“Говийн чоно-2019” гамшгийн хор уршгийг арилгах олон улсын сургалт, дадлага сургуулийн хүрээнд зохион байгуулагдаж байгаа “Аюултай бодис материалын хариу арга хэмжээ” сэдэвт сургалт хоёр дахь өдрөө үргэлжилж байна.
Сургалтад ОБЕГ-ын харьяа Үндэсний аврах бригад, НОБГ-ын нийслэлийн Аврах анги 105, Өмнөд Бүсийн төв Өмнөговь, Зүүн бүсийн төв Дорнод, Сүхбаатар, Хэнтий, Дундговь, Говьсүмбэр аймгийн Онцгой байдлын газруудын аврагчид болон Сайншанд, Чойр өртөө, Зэвсэгт хүчний 336 дугаар ангийн ажилтан, алба хаагчид хамрагдаж байгаа юм.
АНУ-ын Номхон далайн цэргийн командлалын сургагч багш нар удирдан явуулж буй тус сургалт аюултай бодис, материалыг таних, хор хөнөөлийг тооцоолох, хариу арга хэмжээ авах сэдвийн хүрээнд явагдаж байна гэж Онцгой байдлын ерөнхий газраас мэдээллээ.
