Өнгөрсөн хоногт: Нийт нутгаар цаг агаар тогтуун байлаа.
Өнөөдөр: Төвийн аймгуудын нутгаар багавтар үүлтэй, бусад нутгаар үүлэрхэг. Баруун аймгуудын нутгийн баруун хэсгээр бага зэргийн хур тунадас орно. Бусад нутгаар хур тунадас орохгүй. Салхи баруун өмнөөс 5-10 м/с, баруун аймгуудын нутгийн зарим газраар 15-17 м/с хүрч ширүүснэ. Алтай, Хангай, Хөвсгөл, Хэнтэйн уулархаг нутгаар 7-12 градус, Алтайн өвөр говь болон говийн бүс нутгаар 13-18 градус, бусад нутгаар 10-15 градус дулаан байна.
Улаанбаатар хотод: Багавтар үүлтэй, хур тунадас орохгүй, салхи баруун өмнөөс 5-10 м/с, 11-13 градус дулаан байна.
Төлөв байдал: 26-нд баруун аймгуудын нутаг болон төвийн аймгуудын нутгийн баруун хэсгээр, 27-нд төв, говь, зүүн аймгуудын нутгаар, 28-нд зүүн аймгуудын нутгийн зарим газраар, 29-нд баруун аймгуудын нутгийн хойд хэсгээр хур тунадас, нойтон цас орж, цасан шуурга шуурна. Салхи 26-нд нутгийн баруун хагаст, 27-нд ихэнх нутгаар түр зуур 18-20 м/с, 28-нд говь талын нутгаар 12-14 м/с хүрч ширүүснэ. 26-нд нутгийн баруун хэсгээр цаашдаа ихэнх нутгаар эрс хүйтэрч Алтай, Хангай, Хөвсгөл, Хэнтэйн уулархаг нутгаар шөнөдөө 14-19 градус, өдөртөө 4-9 градус, говийн бүс нутгийн өмнөд хэсгээр шөнөдөө 3-8 градус хүйтэн, өдөртөө 4-9 градус дулаан, бусад нутгаар шөнөдөө 9-14 градус хүйтэн, өдөртөө 4 градус хүйтнээс 1 градус дулаан байна. 29-нөөс өдөртөө бага зэрэг дулаарна.
2.Объектын түймэр:
Хувийн өмчид гарсан: Нийслэлийн Баянзүрх дүүргийн 4 дүгээр хороонд байрны подвальд эзэнүй айлд цахилгаан бараа шатаж байна гэсэн дуудлагыг 10.24-ний өдрийн 13:54 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 63 дугаар ангийн 8 алба хаагч, 2 автомашинтай 14:05 цагт хүрэлцэн очиж 00:15 цаг ажиллаж унтраасан.
Баянзүрх дүүргийн 11 дүгээр хорооны “Бага тэнгэрийн-Ам”-д байшингийн дээврийн хэсэг шатаж байна гэсэн дуудлагыг 10.24-ний өдрийн 23:28 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 14 дүгээр ангийн 8 алба хаагч, 2 автомашинтай 23:44 цагт хүрэлцэн очиж 01:20 цаг ажиллаж, нэмэлтээр Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн 8 алба хаагч, 2 автомашинтай 00:12 цагт хүрэлцэн очиж 00:05 цаг ажиллаж унтраасан.
Сонгинохайрхан дүүргийн 2 дугаар хороонд байшин шатаж байна гэсэн дуудлагыг 10:38 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 26 дугаар ангийн 8 алба хаагч, 2 автомашинтай 10:47 хүрэлцэн очиж 00:30 цаг ажиллаж унтраасан.
Увс аймгийн Улаангом сумын Хөндлөн багийн “Адуучийн буурь” гэдэг газар /сумын төвөөс 45 км зүүн хойд зүгт/ өвөлжөө, хураасан өвс шатаж байна гэсэн дуудлагыг 10.24-ний өдрийн 12:58 цагт хүлээн авч тус аймгийн Онцгой байдлын газрын Гал түймэр унтраах, аврах 41 дүгээр ангийн 6 алба хаагч, 1 автомашинтай 15:00 цагт хүрэлцэн очиж 04:40 цаг ажиллаж унтраасан.
3.Ой, хээрийн түймэр:
Ойн түймэр: Завхан аймгийн Тосонцэнгэл сумын Рашаант багийн “Тээлийн-Ам” гэдэг газар /сумын төвөөс урд зүгт 60 км-т/ бургас шатаж байна гэсэн дуудлагыг 10.24-ний өдрийн 15:30 цагт хүлээн авч тус аймгийн Онцгой байдлын газрын 10 алба хаагч, 1 техник хэрэгсэлтэй 18:20 цагт хүрэлцэн очиж 10:30 цаг ажиллаж унтраасан.
4.Зам тээврийн осол:
Автозамын осол: Нийслэлийн Чингэлтэй дүүргийн 10 дугаар хороонд авто замын зорчих хэсэгт 91-51 УБЗ улсын дугаартай бага оврын ачааны автомашин, 47-06 УНО улсын дугаартай суудлын автомашинтай мөргөлдөж автомашины төмөр эд ангид 2 хүн хавчуулагдсан байна гэсэн дуудлагыг 10.24-ний өдрийн 17:44 цагт хүлээн авч Нийслэлийн аврах ангийн 6 алба хаагч, 1 автомашинтай 18:07 цагт хүрэлцэн очиж 00:12 цаг ажиллаж автомашины төмөр эд ангид хавчуулагдсан иргэн О /43 настай, эмэгтэй/, Б /29 настай, эмэгтэй/ нарыг эсэн мэнд гаргаж НЯТТ-д шилжүүлэн өгсөн.
5.Эрэн хайх, аврах ажиллагаа:
Уул хаднаас /эрэн хайх, аврах/: Завхан аймгийн Отгон сумын Буянт багийн Отгонтэнгэр ууланд /аймгийн төвөөс зүүн урд зүгт 200 км-т, сумын төвөөс хойд зүгт 45 км-т/ 10.21-ний өдрийн 16:30 цагт иргэн С-ээр ахлуулсан 27 иргэн авиралт хийгээд буух явцад цасан нуранги үүсч 10 иргэн уулнаас эсэн мэнд бууж, 17 иргэн сураггүй болсон тухай дуудлагыг 10.22-ны өдрийн 14:30 цагт хүлээн авч Монгол Улсын Шадар сайд Ө.Энхтүвшин, Онцгой байдлын ерөнхий газрын дарга, хошууч генерал Т.Бадрал, тэргүүн дэд бөгөөд штабын дарга, бригадын генерал Г.Ариунбуян нараар ахлуулсан Онцгой байдлын албаны 59 алба хаагч, 8 автомашин, Зэвсэгт хүчний 303, 325 дугаар ангийн 19 алба хаагч, 3 автомашин, 2 нисдэг тэрэг, Монголын уулчдын үндэсний холбооны 9 хүн, орон нутгийн уулчидын 5 хүн, Эрүүл мэндийн байгууллагын 18 хүн, 2 автомашинтай, Цагдаагийн газрын 37 алба хаагч, 6 автомашинтай, Шүүхийн шинжилгээний албаны 12 хүн, 2 автомашинтай, Мэргэжлийн хяналтын газар 3 хүн, 1 автомашинтай, Хэвлэл мэдээллийн 2, орон нутгийн болон нутгийн захиргааны байгууллагын 39 хүн, 8 автомашинтай, нийт 203 хүн, 2 нисдэг тэрэг, 30 автомашинтай эрэн хайх, аврах ажиллагааг зохион байгуулж, эхний цогцсыг 10.23-ны өдрийн 11:30 цагт, 2 дахь цогцсыг 11:34, 3 дахь цогцсыг 11:40 цагт, 4 дэх цогцсыг 13:07 цагт, 5 дахь цогцсыг 14:28 цагт, 6, 7 дахь цогцсыг 15:10 цагт, 8, 9, 10 дахь цогцсыг 15:45 цагт тус тус олж, 17:00 цагт эрлийн ажиллагааг түр зогсоосон. 10.24-ний өдрийн байдлаар 09:43 цагт 11, 12 дахь цогцсыг, 10:43 цагт 13 дахь цогцсыг, 11:30 цагт 14 дэх цогцсыг олж 16:30 цагт эрэн хайх ажиллагаа түр зогсоосон бөгөөд ЗХ-ний 303 дугаар ангийн 1001 дугаартай Ми171Е загварын нисдэг тэрэг Завхан аймгийн Отгон сумын Буянт багийн Отгонтэнгэр-Уул-Улаанбаатар хотын чиглэлд 14:32 цагаас 17:24 цагийн хооронд нислэг үйлдэж Монгол Улсын Шадар сайд Ө.Энхтүвшин болон, ГССҮТ-ийн 5 эмчийг Улаанбаатарт хүргэж ирсэн. Мөн ЗХ-ний 303 дугаар ангийн 1002 дугаартай Ми 171Е загварын нисдэг тэрэг 16:25 цагаас 20:20 цагийн хооронд дээрх чиглэлд нислэг үйлдэн 14 нэрвэгдэгсдийн цогцсыг Улаанбаатарт авч ирсэн.
ОНЦГОЙ БАЙДЛЫН ЕРӨНХИЙ ГАЗАР