.14-ний өдрөөс хойш, мөн иргэн Г /38 настай, эрэгтэй/ 2016.11.28-ны өдрөөс тус тус сураггүй болсон тухай мэдээллийг 2016.12.02-ны өдрийн 11:00 цагт хүлээн авч Сэлэнгэ аймгийн Онцгой байдлын газрын 6 албан хаагч, 1 автомашинтай, орон нутгаас 6 хүн, ар гэрээс 7 хүн, нийт 19 хүн, 1 автомашинтайгаар эрэн хайх ажиллагааг Хүдэр сумын “Баруун моностой” гэх газраас эхлүүлж, сумын төвөөс автомашинаар 70 км явж самарчдын цуглардаг, самраа цайруулдаг, худалдаа эрхэлдэг гол цэг болох /вокзал/ гэх нэртэй газарт хүрэлцэн очно. Тухайн цэгээс цааш автомашинаар явах боломжгүй болох тул 30 км газар самналт хийж самарчдын байрладаг отогт очихоор явж байна.
Ус, цас, шаварт саатсан: Булган аймгийн Хутаг-Өндөр сумын Хонгор багийн “Айрхан” нууранд /сумын төвөөс хойд зүгт 45 км-т улсын дугаартай “Маяти” загварын автомашин мөс цөмөрч, суусан тухай дуудлагыг 2016.11.30-ний өдрийн 13:10 цагт хүлээн авч Хөвсгөл аймгийн Онцгой байдлын газрын Эрэн хайх, аврах салбарын 8 албан хаагч, 1 автомашинтайгаар аврах ажиллагааг үргэлжлүүлж байна. 2016.12.02-ны өдрийн 11:50 цагт автомашиныг уснаас татан гаргаж хүлээлгэн өгсөн.
Аврах ажиллагаа: Нийслэлийн Сонгинохайрхан дүүргийн 27 дугаар хороо, Орчлон хорооллын 43 дугаар байрны 1 дүгээр орцны 9 дүгээр давхарт цахилгаан шат гацсан, дотор нь 2 хүүхэд байна гэсэн дуудлагыг 2016.12.03-ны өдрийн 02:06 цагт хүлээн авч Нийслэлийн Онцгой байдлын газрын Аврах ангийн 5 албан хаагч, 1 автомашинтай ажиллаж 8-9 дүгээр давхрын хооронд цахилгаан шат гацаж иргэн Б /16 настай, эрэгтэй/ Б /11 настай, эрэгтэй/ нар байсныг гаргаж ар гэрийнхэнд нь хүлээлгэж өгсөн.
Дорнод аймгийн Дашбалбар сумын Жараахай багт уул уурхайн үйл ажиллагаа явуулдаг “Шинь Шинь” ХХК-ийн Улааны уурхайн ерөнхий инженер Хятад улсын иргэн В овогтой С нуралт үүсч ашигладаггүй байсан 40 гаруй метрийн гүнтэй нүхэнд унасан байж болзошгүй тухай дуудлагыг 2016.12.03-ны өдрийн 00:38 цагт хүлээн авч тус аймгийн Онцгой байдлын газрын эрэн хайх Аврах ангийн 6 албан хаагч, аймгийн Цагдаагийн газрын 6 албан хаагч, 1 автомашинтай 2016.12.03-ны өдрийн 01:25 цагт гарсан. Эрэн хайх, аврах ажиллагааг өглөөний 08:00 цагаас эхлүүлж байна.
3. Газар хөдлөлт
Баянхонгор аймгийн Баянговь сумын төвөөс баруун хойд зүгт 20 км-т / У-100’26’00/ Ө-44’88’00 / 2016.12.03-ны өдрийн 06:09:23 цагт 4.6 магнитутын хүчтэй газар хөдлөлт болсон тухай мэдээллийг ООГСХ-с цахим шуудангаар ирүүлсэн.Тус аймгийн Онцгой байдлын газраар дамжуулан сумын Засаг даргын Тамгын газрын дарга О -оос тодруулахад чичирхийлэл мэдрэгдсэн, хохирол учраагүй байлаа.
Дорнод аймгийн Хэрлэн сумын 4 дүгээр багийн “Зангиатын 12 дугаар гудамжийн 13 тоотод байшин шатаж байна гэсэн дуудлагыг 2016.12.02-ны өдрийн 11:24 цагт хүлээн авч тус аймгийн Онцгой байдлын газрын Гал унтраах, аврах 52 дугаар ангийн 8 албан хаагч, 2 автомашинтай;
Нийслэлийн Сонгинохайрхан дүүргийн 26 дугаар хороо, Алтан-Овоогийн 24 дүгээр гудамжийн 26 тоотод байшин шатаж байна гэсэн дуудлагыг 2016.12.02-ны өдрийн 15:47 цагт хүлээн авч тус дүүргийн Онцгой байдлын хэлтсийн Гал унтраах, аврах 26 дугаар ангийн 6 албан хаагч, 1 автомашинтай
Говь-Алтай аймгийн Есөнбулаг сумын Жаргалант багийн 3 дугаар гудамжийн 4 тоотод иргэн Б гэр шатаж байна гэсэн дуудлагыг 2016.12.02-ны өдрийн 20.15 цагт хүлээн авч тус аймгийн Онцгой байдлын газрын Гал унтраах, аврах 59 дүгээр ангийн 7 албан хаагч, 2 автомашинтай;
Дорнод аймгийн Хэрлэн сумын 10 дугаар багийн Ялалтын 8 дугаар гудамжийн 19 тоотод гэр шатаж байна гэсэн дуудлагыг 2016.12.02-ны өдрийн 22:30 цагт хүлээн авч тус аймгийн Онцгой байдлын газрын Гал унтраах, аврах 52 дугаар ангийн 7 албан хаагч, 1 автомашинтай ажиллаж унтраасан. Уг гал түймэрт иргэн Н /18 настай, эмэгтэй/, Т /11 настай, эрэгтэй/, Г /6 настай, эрэгтэй/ нар өртөж нас барсан тул хэргийн газрыг аймгийн Цагдаагийн газрын жижүүрийн бүрэлдэхүүнд хүлээлгэн өгсөн.
Нийслэлийн Сүхбаатар дүүргийн 12 дугаар хороо, Хангайн 1 дүгээр гудамжийн 41/Б тоотод гэр шатаж байна гэсэн дуудлагыг 2016.12.03-ны өдрийн 00:26 цагт хүлээн авч Чингэлтэй дүүргийн Онцгой байдлын хэлтсийн Гал унтраах, аврах 10 дугаар ангийн 7 албан хаагч, 2 автомашинтай;
Нийслэлийн Сүхбаатар дүүргийн 19 дүгээр хороо, Баянбулагийн зуслангийн задгайд байшин шатаж байна гэсэн дуудлагыг 2016.12.02-ны өдрийн 21:40 цагт хүлээн авч тус дүүргийн Онцгой байдлын хэлтсийн Гал унтраах, аврах 34 дүгээр ангийн 8 албан хаагч, 2 автомашинтай
Дархан-Уул аймгийн Дархан сумын 15 дугаар багийн Мангиртын 9 дүгээр хэсгийн 1А тоотод иргэн А таван ханатай гэр шатаж байна гэсэн дуудлагыг 2016.12.03-ны өдрийн 04:09 цагт хүлээн авч тус аймгийн Онцгой байдлын газрын Гал унтраах, аврах 22 дугаар ангийн 6 албан хаагч, 1 автомашинтайгаар тус тус ажиллаж унтраасан.