Улаанбаатар хотод үүлшинэ. Цас орохгүй. Салхи баруун өмнөөс 6-11 м/с. 2-4 градус хүйтэн байна.
Төлөв байдал: 15-нд баруун аймгуудын нутгийн зүүн хэсэг, төв болон зүүн аймгуудын нутгаар цас, 16-нд зүүн аймгуудын нутгийн зүүн хэсгээр, 18-нд Хангай, Хөвсгөлийн уулсаар бага зэргийн цас орно. Салхи 15, 18-нд ихэнх нутгаар, 16-нд говь талын нутгаар, 17-нд Алтайн салбар уулс болон Арц богдын өвөр хоолойгоор 14-16 м/с хүрч шороон болон цасан шуурга шуурна. 15-17-нд ихэнх нутгаар хүйтэрч Увс нуур болон Дархадын хотгор, Идэр, Тэс, Ерөө голын хөндий, Хүрэн бэлчир орчмоор шөнөдөө 35-40 градус, өдөртөө 23-28 градус, Хөвсгөлийн уулархаг нутаг, Орхон-Сэлэнгэ, Эг, Хараа, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 29-34 градус, өдөртөө 15-20 градус, Монгол Алтайн нурууны өвөр хэсэг, Хангай, Хэнтийн уулархаг нутгаар шөнөдөө 23-28 градус, өдөртөө 11-16 градус, говийн бүс нутгийн өмнөд хэсгээр шөнөдөө 10-15 градус, өдөртөө 2-7 градус, бусад нутгаар шөнөдөө 19-24 градус, өдөртөө 8-13 градус хүйтэн байна. Хугацааны сүүлчээр хүйтний эрч суларна.
2. Мал, амьтны гоц халдварт болон халдварт өвчин:
Хөвсгөл аймгийн Галт сумын Зүрх багийн “Хонхор хайлаас” гэдэг газар иргэн Ц-н 1 үхэр өвчилснийг устгаж, дээж авч аймгийн МЭАЦЛ-д шинжлүүлэхэд 2017.02.13-ны өдрийн хариугаар “Галзуу” өвчин болох нь тогтоогдож, тус сумын Засаг Даргын захирамжаар хязгаарлалтын дэглэм тогтоосон.
Дундговь аймгийн Баянжаргалан сумын Энгэр-Ус багийн “Хар толгой” гэдэг газар малчин А-н 31, “Уст ханан” гэдэг газар малчин Э-н 38 хонинд хонинд 2017.01.03-ны өдөр халдварт өвчний шинж тэмдэг илэрсэн, дээж авч УМЭАЦЛ-д шинжлүүлэхэд 201701.06-ны өдрийн хариугаар “Хонины цэцэг” өвчин болох нь;
Өвөрхангай аймгийн Баруунбаян-Улаан сумын 3 дугаар багийн “Хүнхрээгийн бүрд” гэдэг газар малчин Б-н үхэрт халдварт өвчний шинж тэмдэг илэрч, өвчилсөн малаас дээж авч АМЭАЦЛ-д шинжлүүлэхэд 2017.01.30-ны өдрийн 640 дүгээр хариугаар “Галзуу” өвчин болох нь тус тус тогтоогдсон.
3. Объектын гал түймрийн талаар:
Дорноговь аймгийн Сайншанд сумын 6 дугаар багийн Дампилын 14 дүгээр гудамжийн 10 тоотод гэр шатаж байна гэсэн дуудлагыг 2017.02.13-ны өдрийн 11:44 цагт хүлээн авч тус аймгийн Онцгой байдлын газрын Гал түймэр унтраах, аврах 33 дугаар ангийн 7 албан хаагч;
Нийслэлийн Хан-Уул дүүргийн 16 дугаар хороо, Буянт- Ухаа 1 хорооллын хажууд зам дээр автомашин шатаж байна гэсэн дуудлагыг 2017.02.13-ны өдрийн 19:58 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 30 дугаар ангийн 7 албан хаагч;
Нийслэлийн Сүхбаатар дүүргийн 19 дүгээр хороо, Хандгайтын богинын амны 2 дугаар хэсгийн 69 тоотод байшин шатаж байна гэсэн дуудлагыг 2017.02.13-ны өдрийн 21:17 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 34 дүгээр ангийн 7 албан хаагч, нэмэлтээр Гал түймэр унтраах, аврах 10 дугаар ангийн 13 албан хаагч;
Дорноговь аймгийн Замын-Үүд сумын Борхойн тал багийн Хөгжлийн гудамжийн 210 тоотод байшин шатаж байна гэсэн дуудлагыг 2017.02.14-ний өдрийн 03:39 цагт хүлээн авч тус аймгийн Онцгой байдлын газрын Гал түймэр унтраах, аврах 17 дугаар ангийн 7 албан хаагч тус тус ажиллаж унтраасан.
ГАМШГИЙН ШУУРХАЙ УДИРДЛАГЫН ГАЗАР