Өнгөрсөн хоногт: Нийт нутгаар цаг агаар тогтуун байлаа.
Өнөөдөр: Нутгийн баруун хагаст үүлшинэ. Бусад нутгаар солигдмол үүлтэй. Баруун аймгуудын нутгийн хойд хэсгээр бага зэргийн хур тунадас орно. Бусад нутгаар хур тунадас орохгүй. Салхи баруун өмнөөс 5-10 м/с, Алтайн салбар уулс болон Арц Богдын өвөр хоолойгоор 12-14 м/с хүрч ширүүснэ. Алтай, Хангай, Хөвсгөл, Хэнтийн уулархаг нутгаар 7-12 градус, Алтайн өвөр говиор 17-22 градус, говийн бүс нутгаар 21-26 градус, бусад нутгаар 13-18 градус дулаан байна.
Улаанбаатар хотод: Үүлшинэ, хур тунадас орохгүй, салхи баруун өмнөөс 5-10 м/с. 15-17 градус дулаан байна.
Төлөв байдал: 5-нд баруун болон төвийн аймгуудын нутгийн хойд хэсгээр, 6-нд нутгийн хойд хагаст, 7-нд ихэнх нутгаар, 8-нд нутгийн зүүн хагаст хур тунадас, нойтон цас орно. Салхи 5-нд зарим газраар 14-16 м/с, 6, 7-нд ихэнх нутгаар, 8-нд говь талын нутгаар түр зуур 18-20 м/с хүрч шороон болон цасан шуурга шуурна. 6-нд нутгийн хойд хэсгээр, цаашдаа ихэнх нутгаар хүйтэрч Алтай, Хангай, Хөвсгөл, Хэнтэйн уулархаг нутгаар шөнөдөө 9-14 градус, өдөртөө 1-6 градус, говийн бүс нутгийн өмнөд хэсгээр шөнөдөө 0-5 градус хүйтэн, өдөртөө 5-10 градус дулаан, бусад нутгаар шөнөдөө 4-9 градус хүйтэн, өдөртөө 1-6 градус дулаан байна. 5-нд нутгийн өмнөд хэсгээр дулаан байна.
2.Объектын түймэр:
ААН, байгууллагын өмчид гарсан: Нийслэлийн Баянзүрх дүүргийн 16 дугаар хороонд “Алтан гадас” ХХК-ийн хашаанд чингэлэг шатаж байна гэсэн дуудлагыг 10.03-ны өдрийн 09:36 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 63 дугаар ангийн 8 алба хаагч, 2 автомашинтай ажиллаж унтраасан.
Хувийн өмчид гарсан: Сэлэнгэ аймгийн Баянгол сумын Гонир багийн “Сэвсүүлийн-Эх” гэдэг газар /сумын төвөөс зүүн зүгт 30 км/ 2 амбаар, хураалттай өвс шатаж байна гэсэн дуудлагыг 10.03-ны өдрийн 14:00 цагт хүлээн авч тус аймгийн Онцгой байдлын газрын Гал түймэр унтраах, аврах 19 дүгээр ангийн 6 алба хаагч, 1 автомашинтай ажиллаж унтраасан.
3.Ой, хээрийн түймэр:
Хээрийн түймэр: Сүхбаатар аймгийн Эрдэнэцагаан сумын Хөндлөн хайлааст багийн “Хөшөөт” гэдэг газар /сумын төвөөс урд зүгт 40 км-т/ хээрийн түймэр гарсан тухай дуудлагыг 10.03-ны өдрийн 12:10 цагт хүлээн авч орон нутгийн 8 иргэн, 1 автомашин, 3 мотоцикльтойгоор ажиллаж 10.03-ны өдрийн 13:02 цагт унтраасан.
4.Эрэн хайх, аврах ажиллагаа:
Өндрөөс аврах: Нийслэлийн Сүхбаатар дүүргийн 9 дүгээр хороонд орон сууцны 20 дугаар байрны 15 дугаар давхрын дээврээс хүн үсрэх гээд байна гэсэн дуудлагыг 10.03-ны өдрийн 17:33 цагт хүлээн авч Нийслэлийн Аврах ангийн 14 алба хаагч, 3 автомашинтай ажиллаж иргэн Т /22 настай, эрэгтэй/-г эсэн мэнд буулгаж тус дүүргийн Цагдаагийн 2 дугаар хэлтсийн жижүүрийн бүрэлдэхүүнд шилжүүлэн өгсөн.
ОНЦГОЙ БАЙДЛЫН ЕРӨНХИЙ ГАЗАР