Өнгөрсөн хоногт: Архангай, Өмнөговь аймгийн нутгаар бороо орсон. Ихэнх нутгаар зөөлөн шороон шуургатай байлаа.
Өнөөдөр: Ихэнх нутгаар үүлэрхэг. Баруун аймгуудын ихэнх нутаг, төвийн аймгуудын нутгийн хойд хэсгээр хур тунадас, нойтон цас орно. Бусад нутгаар хур тунадас орохгүй. Салхи баруун өмнөөс баруун хойш эргэж 7-12 м/с, баруун аймгуудын зарим газраар түр зуур 18-20 м/с, бусад нутгаар 14-16 м/с хүрч шороон шуурга шуурна. Говийн бүсийн зүүн хэсэг болон зүүн аймгуудын нутгаар 23-28 градус, бусад нутгаар сэрүүсч Алтайн уулс, Хүрэн бэлчир орчим, Идэр, Тэс голын хөндий, Дархадын хотгороор 1-6 градус, Хангай, Хөвсгөлийн уулархаг нутаг, Орхон-Сэлэнгийн саваар 8-13 градус, говийн бүсийн баруун хэсгээр 16-21 градус, бусад нутгаар 13-18 градус дулаан байна.
Улаанбаатар хотод үүлэрхэг. Оройдоо бага зэргийн хур тунадас орно. Салхи өмнөөс баруун хойш эргэж 7-12 м/с, зарим үед 15-17 м/с хүрч шороон шуурга шуурна.16-18 градус дулаан байна.
Төлөв байдал: 3-нд ихэнх нутгаар, 4-нд төв болон зүүн аймгуудын нутаг, говийн аймгуудын нутгийн хойд хэсгээр, 5-нд зүүн аймгуудын нутгаар хур тунадас, нойтон цас орно. Салхи 3, 4-нд ихэнх нутгаар, 5-нд говь талын нутгаар, 16-18 м/с, зарим үед 24 м/с хүртэл ширүүсч шороон болон цасан шуурга шуурна. Ихэнх нутгаар хүйтэрч Хүрэн бэлчир, Дархадын хотгор болон Алтай, Хангай, Хөвсгөл, Хэнтийн уулархаг нутгаар шөнөдөө 6-11 градус хүйтэн, өдөртөө 2-7 градус, говь, талын нутгаар шөнөдөө 0-5 градус, өдөртөө 11-16 градус дулаан, бусад нутгаар шөнөдөө 0-5 градус хүйтэн, өдөртөө 7-12 градус дулаан байна.
2.Эрэн хайх, аврах ажиллагаа:
Эрэн хайх, аврах ажиллагаа: Булган аймгийн Орхон сумын Халиун багийн “Ханхар тээлийн гарам” гэдэг газар 2016.10.03-ны өдөр Орхон голын усанд осолдсон О /14 настай, эрэгтэй/-ыг тус аймгийн Онцгой байдлын газар эрэн хайх ажиллагааг зохион байгуулж байгаад түр зогссон байсныг 2017.04.25-ны өдрөөс үргэлжлүүлсэн. Орхон аймгийн Онцгой байдлын газрын Эрэн хайх, аврах бүлгийн 3 албан хаагч, 1 техник хэрэгсэлтэйгээр ажиллаж, 05.01-ний өдрийн байдлаар анх осолдсон газраас Сэлэнгэ аймгийн Хушаат сумын Даагат багийн “Хар-Эргийн тохой” гэдэг газар хүртэл голын усаар 370 км эрэн хайсан.
Сэлэнгэ аймгийн Сайхан сумын Номгон багийн “Хар-Усны тохой” гэдэг газар 2016.10.23-ны өдөр Орхон голын усанд осолдсон иргэн М /39 настай, эрэгтэй/-ыг тус аймгийн Онцгой байдлын газар эрэн хайх ажиллагааг зохион байгуулж байгаад түр зогссон байсныг 2017.04.19-ний өдөр үргэлжлүүлсэн. 2017.04.30-ны өдрийн 05:00 цагаас эхлүүлэн Сэлэнгэ аймгийн Онцгой байдлын газрын 4 албан хаагч, 1 автомашинтай, 1 завьтай, Дархан-Уул аймгийн Онцгой байдлын газрын 5 албан хаагч, 1 автомашинтай, 2 завьтай, Орхон аймгийн 3 албан хаагч, 1 завьтайгаар эрэн хайх ажиллагааг зохион байгуулж байна.
Шаварт саатсан: Завхан аймгийн Тэс сумын Дооно багийн “Хужиртын Ам” гэдэг газар /сумын төвөөс урд зүгт 12 км-т/ 22-77 УВА улсын дугаартай Хүнд даацын “Хово” загварын автомашин 2 зорчигчтой шаварт суусан тухай дуудлагыг 2017.05.01-ний өдрийн 12:45 хүлээн авч тус аймгийн Онцгой байдлын газрын Тэс суман дахь Гал түймэр унтраах аврах 57 дугаар ангийн 14 албан хаагч, 1 техник хэрэгсэлтэйгээр ажиллаж 16:45 цагт татан гаргасан.
3.Ой, хээрийн түймэр:
Сэлэнгэ аймгийн Мандал сумын Тарни багийн “Шар жалга” гэдэг газар /сумын төвөөс зүүн урд зүгт 90 км-т/ ой, хээрийн түймэр гарсан тухай дуудлагыг 2017.04.26-ны өдрийн 12:30 цагт хүлээн авч тус аймгийн Онцгой байдлын газрын 25 албан хаагч, орон нутгийн 42 иргэн, нийт 67 хүн, 5 техник хэрэгсэлтэйгээр унтраахаар ажиллаж байна.
Сэлэнгэ аймгийн Баруунбүрэн сумын Ивэн багийн “Хавчуу” гэдэг газар /сумын төвөөс зүүн хойд зүгт 27 км-т/ ой, хээрийн түймэр гарсан тухай дуудлагыг 2017.04.28-ны өдрийн 13:51 цагт хүлээн авч Орхон, Сэлэнгэ, Дархан-Уул аймгийн Онцгой байдлын газрын 59 албан хаагч, орон нутгийн 15 иргэн, нийт 74 хүн, 7 техник хэрэгсэлтэйгээр ажиллаж 05.01-ний өдрийн 20:10 цагт бүрэн унтрааж тус сумын Байгаль орчны улсын байцаагчид хүлээлгэн өгсөн.
Хэнтий аймгийн Норовлин сумын Онон багийн “Ар-Бэрх“ гэдэг газар /сумын төвөөс хойд зүгт 36 км-т/ ойн түймэр гарсан тухай дуудлагыг 2017.04.28-ны өдрийн 14:37 цагт хүлээн авч тус аймгийн Онцгой байдлын газрын 22 албан хаагч, орон нутгийн 69 иргэн, Дорнод аймгийн ОБГ-ын 13 албан хаагч, Баян-Уул сумын 16 иргэн, Дадал сумын 7 иргэн, нийт 127 хүн, 13 техник хэрэгсэлтэйгээр ажиллаж 04.30-ны өдрийн 19:25 цагт цурамд оруулсан.
Хэнтий аймгийн Цэнхэрмандал сумын Согоот багийн “Ногоон нуруу” гэдэг газар /сумын төвөөс хойд зүгт 30 км-т/ ойн түймэр гарсан дуудлагыг 2017.04.30-ны өдрийн 19:30 цагт хүлээн авч ОБЕГ-ын харьяа АТА-ийн 26 албан хаагч, аймгийн ОБГ-ын 25 албан хаагч, Багануур дүүргийн Онцгой байдлын хэлтсийн 12 албан хаагч, орон нутгийн 57 иргэн, Жаргалтхаан сумын 12 иргэн, Өмнөдэлгэр сумын 34 иргэн, нийт 166 хүн, 19 техник хэрэгсэлтэйгээр унтраахаар ажиллаж байна.
4.Объектын гал түймэр:
Нийслэлийн Сүхбаатар дүүргийн 16 дугаар хороонд гэр, амбаар, хашаа, өнжмөл өвс шатаж байна гэсэн дуудлагыг 2017.05.01-ний өдрийн 12:31 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 34 дүгээр ангийн 12 албан хаагч, 3 автомашинтай;
Чингэлтэй дүүргийн 19 дүгээр хороо, Жигжидийн зуслангийн задгайд иргэн Б, Б нарын 2 байшин, мөн эзэн нь тодорхойгүй 2 байшингийн гадна хана, хураалттай банз өнжмөл өвс шатаж байна гэсэн дуудлагыг 2017.05.01-ний өдрийн 14:38 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 34 дүгээр ангийн 16 албан хаагч, 4 автомашинтай, нэмэлт дуудлагаар Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн 8 албан хаагч, 2 автомашинтай;
Баянзүрх дүүргийн 12 дугаар хороонд байшин шатаж байна гэсэн дуудлагыг 2017.05.01-ний өдрийн 17:55 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 63 дугаар ангийн 8 албан хаагч, 2 автомашинтай;
Баянзүрх дүүргийн 21 дүгээр хороо, Бага Дарь-Эхийн задгайд гэр шатаж байна гэсэн дуудлагыг 2017.05.01-ний өдрийн 19:51 цагт хүлээн авч Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн 8 албан хаагч, 2 автомашинтай;
Булган аймаг Булган сумын Ачуут багийн Малчны задгайд өвөлжөө шатаж байна гэсэн дуудлагыг 2017.05.01-ний өдрийн 12:53 цагт хүлээн авч тус аймгийн Онцгой байдлын газрын Гал түймэр унтраах, аврах 20 дугаар ангийн 6 албан хаагч, 1 автомашинтай;
Дорнод аймгийн Хэрлэн сумын 6 дугаар багийн “Ивээл” хорооллын БАМ-ын 33 байранд ХХАА-н яамны харьяа Дорнод аймгийн Цөм сүргийн үржлийн төвийн байр шатаж байна гэсэн дуудлагыг 2017.05.01-ны өдрийн 20:31 цагт хүлээн авч тус аймгийн Онцгой байдлын газрын Гал түймэр унтраах, аврах 52 дугаар ангийн 8 албан хаагч, 2 автомашин, нэмэлт дуудлагаар ЭХАС-ын 6 албан хаагч, 1 автомашин, нийт 14 албан хаагч, 3 автомашинтай;
Төв аймгийн Сэргэлэн сумын Хайрхан багийн “Асарын Булгийн бэл” гэдэг газар /аймгийн төвөөс баруун урд зүгт 65 км-т/ өвөлжөө шатаж байна гэсэн дуудлагыг 2017.05.01-ны өдрийн 19:00 цагт хүлээн авч тус аймгийн Онцгой байдлын газрын Гал түймэр унтраах, аврах 24 дүгээр ангийн 7 албан хаагч, 1 автомашин, орон нутгийн 10 иргэн, 2 автомашинтай тус тус ажиллаж унтраасан.
ОНЦГОЙ БАЙДЛЫН ЕРӨНХИЙ ГАЗАР