Өнгөрсөн хоногт: Хэнтий аймагт хур тунадас орсон. Бусад нутгаар цаг агаар тогтуун байлаа.
Өнөөдөр: Зүүн аймгуудын нутгаар солигдмол үүлтэй, бусад нутгаар багавтар үүлтэй. Хур тунадас орохгүй. Салхи нутгийн баруун хэсгээр баруунаас, бусад нутгаар баруун хойноос 5-10 м/с, говь талын нутгаар 7-12 м/с, зөөлөн шороон шуурга шуурна. Дархадын хотгор, Хүрэн бэлчир орчим, Идэр, Тэс голын хөндий, Алтай, Хангай, Хөвсгөл, Хэнтийн уулархаг нутгаар 14-19 градус, говийн бүс нутаар 20-25 градус, бусад нутгаар 17-22 градус дулаан байна.
Улаанбаатар хотод: Багавтар үүлтэй. Хур тунадас орохгүй. Салхи баруунаас 5-10 м/с. 17-19 градус дулаан байна.
Төлөв байдал: 7-нд баруун аймгуудын нутгийн баруун хэсгээр, 8-нд баруун болон төвийн аймгуудын нутгийн зарим газраар, 9-нд төвийн аймгуудын нутгийн өмнөд хэсэг, говийн аймгуудын нутгийн зарим газраар, 10-нд төвийн аймгуудын нутгийн хойд хэсэг, зүүн аймгуудын нутгийн зарим газраар хур тунадас, нойтон цас орно. Салхи 7-нд Алтайн салбар уулсаар, 8-нд ихэнх нутгаар, 9-нд Алтайн салбар уулс, говь талын нутгаар, 10-нд зарим газраар 14-16 м/с, зарим үед 18-20 м/с хүрч шороон шуурга шуурна. Дулаарч Идэр, Тэс голын хөндий, Хүрэн бэлчир, Дархадын хотгор болон Хангай, Хөвсгөл, Хэнтийн уулархаг нутгаар шөнөдөө 0-5 градус хүйтэн, өдөртөө 15-20 градус, говийн бүс нутаг, Орхон-Сэлэнгийн сав газраар шөнөдөө 7-12 градус, өдөртөө 24-29 градус дулаан, бусад нутгаар шөнөдөө 3-8 градус, өдөртөө 20-25 градус дулаан байна. 8-нд нутгийн баруун хагаст, 9-нд нутгийн зүүн хагаст сэрүүснэ.
2.Мал, амьтны гоц халдварт болон халдварт өвчин:
Архангай аймгийн Хотонт сумын Орхон багийн “Хужиртын Бунхант” гэдэг газар малчин Д-гийн 2 адуу 2017.04.29-ний өдөр галзуу өвчний шинж тэмдэгтэй өвчилсөн тул дээж авч аймгийн МЭАЦЛ-д шинжлүүлэхэд 05.01-ний өдрийн 17-83 дугаар хариугаар “Галзуу” өвчин болох нь тогтоогдсон.
3.Ой, хээрийн түймэр:
Хэнтий аймгийн Цэнхэрмандал сумын Согоот багийн “Ногоон нуруу” гэдэг газар /сумын төвөөс хойд зүгт 30 км-т/ ойн түймэр гарсан тухай дуудлагыг 2017.04.30-ны өдрийн 19:30 цагт хүлээн авч тус аймгийн Онцгой байдлын газрын 25 албан хаагч, орон нутгийн 57 иргэн, нийт 82 хүн, 12 техник хэрэгсэлтэйгээр ажиллаж 05.04-ний өдрийн 10:30 цагт цурамд оруулан. 05.05-ны өдрийн 21:21 цагт бүрэн унтрааж тус сумын Наран багийн Засаг даргад хүлээлгэн өгч, нутгийн 22 иргэн, 2 автомашинтайгаар манаж хоносон.
4.Объектын гал түймэр:
Нийслэлийн Сүхбаатар дүүргийн 16 дугаар хороо Тоосгоны 33 дугаар гудамжны задгайд гэр шатаж байна гэсэн дуудлагыг 2017.05.05-ны өдрийн 12:47 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 34 дүгээр ангийн 8 албан хаагч, 2 автомашинтай;
Нийслэлийн Хан-Уул дүүргийн 13 дугаар хороо 5 дугаар хэсэгт гэр шатаж байна гэсэн дуудлагыг 2017.05.05-ны өдрийн 17:59 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 65 дугаар ангийн 8 албан хаагч, 2 автомашинтай;
Нийслэлийн Чингэлтэй дүүргийн 17 дугаар хороонд байшингийн дээвэр шатаж байна гэсэн дуудлагыг 2017.05.05-ны өдрийн 21:18 цагт хүлээн авч Сүхбаатар дүүргийн Онцгой байдлын хэлтсийн Гал түймэр унтраах, аврах 34 дүгээр ангийн 8 албан хаагч, 2 автомашинтай;
Нийслэлийн Баянзүрх дүүргийн 21 дүгээр хороонд байшин шатаж байна гэсэн дуудлагыг 2017.05.05-ны өдрийн 21:49 цагт хүлээн авч Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн 6 албан хаагч, 1 автомашинтай;
Нийслэлийн Чингэлтэй дүүргийн 19 дүгээр хороонд байшин шатаж байна гэсэн дуудлагыг 2017.05.05-ны өдрийн 21:52 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 10 дугаар ангийн 8 албан хаагч, 2 автомашинтай;
Нийслэлийн Сонгинохайрхан дүүргийн 10 дугаар хороо, Баянхошууны эцэст автомашин шатаж байна гэсэн дуудлагыг 2017.05.05-ны өдрийн 23:12 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 29 дүгээр ангийн 8 албан хаагч, 2 автомашинтай;
Нийслэлийн Сүхбаатар дүүргийн 12 дугаар хороонд байшин шатаж байна гэсэн дуудлагыг 2017.05.05-ны өдрийн 23:50 цагт хүлээн авч Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн 8 албан хаагч, 2 автомашинтай тус тус ажиллаж унтраасан.
5.Техникийн холбогдолтой ослын талаар:
Тээврийн хэрэгслийн осол: Ховд аймгийн Мянгад сумын Цагаан булаг багийн “Цагаан шал” гэдэг газрын зорчих хэсгийн автозам дээр аймгийн төвөөс Дөргөн сумын чиглэлд 10 тн шатахуун тээвэрлэж явсан 79-75 УБҮ улсын дугаартай Камаз загварын чиргүүлтэй автоцистерн онхолдож 1 хүн автомашины төмөр хийцэд хавчуулагдсан байна гэсэн дуудлагыг 2017.05.05-ны өдрийн 17:00 цагт хүлээн авч тус аймгийн Онцгой байдлын газрын Эрэн хайх, аврах салбарын 8 албан хаагч, 1 техник хэрэгсэлтэйгээр ажиллаж жолооч А /41 настай, эрэгтэй/ автомашины төмөр хийцэд хавчуулагдан нас барсан байсныг гарган Цагдаагийн байгууллагад шилжүүлэн өгсөн.
ОНЦГОЙ БАЙДЛЫН ЕРӨНХИЙ ГАЗАР