Төв, орон нутгийн алба хаагчдын эрүүл мэндийг хамгаалах, өвчлөлөөс урьдчилан сэргийлэх, эрүүл мэндийн байдалд үнэлэлт дүгнэлт өгөх, мэргэжлээс шалтгаалах өвчний судалгаа хийх, эрүүл мэндийн чиглэлээр дунд хугацаанд авч хэрэгжүүлэх арга хэмжээний санал, хөтөлбөрийг боловсруулах зорилгоор ОБЕГ-ын Давтан сургалт, сэргээн заслын төвийн эмчилгээ эрхэлсэн орлогч дарга, хошууч Д.Хонгороор ахлуулсан ажлын хэсэг орон нутагт ажиллаж байна.
Ажлын хэсгийн бүрэлдэхүүн Говьсүмбэр, Дундговь, Дорноговь, Өмнөговь аймгуудад ажиллах юм.
Өнөөдрийн байдлаар Говьсүмбэр аймгийн Онцгой байдлын газарт ажиллаж, алба хаагчдыг эрүүл мэндийн үзлэг оношилгоонд хамруулаад байна гэж Онцгой байдлын ерөнхий газраас мэдээллээ.
