Өнгөрсөн хоногт: Улаанбаатар хот болон Дахан-Уул, Төв аймагт бороо орсон. Бусад нутгаар цаг агаар тогтуун байлаа.
Өнөөдөр: Ихэнх нутгаар нутгаар солигдмол үүлтэй. Төв болон говийн аймгуудын нутгийн зүүн, зүүн аймгуудын нутгийн баруун хэсгээр хур тунадас, нойтон цас орно. Бусад нутгаар хур тунадас орохгүй. Салхи нутгийн баруун хэсгээр баруунаас бусад нутгаар зүүн өмнөөс хойш эргэж 7-12 м/с. Сэрүүсч Хангай, Хөвсгөл, Хэнтэйн уулархаг нутгаар 0-5 градус, Алтайн өвөр говиор 12-17 градус, Их нууруудын хотгор болон говийн бүс нутгийн өмнөд хэсгээр 9-14 градус, бусад нутгаар 5-10 градус дулаан байна.
Улаанбаатар хотод: Үүлэрхэг, хур тунадас, нойтон цас орно, салхи зүүн өмнөөс хойш эргэж 6-11 м/с, 5-7 градус дулаан байна.
Төлөв байдал: 22-нд нутгийн зүүн өмнөд хэсгээр, 25-нд баруун аймгуудын нутгийн баруун хэсгээр хур тунадас, нойтон цас орж, салхи 7-12 м/с, зөөлөн цасан шуурга шуурна. 22-нд нутгийн зүүн хагаст хүйтэн байх боловч 23-наас ихэнх нутгаар өдөртөө дулаарч Алтай, Хангай, Хөвсгөл, Хэнтэйн уулархаг нутгаар шөнөдөө 6-11 градус хүйтэн, өдөртөө 3-8 градус дулаан, говийн бүс нутгийн өмнөд хэсгээр шөнөдөө 3 градус дулаанаас 2 градус хүйтэн, өдөртөө 14-19 градус дулаан, бусад нутгаар шөнөдөө 3-8 градус хүйтэн, өдөртөө 9-14 градус дулаан байна.
2.Объектын түймэр:
Төрийн өмчид гарсан: Дархан-Уул аймгийн Дархан сумын 4 дүгээр багт Дархан Дулааны цахилгаан станцын Дулаан насосны 3 дугаар байранд хөөсөнцөр шатаж байна гэсэн дуудлагыг 10.20-ны өдрийн 10:31 цагт хүлээн авч тус аймгийн Онцгой байдлын газрын Гал түймэр унтраах, аврах 22 дугаар ангийн 6 алба хаагч, 1 автомашинтай 10:34 цагт хүлэлцэн очиж 00:15 цаг ажиллаж унтраасан.
Хувийн өмчид гарсан: Баянхонгор аймгийн Баянхонгор сумын Номгон багийн “Эрдэнэмандал” ахлах сургуулийн автомашины зогсоолд иргэн О-гийн эзэмшлийн 89-25 БНА улсын дугаартай суудлын автомашин шатаж байна гэсэн дуудлагыг 10.20-ны өдрийн 08:05 цагт хүлээн авч тус аймгийн Онцгой байдлын газрын Гал түймэр унтраах, аврах 16 дугаар ангийн 5 алба хаагч, 1 автомашинтай 08:08 цагт хүрэлцэн очиж 00:04 цаг ажиллаж унтраасан.
Нийслэлийн Налайх дүүргийн 3 дугаар хороонд гэр шатаж байна гэсэн дуудлагыг 10.21-ний өдрийн 01:08 цагт хүлээн авч тус дүүргийн Онцгой байдлын хэлтсийн Гал түймэр унтраах аврах 28 дугаар ангийн 8 алба хаагч, 2 автмашинтай 01:13 цагт хүрэлцэн очиж 00:25 цаг ажиллаж унтраасан.
3.Эрэн хайх, аврах ажиллагаа:
Бусад: Сэлэнгэ аймгийн Баянгол сум, Баян багийн “Хужирын хонхор” гэдэг газар /Дархан-Уул аймгийн Шарынгол сумын төвөөс баруун урд зүгт 15 км-т/ Сэлэнгэ аймгийн Баянгол сумын 31-25 ДАХ улсын дугаартай “Starex” загварын 4 зорчигчтой автомашин, 29-99 ДАР улсын дугаартай “Сounty” загварын 14 зорчигчтой автобус шаварт суусан тухай дуудлагыг 10.20-ны өдрийн 17:43 цагт хүлээн авч Дархан-Уул аймгийн Онцгой байдлын газрын Гал түймэр унтраах, аврах 55 дугаар ангийн 5 алба хаагч, 1 автомашинтай 18:15 цагт хүрэлцэн очиж 00:45 цаг ажиллан 18 зорчигчтой 2 автомашиныг шавараас татан гаргасан.
Нийслэлийн Хан-Уул дүүргийн 4 дүгээр хороонд дулааны шугамын нүх ухаж байсан эксковаторын шанага унаж 1 хүн дарагдаж нас барсан тухай дуудлагыг 10.20-ны өдрийн 11:48 цагт хүлээн авч Нийслэлийн аврах ангийн 6 алба хаагч, 2 автомашинтай 11:57 цагт хүрэлцэн очиж 13:25 цагт аврах ажиллагааг эхлүүлж 00:34 цаг ажиллан иргэн Л /38 настай, эрэгтэй/-н цогцсыг гаргаж дүүргийн Цагдаагийн 2 дугаар хэлтсийн жижүүрийн бүрэлдэхүүнд шилжүүлэн өгсөн.
ОНЦГОЙ БАЙДЛЫН ЕРӨНХИЙ ГАЗАР