Өнөөдөр: Баруун аймгуудын нутгаар үүлшинэ, бусад нутгаар багавтар үүлтэй. Цас орохгүй. Салхи зүүн өмнөөс 5-10 м/с, баруун аймгуудын нутгийн баруун хэсгээр 12-14 м/с хүрч ширүүснэ. Дархадын хотгор, Идэр, Тэс голын хөндийгөөр 20-25 градус, Увс нуур болон, Хүрэн бэлчир, Хөвсгөл, Хэнтийн уулархаг нутаг, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр 12-17 градус, говийн бүс нутгийн өмнөд хэсгээр 1-6 градус, бусад нутгаар 5-10 градус хүйтэн байна
Улаанбаатар хотод: Багавтар үүлтэй. Цас орохгүй. Салхи баруун хойноос 5-10 м/с. 13-15 градус хүйтэн байна.
Төлөв байдал: 10-нд баруун аймгуудын нутгийн зарим газар, төвийн аймгуудын нутгийн баруун хэсгээр, 11-нд төв болон зүүн аймгуудын нутгаар, 12-нд Алтай, Хангайн уулархаг нутаг, Халх гол орчмоор цас орж, зөөлөн цасан шуурга шуурна. Салхи 10-нд Алтайн салбар уулс, Арц-Богдын өвөр хоолойгоор 14-16 м/с, 11-нд ихэнх нутгаар, 12-нд зүүн зүгийн нутгаар 12-14 м/с хүрч ширүүснэ. 11-нд нутгийн хойд хэсгээр цаашдаа ихэнх нутгаар хүйтэрч Дархадын хотгороор шөнөдөө 32-37 градус, өдөртөө 20-25 градус, Увс нуурын хотгор болон Идэр, Тэс, Орхон-Сэлэнгэ, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 28-33 градус, өдөртөө 15-20 градус, говийн бүс нутгийн өмнөд хэсгээр шөнөдөө 12-17 градус, өдөртөө 4-9 градус, бусад нутгаар шөнөдөө 23-28 градус, өдөртөө 9-14 градус хүйтэн байна.
2. Эрэн хайх, аврах ажиллагаа
Сураггүй болсон: Сэлэнгэ аймгийн Хүдэр сумын Баянцагаан багийн “Баруун моностой” гэдэг газар самарт явж байсан иргэн Г /38 настай, эрэгтэй/ 2016.11.28-ны өдрөөс хойш сураггүй болсон тухай дуудлагыг 2016.12.02-ны өдрийн 11:00 цагт хүлээн авч тус аймгийн Онцгой байдлын газрын 6 албан хаагч, 1 автомашин, орон нутгийн 5 иргэн, ар гэрийн 2 иргэн, нийт 13 хүн, 1 техник хэрэгсэлтэйгээр эрэн хайх ажиллагааг Сэлэнгэ аймгийн Хүдэр сумын Баянцагаан багийн “Тогоот” гэдэг газрын орчимд зохион байгуулж 2016.12.08-ны өдрийн 17:30 цагт үзэгдэх орчин хязгаарлагдсан тул түр зогсоосон.
Цас, мөсөнд саатсан: Завхан аймгийн Тэс сумын Дооно багийн “Аргалантын дөрөлжийн ар” гэдэг газар /сумын төвөөс хойд зүгт 20 км-т/ улсын дугаартай “Портер” загварын 3 зорчигчтой автомашин цасанд суусан тухай дуудлагыг 2016.12.08-ны өдрийн 05:25 цагт хүлээн авч тус аймгийн Онцгой байдлын газрын Гал түймэр унтраах, аврах 57 дугаар ангийн 4 албан хаагч 1 автомашинтай ажиллаж иргэн Т /36 настай, эмэгтэй/, Д /34 настай, эмэгтэй/, Л /5 настай, эрэгтэй/ нарыг аварч, автомашиныг цаснаас татан гаргаж аюулгүй болгосон.
3. Объектын гал түймэр
Нийслэлийн Сонгинохайрхан дүүргийн 26 дугаар хороо, Алтан-Овооны 15 дугаар гудамжийн 42 тоотод иргэн П байшин шатаж байна гэсэн дуудлагыг 2016.12.08-ны өдрийн 10:31 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 26 дугаар ангийн 8 албан хаагч, 2 автомашинтайгаар;
Нийслэлийн Сонгинохайрхан дүүргийн 22 дугаар хороо, “Хаадын зам” амралтын газрын замын эсрэг талд иргэн Л гэр шатаж байна гэсэн дуудлагыг 2016.12.08-ны өдрийн 12:07 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 11 дүгээр ангийн 6 албан хаагч, 2 автомашинтайгаар;
Нийслэлийн Сүхбаатар дүүргийн 20 дугаар хороо, Цолмонгийн 2 дугаар гудамжийн 4 тоотод иргэн З байшин шатаж байна гэсэн дуудлагыг 2016.12.08-ны өдрийн 13:39 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 34 дүгээр ангийн 8 албан хаагч, 2 автомашинтайгаар;
Нийслэлийн Баянзүрх дүүргийн 8 дугаар хороо, Холбоо толгойн 3 дугаар гудамжийн 25 тоотод иргэн Б байшин шатаж байна гэсэн дуудлагыг 2016.12.08-ны өдрийн 14:11 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 63 дугаар ангийн 8 албан хаагч, 2 автомашинтайгаар ажиллаж, уг гал түймэрт иргэн Б /51 настай, эрэгтэй/ угаартсан байсныг аварч эмнэлгийн байгууллагад хүлээлгэн өгсөн.
Нийслэлийн Чингэлтэй дүүргийн 19 дүгээр хороо, Тахилтын 4 дүгээр гудамжийн 129 тоотод иргэн У байшин шатаж байна гэсэн дуудлагыг 2016.12.08-ны өдрийн 19:16 цагт тус хүлээн авсан.Сүхбаатар дүүргийн Онцгой байдлын хэлтсийн Гал түймэр унтраах, аврах 34 дүгээр ангийн 8 албан хаагч, 2 автомашинтайгаар тус тус ажиллаж унтраасан.