Өнгөрсөн хоногт: Нийт нутгаар цаг агаар тогтуун байлаа.
Өнөөдөр: Баруун аймгуудын нутгаар үүлшинэ, нутгийн хойд хэсгээр бага зэргийн цас орно. Бусад нутгаар багавтар үүлтэй, хур тунадас орохгүй. Салхи баруун өмнөөс 6-11 м/с, Алтайн салбар уулсаар 12-14 м/с хүрч ширүүснэ. Алтай, Хангай, Хөвсгөл, Хэнтийн уулархаг нутгаар 1-6 градус хүйтэн, Их нууруудын хотгор болон говийн бүс нутгийн өмнөд хэсгээр 5-10 градус, бусад нутгаар 2-7 градус дулаан байна.
Улаанбаатар хотод: Багавтар үүлтэй. Хур тунадас орохгүй. Салхи баруун өмнөөс 6-11 м/с. 3-5 градус дулаан байна.
Төлөв байдал: 30-наас 11 дүгээр сарын 01-нд төв болон зүүн аймгуудын нутгийн хойд хэсгээр бага зэргийн хур тунадас орно. Салхи 30-наас 11 дүгээр сарын 01-нд зарим газраар 12-14 м/с хүрч ширүүснэ. Өдөртөө бага зэрэг дулаарч Алтай, Хангай, Хөвсгөл, Хэнтэйн уулархаг нутгаар шөнөдөө 11-16 градус, өдөртөө 0-5 градус, говийн бүс нутгийн өмнөд хэсгээр шөнөдөө 0-5 градус хүйтэн, өдөртөө 7-12 градус дулаан, бусад нутгаар шөнөдөө 5-10 градус хүйтэн, өдөртөө 3-8 градус дулаан байна.
2.Объектын түймэр:
Хувийн өмчид гарсан: Ховд аймгийн Буянт сумын Нарийн гол багийн “Ногоон тохой” гэдэг газар иргэн Б-гийн 7000 боодолтой өвс шатаж байна гэсэн дуудлагыг 10.28-ны өдрийн 03:45 цагт хүлээн авч тус аймгийн Онцгой байдлын газрын Гал түймэр унтраах, аврах 48 дугаар ангийн 7 алба хаагч, нэмэлтээр 8 алба хаагч, орон нутгийн 36 хүн, нийт 51 хүн 5 техник хэрэгсэлтэйгээр 04:35 цагт хүрэлцэн очиж, 10:02 цаг ажиллаж унтраасан.
Хөвсгөл аймгийн Мөрөн сумын Хужирт багт байшин шатаж байна гэсэн дуудлагыг 10.29-ний өдрийн 00:22 цагт хүлээн авч тус аймгийн Онцгой байдлын газрын Гал түймэр унтраах, аврах 27 дугаар ангийн 6 алба хаагч, 2 автомашинтай, 00:27 цаг хүрэлцэн очиж, 01:50 цаг ажиллаж унтраасан.
Нийслэлийн Хан-Уул дүүргийн 4 дүгээр хороонд амбаар шатаж байна гэсэн дуудлагыг 10.28-ны өдрийн 09:52 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 30 дугаар ангийн 8 алба хаагч, 2 автомашинтай 10:02 цагт хүрэлцэн очиж, 00:25 цаг ажиллаж унтраасан.
3.Ой, хээрийн түймэр:
Хээрийн түймэр: Сүхбаатар аймгийн Мөнххаан сумын Баянтэрэм багийн “Шилийн холбоо” гэдэг газар /сумын төвөөс зүүн хойд зүгт 150 км-т/ хээрийн түймэр гарсан тухай дуудлагыг 10.28-ны өдрийн 13:50 цагт хүлээн авч тус аймгийн Онцгой байдлын газрын 12 алба хаагч, орон нутгийн 20 иргэн, нийт 32 хүн, 3 техник хэрэгсэлтэйгээр ажиллаж, 20:05 цагт цурамд оруулrж, 23:40 цагт бүрэн унтарааж, байгаль орчны байцаагчид хүлээлгэн өгсөн.
Сүхбаатар аймгийн Түмэнцогт сумын Лхүмбэ багийн “Шилийн холбоо” гэдэг газар /сумын төвөөс зүүн зүгт 36 км-т/ хээрийн түймэр гарсан тухай дуудлагыг 10.28-ны өдрийн 13:50 цагт хүлээн авч Дорнод аймгийн Онцгой байдлын газрын 13 алба хаагч, Цагдаагийн 3 алба хаагч, орон нутгийн 20 иргэн, Хөлөнбуйр сумын 11 иргэн, нийт 47 хүн, 7 техник хэрэгсэлтэйгээр ажиллаж 19:48 цагт цурамд оруул, 20:10 цагт бүрэн унтрааж, тус сумын Засаг даргын орлогчид хүлээлгэн өгсөн.
4.Эрэн хайх, аврах ажиллагаа:
Бусад: Баянхонгор аймгийн Баянхонгор сумын Номгон багийн “Цэлмэг өглөө” дэлгүүрийн хойд талд барилгын дулааны шугамын нүхэнд иргэн Б шороонд дарагдсан тухай дуудлагыг 10.28-ны өдрийн 14:15 цагт хүлээн авч тус аймгийн Онцгой байдлын газрын 5 алба хаагч, 1 техник хэрэгсэлтэйгээр 14:18 цагт хүрэлцэн очиж, 00:05 цаг ажиллан гаргаж эмнэлгийн байгууллагад хүлээлгэн өгсөн.
ОНЦГОЙ БАЙДЛЫН ЕРӨНХИЙ ГАЗАР