АНУ-ын Агаарын цэргийн хүчний Энэтхэг-Номхон далайн коммандлалтай хамтарсан “Pacific Angel 19-3” болон “Гамшиг, олныг хамарсан ослын үеийн эмнэлгийн тусламж үйлчилгээг зохион байгуулах нь” сэдэвт сургалтад Онцгой байдлын байгууллагын алба хаагчид хамрагдлаа.
Сургалтад хамрагдсан Монгол Улсын Зэвсэгт хүчин, Онцгой байдлын байгууллага, Эрүүл мэндийн яам, Нийслэлийн эрүүл мэндийн газар, Дүүргийн эрүүл мэндийн төвийн эмч, эмнэлгийн мэргэжилтнүүд мэдлэг ур чадвараа дээшлүүлэн, харилцан туршлага солилцсон юм.
Сургалт 07 дугаар сарын 29-ний өдрөөс 08 дугаар сарын 02-ны өдрүүдэд Цэргийн төв эмнэлэгт зохион байгуулагдсан бөгөөд сургалтад хамрагдсан алба хаагчдад гэрчилгээ гардууллаа гэж Онцгой байдлын ерөнхий газраас мэдээллээ.
