Өнгөрсөн хоногт: Дархан-Уул, Орохон, Сэлэнгэ аймагт бага зэрэг цас орсон. Бусад нутгаар цаг агаар тогтуун байлаа.
Өнөөдөр: Ихэнх нутгаар солигдмол үүлтэй. Төв, зүүн аймгуудын нутгийн зарим газраар бага зэргийн цас, говийн аймгуудын нутгийн өмнөд хэсгээр бага зэргийн хур тунадас орж, явган шуурга шуурна. Салхи баруун хойноос 6-11 м/с, зарим газраар 12-14 м/с хүрч ширүүснэ. Хангай, Хөвсгөл, Хэнтэйн уулархаг нутгаар 2 градус дулаанаас 3 градус хүйтэн, Алтайн өвөр говь болон говийн бүс нутгийн өмнөд хэсгээр 7-12 градус, Алтайн уулархаг нутаг болон Их нууруудын хотгороор 4-9 градус дулаан, бусад нутгаар 3 градус дулаанаас 2 градус хүйтэн байна.
Улаанбаатар хотод: Үүлшинэ, цас орохгүй, салхи баруун хойноос 7-12 м/с, 0-2 градус дулаан байна.
Төлөв байдал: 4-нд баруун аймгуудын нутгийн баруун хэсгээр, 5-нд баруун болон төвийн аймгуудын нутаг, зүүн аймгуудын нутгийн баруун хэсгээр хур тунадас, цас орно. Салхи 4-нд Алтайн салбар уулсаар, 5-нд ихэнх нутгаар 14-16 м/с хүртэл ширүүсч цасан болон шороон шуурга шуурна. Өдөртөө бага зэрэг дулаарч Хангай, Хөвсгөл, Хэнтэйн уулархаг нутгаар шөнөдөө 12-17 градус хүйтэн, өдөртөө 4 градус дулаанаас 1 градус хүйтэн, говийн бүс нутгийн өмнөд хэсгээр шөнөдөө 3 градус дулаанаас 2 градус хүйтэн, өдөртөө 11-16 градус дулаан, бусад нутгаар шөнөдөө 4-9 градус хүйтэн, өдөртөө 5-10 градус дулаан байна. 5-нд нутгийн баруун хагаст хүйтэрнэ.
2.Объектын түймэр:
ААН, байгууллагын өмчид гарсан: Дундговь аймгийн Сайнцагаан сумын Нарлаг багт “Үлэмж” зоогийн газар шатаж байна гэсэн дуудлагыг 10.31-ний өдрийн 17:23 цагт хүлээн авч тус аймгийн Онцгой байдлын газрын Гал түймэр унтраах, аврах 25 дугаар ангийн 6 алба хаагч, 1 автомашинтай, 17:26 цагт хүрэлцэн очиж 00:19 цаг ажиллаж унтраасан.
Хувийн өмчид гарсан: Орхон аймгийн Баян-Өндөр сумын Цагаанчулуут багт байшингийн дээвэр шатаж байна гэсэн дуудлагыг 10.31-ний өдрийн 20:40 цагт хүлээн авч тус аймгийн Онцгой байдлын газрын Гал түймэр унтраах, аврах 81 дүгээр ангийн 6 алба хаагч, 1 автомашинтай 20:44 цагт хүрэлцэн очиж 00:39 цаг ажиллаж унтраасан.
Сэлэнгэ аймгийн Мандал сумын Баянсуудал багт байшингийн дээвэр шатаж байна гэсэн дуудлагыг 10.31-ний өдрийн 23:57 цагт хүлээн авч тус аймгийн Онцгой байдлын газрын Гал түймэр унтраах, аврах 19 дүгээр ангийн 5 алба хаагч, 1 автомашинтай 00:03 цагт хүрэлцэн очиж 00:20 цаг ажиллаж унтраасан. Уг гал түймэрт иргэн Э /38 настай, эрэгтэй/ угаартсан байсныг эсэн мэнд гаргасан.
Увс аймгийн Баруунтуруун сумын Баян-Айраг багийн “Хаяа” гэдэг газар /сумын төвөөс зүүн хойд зүгт 21 км-т/ иргэн Л-ийн 500 боодол өвс, 4 машин задгай өвс шатаж байна гэсэн дуудлагыг 10:31-ний өдрийн 21:30 цагт хүлээн авч тус аймгийн Онцгой байдлын газрын Гал түймэр унтраах, аврах 60 дугаар ангийн 11 алба хаагч, 3 автомашинтай, 22:50 цагт хүрэлцэн очиж 6:20 цаг ажиллаж унтраасан.
Увс аймгийн Улаангом сумын ажилчны хороонд иргэн Д-гийн хашаанд хураалттай өвс шатаж байна гэсэн дуудлагыг 10.31-ний өдрийн 16:27 цагт хүлээн авч тус аймгийн Онцгой байдлын газрын Гал унтраах, аврах 41 дүгээр ангийн 11 алба хаагч, 3 автомашинтай, 16:30 цагт хүрэлцэн очиж 00:58 цаг ажиллаж унтраасан.
3.Ой, хээрийн түймэр:
Хээрийн түймэр: Сүхбаатар аймгийн Сүхбаатар сумын Шинэ булаг багийн “Яргайт” гэдэг газар /сумын төвөөс баруун хойд зүгт 100 км-т/ хээрийн түймэр гарсан тухай дуудлагыг 10.30-ны өдрийн 12:54 цагт хүлээн авч тус аймгийн Онцгой байдлын газрын Гал түймэр унтраах аврах 15 дугаар ангийн 24 алба хаагч, 2 автомашинтай, орон нутгийн 25 иргэн, 2 автомашинтай 14:50 цагт хүрэлцэн очиж, 16:25 цаг ажиллаж, 10.31-ний өдрийн 08:50 цагт унтраасан.
ОНЦГОЙ БАЙДЛЫН ЕРӨНХИЙ ГАЗАР