Өнгөрсөн хоногт: Баян-Өлгий, Сүхбаатар аймгийн нутгаар бороо орсон. Бусад нутгаар цаг агаар тогтуун байлаа.
Өнөөдөр: Ихэнх нутгаар үүлшинэ. Баруун болон зүүн аймгуудын нутгийн зарим газар, Хөвсгөлийн уулсаар түр зуурын бороо орно. Дуу цахилгаантай. Бусад нутгаар бороо орохгүй. Салхи нутгийн зүүн хэсгээр зүүн хойноос, бусад нутгаар баруун өмнөөс 6-11 м/с, Алтайн салбар уулс болон Арц богдын өвөр хоолойгоор түр зуур 16-18 м/с хүрч ширүүснэ. Алтай, Хангай, Хөвсгөл, Хэнтэйн уулархаг нутгаар 20-25 градус, Алтайн өвөр говь болон говийн бүс нутгаар 28-33 градус, бусад нутгаар 23-28 градус дулаан байна.
Улаанбаатар хотод: Багавтар үүлтэй. Бороо орохгүй. Салхи зүүн хойноос 6-11 м/с. 25-27 градус дулаан байна.
Төлөв байдал: 14, 15-нд баруун аймгуудын нутгийн хойд, төвийн аймгуудын нутгийн баруун, зүүн аймгуудын нутгийн зүүн хэсэг, 16, 17-нд баруун болон төвийн нутгийн зарим газраар түр зуурын бороо орно. Дуу цахилгаантай. Салхи ихэнх хугацаанд 7-12 м/с, зарим үед түр зуур 18-20 м/с хүрч ширүүснэ. Алтай, Хангай, Хөвсгөл, Хэнтэйн уулархаг нутгаар шөнөдөө 4-9 градус, өдөртөө 19-24 градус, говийн бүс нутгийн өмнөд хэсгээр шөнөдөө 15-20 градус, өдөртөө 29-34 градус, бусад нутгаар шөнөдөө 10-15 градус, өдөртөө 24-29 градус дулаан байна.
2.Объектын түймэр:
Хувийн өмчид гарсан: Дорнод аймгийн Баян-Уул сумын 4 дүгээр багийн “Хилчин хороололд” байшин шатаж байна гэсэн дуудлагыг 08.12-ны өдрийн 10:03 цагт хүлээн авч тус аймгийн Онцгой байдлын газрын Гал түймэр унтраах, аврах 52 дугаар ангийн 6 алба хаагч, 2 автомашинтай ажиллаж унтраасан.
Орхон аймгийн Баян-Өндөр сумын Их залуу багт байшин шатаж байна гэсэн дуудлагыг 08.13-ны өдрийн 04:14 цагт хүлээн авч тус аймгийн Онцгой байдлын газрын Гал түймэр унтраах, аврах 56 дугаар ангийн 6 алба хаагч, 1 автомашинтай ажиллаж унтраасан.
Нийслэлийн Сүхбаатар дүүргийн Хан-Уул дүүргийн 13 дугаар хороонд гэр шатаж байна гэсэн дуудлагыг 08.13-ны өдрийн 01:19 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 65 дугаар ангийн 8 алба хаагч, 2 автомашинтай ажиллаж унтраасан. Уг гал түймэрт иргэн А /64 настай, эрэгтэй/ түлэгдэж нас барсан тул цогцсыг дүүргийн Цагдаагийн 2 дугаар хэлтсийн жижүүрийн бүрэлдэхүүнд шилжүүлсэн.
3.Эрэн хайх, аврах ажиллагаа:
Усны осол /эрэн хайх, аврах/: Говь-Алтай аймгийн Хөхморьт сумын Цоохор багийн “Цоохор” нуур гэдэг газар /аймгийн төвөөс баруун хойд зүгт 300 км-т, сумын төвөөс баруун хойд зүгт 100 км-т/ Ховд аймгийн Дарви сумын харьяат иргэн Г /49 настай, эрэгтэй/, А /45 настай, эрэгтэй/ нар “Цоохор” нууранд осолдсон тухай дуудлагыг 08.12-ны өдрийн 04:00 цагт хүлээн авч Ховд аймгийн Онцгой байдлын газрын Эрэн хайх, аврах салбарын 6 алба хаагч, 1 завь, 1 автомашинтай эрэн хайх ажиллагааг зохион байгуулж иргэн А-гийн цогцсыг 08.12-ны өдрийн 03:45 цагт нуурын эргээс, иргэн Г-гийн цогцсыг нуурын мандлаас /10 метрийн зайд/ 10:50 цагт тус тус олж цагдаагийн байгууллагад шилжүүлэн өгсөн.
ОНЦГОЙ БАЙДЛЫН ЕРӨНХИЙ ГАЗАР