1.Цаг агаарын талаар:
Өнгөрсөн хоногт: Булган, Орхон, Завхан, Сэлэнгэ аймгийн нутгаар бага зэргийн цас орсон. Бусад нутгаар цаг агаар тогтуун байлаа.
Өнөөдөр: Ихэнх нутгаар солигдмол үүлтэй. Баруун аймгуудын нутгийн зарим газар, төвийн аймгуудын нутгийн баруун хэсгээр бага зэргийн цас орж, явган шуурга шуурна. Салхи нутгийн зүүн хэсгээр баруун хойноос, бусад нутгаар баруунаас 7-12 м/с. Увс нуурын хотгор, Тэс голын хөндийгөөр 15-20 градус, Их нууруудын болон Дархадын хотгор, Завхан голын эх, Дорнод, Дарьгангын тал нутаг, Идэр, Хараа, Ерөө, Туул, Тэрэлж, Хэрлэн, Улз, Халх голын хөндийгөөр 9-14 градус, Хүрэн бэлчир орчим, Хангай, Хөвсгөл, Хэнтэйн уулархаг нутаг, Орхон-Сэлэнгийн сав газраар 6-11 градус хүйтэн, Алтайн өвөр говь болон говийн нутгийн баруун хэсгээр 4 градус дулаанаас 1 градус хүйтэн, бусад нутгаар 2-7 градус хүйтэн байна.
Улаанбаатар хотод: Багавтар үүлтэй. Цас орохгүй. Салхи баруунаас 5-10 м/с. 9-11 градус хүйтэн байна.
Төлөв байдал: 25-нд баруун болон төвийн аймгуудын нутгийн хойд хэсэг, 26-нд баруун аймгуудын нутгийн зүүн хэсэг, төв, зүүн аймгуудын ихэнх нутгаар, 27-нд төв болон зүүн аймгуудын ихэнх нутаг, говийн аймгуудын нутгийн хойд хэсгээр цас орно. Салхи ихэнх хугацаанд зарим газраар 14-16 м/с хүртэл ширүүсч цасан болон шороон шуурга шуурна. Хүйтний эрч суларч Увс нуур болон Дархадын хотгор, Завхан голын эх, Идэр, Тэс, Халх голын хөндийгөөр шөнөдөө 25-30 градус, өдөртөө 13-18 градус, Хүрэн бэлчир, Хараа, Ерөө, Туул, Тэрэлж, Хэрлэн, Онон, Улз голын хөндийгөөр шөнөдөө 20-25 градус, өдөртөө 6-11 градус, говийн бүс нутгийн өмнөд хэсгээр шөнөдөө 6-11 градус хүйтэн, өдөртөө 3-8 градус дулаан, бусад нутгаар шөнөдөө 13-18 градус, өдөртөө 2 градус дулаанаас 3 градус хүйтэн байна. 26-нд нутгийн хойд хэсгээр, 27-нд нутгийн зүүн хагаст хүйтний эрч чангарна.
2.Объектын түймэр:
Төрийн өмчид гарсан: Өмнөговь аймгийн Даланзадгад сумын Их-Уул багт цахилгааны хуваарилах самбар шатаж байна гэсэн дуудлагыг 02.22-ны өдрийн 09:41 цагт хүлээн авч тус аймгийн Онцгой байдлын газрын Гал түймэр унтраах, аврах 21 дүгээр ангийн 6 алба хаагч, 1 автомашинтай 4 км зам туулан, 09:45 цагт очиж, 4 минут ажиллаж унтраасан. Утаажилтын бүсээс 35 иргэнийг гаргасан.
ААН, байгууллагын өмчид гарсан: Нийслэлийн Сонгинохайрхан дүүргийн 32 дугаар хороонд “Агро трак” ХХК –ийн оффисын байр шатаж байна гэсэн дуудлагыг 02.23-ны өдрийн 04:56 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 26 дугаар ангийн 8 алба хаагч, 2 автомашинтайгаар 25 км зам туулан 05:30 цагт очиж. Нэмэлт дуудлагаар 18. 30 дугаар ангийн 16 албан хаагч, 4 автомашинтай, нийт 24 алба хаагч, 6 автомашинтайгаар ажиллаж байна.
Хувийн өмчид гарсан: Булган аймгийн Хангал сумын Өлзийт багийн Хөшөөн дэв гэдэг газар /сумын төвөөс зүүн зүгт 5 км-т/ байшин шатаж байна гэсэн дуудлагыг 02:22-ны өдрийн 11:23 цагт хүлээн авч тус аймгийн Онцгой байдлын газрын Хангал сумын Хялганат тосгоны Гал түймэр унтраах, аврах 50 дугаар ангийн 5 алба хаагч, автомашинтайгаар 33 км зам туулан 11:45 цагт очиж, орон нутгийн 15 хүнтэй хамтран 01 цаг, 10 минут ажиллаж унтраасан. Уг гал түймэрт М /3 настай, эмэгтэй/, М /5 настай, эмэгтэй/ нар түлэгдэж, Орхон аймгийн бүсийн оношилгоо эмчилгээний төвд хүргэгдсэн.
Нийслэлийн Сонгинохайрхан дүүргийн 32 дугаар хороо, Мал бордооны урд задгайд 250 боодол өвс шатаж байна гэсэн дуудлагыг 02.22-ны өдрийн 18:18 цагт хүлээн авч Хан-Уул дүүргийн Онцгой байдлын хэлтсийн Гал түймэр унтраах, аврах 18 дугаар ангийн 8 алба хаагч, 2 автомашинтайгаар 11,5 км замыг туулан 18:33 цагт очиж, 02 цаг 08 минут ажиллаж унтраасан.
Баянхонгор аймгийн Баян-Овоо сумын Мэргэн багийн “Хүрэн хүүшийн-Өвөлжөө” гэдэг газар /аймгийн төвөөс баруун хойд зүгт 8 км-т/ өвөлжөө шатаж байна гэсэн дуудлагыг 02.22-ны өдрйин 18:30 цагт хүлээн авч тус аймгийн Онцгой байдлын газрын Гал түймэр унтраах, аврах 16 дугаар ангийн 6 алба хаагч, 1 автомашинтайгаар 19:13 цагт 8 км зам туулан очиж, 15 минут ажиллаж унтраасан.
ОНЦГОЙ БАЙДЛЫН ЕРӨНХИЙ ГАЗАР