Өнөөдөр: Нутгийн өмнөд хэсгээр үүлшинэ. Баруун болон говийн аймгуудын өмнөд хэсгээр бага зэргийн цас орно. Бусад нутгаар багавтар үүлтэй. Цас орохгүй. Салхи нутгийн зүүн хэсгээр хойноос, бусад нутгаар баруунаас 5-10 м/с, зүүн зүгийн нутгаар 12-14 м/с хүрч ширүүснэ. Дархадын хотгороор 22-27 градус, Увс нуур болон Идэр, Тэс голын хөндий, Хүрэн бэлчир орчмоор 18-23 градус, Хангай, Хөвсгөл, Хэнтийн уулархаг нутаг, Орхон, Сэлэнгэ, Эгь, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр 13-18 градус, говийн бүс нутгийн өмнөд хэсгээр 1-6 градус, бусад нутгаар 7-12 градус хүйтэн байна.
Улаанбаатар хотод: Багавтар үүлтэй. Цас орохгүй. Салхи баруун хойноос 5-10 м/с. 13-15 градус хүйтэн байна.
Төлөв байдал: 13-нд нутгийн зүүн өмнөд хэсгээр цас орно. Бусад хугацаанд цас орохгүй. Салхи ихэнх хугацаанд 6-11 м/с. 13-нд ихэнх нутгаар, 14-нд нутгийн зүүн хагаст хүйтэн байх боловч 15-наас хүйтний эрч суларч Дархадын хотгороор шөнөдөө 31-36 градус, өдөртөө 21-26 градус, Увс нуурын хотгор болон Идэр, Тэс, Орхон-Сэлэнгэ, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 28-33 градус, өдөртөө 14-19 градус, говийн бүс нутгийн өмнөд хэсгээр шөнөдөө 10-15 градус, өдөртөө 1-6 градус, бусад нутгаар шөнөдөө 19-24 градус, өдөртөө 6-11 градус хүйтэн байна.
2. Эрэн хайх, аврах ажиллагаа
Сураггүй болсон: Сэлэнгэ аймгийн Хүдэр сумын Баянцагаан багийн “Баруун моностой” гэдэг газар самар түүж байсан иргэн Г /38 настай, эрэгтэй/ 2016.11.28-ны өдрөөс хойш сураггүй болсон тухай дуудлагыг 2016.12.02-ны өдрийн 11:00 цагт хүлээн авч тус аймгийн Онцгой байдлын газрын 6 албан хаагч, 1 автомашин, орон нутгийн 1 иргэн, ар гэрийн 2 иргэн, нийт 9 хүн, 1 техник хэрэгсэлтэйгээр эрэн хайх ажиллагааг Сэлэнгэ аймгийн Хүдэр сумын Баянцагаан багийн “Тогоот” уулын орчимд зохион байгуулж 2016.12.11-ний өдөр Батмөнгөлөгийн голоос “Монгол алт” ХХК-ийн уурхай хүртэл нийт 27 км газар явганаар самналт хийн эрлийг 20:30 цагт түр зогсоолоо.
3.Мал, амьтны гоц халдварт болон халдварт өвчин
Төв аймгийн Архуст сумын Нарст багийн “Буурлын өвөлжөө” гэдэг газар малчин М 12 хонь халдварт өвчний шинж тэмдэгтэй өвчилсөн тул дээж авч УМЭАЦТЛ-д шинжлүүлэхэд 2016.12.08-ны өдрийн 1303 дугаар хариугаар “Хонины цэцэг” өвчин болох нь сумын Засаг даргын 2018.11.09-ний өдрийн А/116 дугаар захирамжаар хорио цээрийн дэглэм тогтоосон. 2016.12.11-ний өдрийн байдлаар голомтод 1 өрхийн 1678 толгой мал байна, өвчилсөн 12 хонийг устгасан.
Төв аймгийн Баян сумын Цавчир багийн “Шувуут” гэдэг газар малчин Г 30 хонинд халдварт өвчний шинж тэмдэгтэй өвчилснийг дээж авч, УМЭАЦТЛ-д шинжлүүлэхэд 2016.11.13-ны өдрийн хариугаар “Хонины цэцэг” өвчин болох нь тогтоогдсон тус сумын Засаг даргын 2016.11.16-ны өдрийн А/328 дугаар захирамжаар хорио цээрийн дэглэм тогтоосон хугацаанд дахин өвчлөл гараагүй тул 2016.12.09-ний өдрийн А/350 дугаар захирамжаар цуцалсан.
4. Объектын гал түймэр
Нийслэлийн Баянзүрх дүүргийн 8 дугаар хороо, Гангар инвестийн 32 дугаар байрны гадна пасад шатаж байна гэсэн дуудлагыг 2016.12.11-ний өдрийн 09:54 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 63 дугаар ангийн 11 албан хаагч, 3 автомашинтай;
Баянзүрх дүүргийн 27 дугаар хороо, Дунд дарь эхийн 6 дугаар гудамжийн 901 тоотод иргэн У байшин шатаж байна гэсэн дуудлагыг 2016.12.11-ний өдрийн 11:59 цагт хүлээн авч Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн 6 албан хаагч, 1 автомашинтай
Налайх дүүргийн 2 дугаар хороо, Нарлагын задгайд иргэн Э гэр шатаж байна гэсэн дуудлагыг 2016.12.11-ний өдрийн 21:29 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 28 дугаар ангийн 8 албан хаагч, 2 автомашинтай
Сэлэнгэ аймгийн Баянгол сумын Баян багийн 1 дүгээр хэсгийн 2 дугаар гудамжийн 2 тоотод Э.Эрдэнэбатын байшин шатаж байна гэсэн дуудлагыг 2016.12.11 өдрийн 11:10 цагт хүлээн авч тус суман дахь Гал түймэр унтраах, 40 дүгээр ангийн 7 албан хаагч, 2 техник хэрэгсэлтэйгээр тус тус ажиллаж унтраасан.