Улаанбаатар хотод үүлшинэ, цас орохгүй, салхи баруун өмнөөс 4-9 м/с. 5-7 градус хүйтэн байна.
Төлөв байдал: 14-нд баруун аймгуудын нутаг, төвийн аймгуудын нутгийн зарим газраар, 15-нд ихэнх нутгаар, 16-нд нутгийн зарим газраар, 17-нд нутгийн зүүн өмнөд хэсгээр бага зэргийн цас орно. Салхи 14,15 ихэнх нутгаар, 16,17-нд Алтайн салбар уулс болон Арц богдын өвөр хоолойгоор 14-16 м/с хүртэл ширүүсч шороон болон цасан шуурга шуурна. 14-нд нутгийн хойд хэсгээр цаашдаа ихэнх нутгаар хүйтний эрч чангарч Увс нуур болон Дархадын хотгор, Идэр, Тэс, Ерөө голын хөндий, Хүрэн бэлчир орчмоор шөнөдөө 33-38 градус, өдөртөө 21-26 градус, Хөвсгөлийн уулархаг нутаг, Орхон-Сэлэнгэ, Эг, Хараа, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 29-34 градус, өдөртөө 13-18 градус, Монгол Алтайн нурууны өвөр хэсэг, Хангай, Хэнтэйн уулархаг нутгаар шөнөдөө 22-27 градус, өдөртөө 9-14 градус, говийн бүс нутгийн өмнөд хэсгээр шөнөдөө 10-15 градус, өдөртөө 3-8 градус, бусад нутгаар шөнөдөө 19-24 градус, өдөртөө 6-11 градус хүйтэн байна.
2.Объектын гал түймрийн талаар:
Нийслэлийн Багануур дүүргийн 4 дүгээр хорооны “Байдлаг”-ийн 2 дугаар гудамжийн 10 тоотод байшин шатаж байна гэсэн дуудлагыг 2017.02.12-ны өдрийн 17:28 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 64 дүгээр ангийн 7 албан хаагшч, 2 автомашинтайгаар;
Баянзүрх дүүргийн 11 дүгээр хорооны “Маршил”-ын гүүрний зүүн хойно дулааны шугмын худагт гал гарч байна гэсэн дуудлагыг 2017.02.12-ны өдрийн 22:07 цагт хүлээн авч Хан-Уул дүүргийн Онцгой байдлын хэлтсийн Гал түймэр унтраах, аврах 14 дүгээр агийн 8 албан хаагч, 2 автомашинтайгаар ажиллаж унтраасан. Уг гал түймэрт иргэн Т /40 настай, эрэгтэй/ угаартсан байсныг гаргаж НЯТТТ-д, нэр нас тодорхойгүй 2 иргэн өртөж нас барсан байж болзошгүй тул цогцсыг гаргаж дүүргийн Цагдаагийн хэлтсийн жижүүрийн бүрэлдэхүүнд шилжүүлэн өгсөн.
Хан-Уул дүүргийн 6 дугаар хорооны “Нүхт”-ийн 13 дугаар гудамжийн 217 тоотод байшин шатаж байна гэсэн дуудлагыг 2017.02.12-ны өдрийн 23:10 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 30 дугаар ангийн 7 албан хаагч, 2 автомашинтайгаар тус тус ажиллаж унтраасан.
3.Техникийн холбогдолтой ослын талаар:
Ахуйн осол: Баянгол дүүргийн 22 дугаар хорооны “Зүүннаран”-гийн 13 дугаар гудамжинд жалга руу суудлын автомашин унах гээд хазайсан тухай дуудлагыг 2017.02.12-ны өдрийн 23:37 цагт хүлээн авч Нийслэлийн Онцгой байдлын газрын Аврах ангийн 6 албан хаагч, 1 автомашинтай ажиллаж иргэн Э-н эзэмшлийн нэг зорчигчтой суудлын автомашиныг татан гаргасан.
ГАМШГИЙН ШУУРХАЙ УДИРДЛАГЫН ГАЗАР