Өнгөрсөн хоногт: Булган, Хөвсгөл, Завхан аймгийн нутагт бороо орсон. Бусад нутгаар цаг агаар тогтуун байлаа.
Өнөөдөр: Үүлэрхэг. Төвийн аймгуудын ихэнх нутаг, баруун болон зүүн аймгуудын нутгийн зарим газраар түр зуурын бороо орно. Дуу цахилгаантай. Салхи нутгийн баруун хагаст баруун өмнөөс, бусад нутгаар зүүн хойноос 7-12 м/с, борооны өмнө түр зуур ширүүснэ. Хангай, Хөвсгөлийн уулархаг нутгаар 16-21 градус, говийн бүс нутгийн өмнөд хэсгээр 28-33 градус, бусад нутгаар 22-27 градус дулаан байна.
Улаанбаатар хотод: Үүлшинэ. Түр зуурын бороо орно. Дуу цахилгаантай. Салхи баруун өмнөөс 6-11 м/с, борооны өмнө түр зуур ширүүснэ. 25-27 градус дулаан байна.
Төлөв байдал: 17-нд баруун, төв болон зүүн аймгуудын зарим газраар, 18-нд баруун болон төвийн аймгуудын ихэнх нутгаар түр зуурын бороо, 19-нд баруун болон төв аймгуудын нутаг, говийн аймгуудын нутгийн баруун хэсгээр, 20-нд төв, говь, зүүн аймгуудын нутгаар бороо орно. Дуу цахилгаантай. Салхи ихэнх хугацаанд зарим газраар түр зуур 16-18 м/с хүрч ширүүснэ. Алтай, Хангай, Хөвсгөл, Хэнтэйн уулархаг нутгаар шөнөдөө 4-9 градус, өдөртөө 17-22 градус, говийн бүс нутгийн өмнөд хэсгээр шөнөдөө 15-20 градус, өдөртөө 27-32 градус, бусад нутгаар шөнөдөө 10-15 градус, өдөртөө 23-28 градус дулаан байна. 19-нд баруун болон төвийн аймгуудын нутгийн хойд хэсгээр, 20-нд ихэнх нутгаар сэрүүснэ.
2.Объектын түймэр:
Хувийн өмчид гарсан: Баянхонгор аймгийн Баянхонгор сумын Дуурсах багт иргэн Б-гийн “Мустанг-200” загварын мотоцикль шатаж байна гэсэн дуудлагыг 08.16-ны өдрийн 01:06 цагт хүлээн авч тус аймгийн Онцгой байдлын газрын Гал түймэр унтраах, аврах 16 дугаар ангийн 5 алба хаагч, 1 автомашинтай ажиллаж унтраасан.
Хөвсгөл аймгийн Мөрөн сумын Нисэх багт байшин шатаж байна гэсэн дуудлагыг 08.15-ны өдрийн 18:25 цагт хүлээн авч тус аймгийн Онцгой байдлын газрын Гал түймэр унтраах, аврах 27 дугаар ангийн 7 алба хаагч, 2 автомашинтай ажиллаж унтраасан.
Нийслэлийн Баянзүрх дүүргийн 19 дүгээр хороонд иргэн Ш-ийн дугуй засварын газрын гадна их хэмжээний хуучин дугуй шатаж байна гэсэн дуудлагыг 08.16-ны өдрийн 01:46 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 63 дугаар ангийн 6 алба хаагч, 1 автомашинтай ажиллаж унтраасан.
Сонгинохайрхан дүүргийн 24 дүгээр хороонд иргэн О-гийн граж, байшингийн дээврийн хэсэг шатаж байна гэсэн дуудлагыг 207.08.15-ны өдрийн 20:13 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 29 дүгээр ангийн 8 алба хаагч, 2 автомашинтай ажиллаж унтраасан.
Сүхбаатар дүүргийн 19 дүгээр хороо, “Шарга-морьт”-ын зуслангийн задгайд байшин шатаж байна гэсэн дуудлагыг 08.15-ны өдрийн 18:08 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 34 дугаар ангийн 8 алба хаагч 2 автомашинтай ажиллаж унтраасан.
3.Зам тээврийн осол:
Авто замын осол: Нийслэлийн Сонгинохайрхан дүүргийн 21 дүгээр хороо, “Ар гүнт”-ийн давааны замын зорчих хэсэгт зам тээврийн осол гарч автомашины төмөр хийцэд хүн хавчуулагдсан байна гэсэн дуудлагыг 08.15-ны өдрийн 16:09 цагт хүлээн авч Нийслэлийн Онцгой байдлын газрын Аврах ангийн 6 алба хаагч, Сүхбаатар дүүргийн Онцгой байдлын хэлтсийн Гал түймэр унтраах, аврах 34 дүгээр ангийн 6 алба хаагч, нийт 12 алба хаагч, 2 техник хэрэгсэлтэйгээр ажиллаж, иргэн Ц-гийн 01-29 УНЧ улсын дугаартай “Лексус-470” загварын автомашин, иргэн М-ийн 89-75 УНУ улсын дугаартай “Кроун” завгарын автомашинтай мөргөлдсөний улмаас иргэн У (45 настай, эрэгтэй) нас барсан, Б (36 настай, эмэгтэй) автомашины төмөр хийцэд хавчуулагдсан байсныг гаргаж, иргэн М (36 настай, эрэгтэй), Г (27 настай, эрэгтэй) нарт анхны тусламж үзүүлж, эмнэлгийн байгууллагад хүлээлгэн өгсөн.
4.Эрэн хайх, аврах ажиллагаа:
Усны осол /эрэн хайх, аврах/: Сэлэнгэ аймгийн Алтанбулаг сумын Цөх багийн “Нарст-Арал” гэдэг газар Цөх голын усанд /Аймгийн төвөөс зүүн зүгт 94 км-т/ иргэн М /31 настай, эрэгтэй/ живсэн тухай дуудлагыг 2017.08.15-ны өдрийн 06:40 цагт хүлээн авч тус аймгийн Онцгой байдлын газрын Эрэн хайх аврах ангийн 5 алба хаагч, 1 автомашинтайгаар ажиллаж, 11:15 цагт цогцсыг гаргаж, цагдаагийн байгууллагад хүлээлгэн өгсөн.
ОНЦГОЙ БАЙДЛЫН ЕРӨНХИЙ ГАЗАР