1. Эрэн хайх, аврах ажиллагаа
Сураггүй болсон: Хөвсгөл аймгийн Ренчинлхүмбэ сумын Ёлт багийн “Эмтийн-Эх” гэдэг газар /сумын төвөөс баруун хойд зүгт 15км-т/ айлын хуриманд очсон нутгийн иргэн Б /21 настай, эрэгтэй/ 2015.10.17-ны өдрийн 01:00 цагийн орчим согтуу гарч яваад сураггүй алга болсон тухай дуудлагыг 2015.10.21-ний өдрийн 10:56 цагт тус сумын Засаг даргын Тамгын газрын дарга Э аймгийн Онцгой байдлын газарт мэдэгдсэн. Тус аймгийн Онцгой байдлын газрын 6 албан хаагч, 1 автомашин, сумын Цагдаагийн хэсгийн 2 албан хаагч, 1 автомашин, орон нутгийн 43 иргэн, 2 автомашин, нийт 51 хүн, 4 техник хэрэгсэлтэйгээр эрэн хайх ажиллагааг зохион байгуулсан боловч үр дүнд хүрээгүй тул 2015.10.25-ны өдрийн 19:16 цагт ар гэрийнхэнтэй нь зөвшилцөж эрлийн ажиллагааг түр зогсоосон.
Аврах ажиллагаа: Сэлэнгэ аймгийн Баянгол сумын Гонир багийн “Хоёр даваа” гэдэг газар иргэн Б-ийн “Toyotoсamer” загварын 48-78 УНК улсын дугаартай автомашин замын хажуугийн жалга руу унах гээд байна гэсэн дуудлагыг 2015.10.25-ны өдрийн 15:01 цагт хүлээн авч тус аймгийн Онцгой байдлын газрын Гал унтраах, аврах 40 дүгээр ангийн 5 алба хаагч, 1 техник хэрэгсэлтэйгээр ажиллаж дээрх автомашиныг аюулгүй газар татаж гаргасан.
Булган аймгийн Сэлэнгэ сумын Атар багийн нутаг “Хустайн 3 даваа” гэдэг газар 3 том хүн, 3 хүүхэд зорчиж явсан “Соната-6” загварын автомашин эвдэрч зогссон тухай дуудлагыг 2015.10.25-ны өдрийн 19:30 цагт хүлээн авч тус аймгийн Онцгой байдлын газрын Гал унтраах, аврах 50 дугаар ангийн 4 алба хаагч, 1 техник хэрэгсэлтэйгээр ажиллаж дээрх иргэд болон автомашиныг аюулгүй газар хүргэж өгсөн.
2. Аюулт үзэгдлийн талаар:
Мал, амьтны гоц халдварт болон халдварт өвчний тухайд: 2 аймгийн 4 сумын нутагт “Хонины цэцэг” өвчний 4, 1 аймгийн 1 сумын нутагт “Дуут хавдар” өвчний 1, 3 аймгийн 4 сумын нутагт “Галзуу” өвчний 4, нийт 6 аймгийн 9 сумын нутагт 9 тохиолдлын голомтод тогтоосон хорио цээрийн дэглэм үргэлжилж байна.
Дорноговь аймгийн Сайхандулаан сумын Цохио багийн “Хүрэн хошуу” гэдэг газар малчин М-ийн 1 хонь 2015.09.28-ны өдөр халдварт өвчний шинж тэмдэгтэйгээр өвчилснийг тусгаарлаж, дээж авч УМЭАЦТЛ-д шинжлүүлэхэд 2015.09.30-ны өдрийн 1005 дугаар хариугаар “Хонины цэцэг” өвчин болох нь;
Дорноговь аймгийн Айраг сумын Сайн-Ус багийн “Авдрантын цагаан хад” гэдэг газар малчин Г-ийн 13 хонь, мөн сумын Нүдэн багийн “Дэлийн булаг” гэдэг газар малчин Л-ийн 23 хонь, нийт 36 хонь 2015.10.03-ны өдөр халдварт өвчний шинж тэмдэгтэй өвчилснийг тусгаарлаж, клиник шинж тэмдгийг үндэслэн “Хонины цэцэг” өвчинөөр өвчилсөн болох нь;
Сүхбаатар аймгийн Халзан сумын Сайншанд багийн “Гурван толгой” гэдэг газар малчин Г-ийн 98 хонь 2015.10.10-ны өдөр халдварт өвчний шинж тэмдэгтэй өвчилснийг тусгаарлан дээж авч УМЭАЦЛ-д шинжлэхэд 2015.10.16-ны өдрийн хариугаар “Хонины цэцэг” өвчин болох нь;
Дорноговь аймгийн Сайншанд сумын 3 дугаар багийн “Говийн зах” гэдэг газар малчин Б-ийн 2 хонь 2015.10.20-ны өдөр халдварт өвчний шинж тэмдэгтэй өвчилснийг тусгаарлан дээжийг авч УМЭАЦТЛ-д хүргүүлсэн. 2015.10.21-ний өдрийн 1105 дугаар шинжилгээний хариугаар “Хонины цэцэг” өвчин болох нь;
Булган аймгийн Сэлэнгэ ñóìûí Òàðèìàë áàãèéí íóòàã “Áóõûí ãîë” гэдэг ãàçàð ìàë÷èí ª-èéí 1 ¿õýð 2015.10.05-ны өдөр халдварт өвчний шинж тэмдэгтэйгээр үхсэн тул устгал хийж, дээж авч аймгийн МЭАЦЛ-д хүргүүлэхэд 2015.10.05-ны өдрийн 281 дүгээр шинжилгээний хариугаар “Дуут хавдар“ өвчин болох нь;
Өвөрхангай аймгийн Бүрд сумын Их боригдой багийн нутаг “Өндөр толгой” гэдэг газар /сумын төвөөс баруун хойш 14 км/-т малчин Э-ийн 1 нохойд 2015.10.11-ний өдөр галзуу өвчний шинж тэмдэг илэрсэнийг устгал халдваргүйтгэл хийж түргэвчилсэн шинжилгээний хариугаар “Галзуу” өвчин болох нь;
Өвөрхангай аймгийн Хархорин сумын Орхон багийн нутаг “Шивэртийн байшингийн-Ам” гэдэг газар /сумын төвөөс баруун тийш 50 км/ малчин Э-ийн 1 бяруу 2015.10.11-ний өдөр халдварт өвчний шинж тэмдэгтэйгээр өвчилснийг устгаж, дээж авч аймгийн МЭАЦЛ-д хүргүүлэхэд 2015.10.13-ны өдрийн 1 дүгээр шинжилгээний хариугаар “Галзуу“ өвчин болох нь;
Хэнтий аймгийн Мөрөн сумын Өлзийт багийн “Дойдын-Энгэр” гэдэг газар малчин Т-ийн 1 үхэр 2015.10.17-ны өдөр халдварт өвчний шинж тэмдэгтэй өвчилсөн тул булж устган, дээж авч аймгийн МЭАЦЛ-д шинжлэхэд 2015.10.19-ний өдрийн хариугаар “Галзуу” өвчин болон нь;
Говь-Алтай аймгийн Халиун сумын Олонбулга багийн “Хөх хошуу” гэдэг газар /эзэн тодорхойгүй/ 1 тэмээ 2015.10.10-ны өдөр халдварт өвчний шинж тэмдэгтэйгээр өвчилснийг булж устган, дээж авч аймгийн МЭАЦЛ-д шинжлэхэд 2015.10.16-ны өдрийн 264 дүгээр шинжилгээний хариугаар “Галзуу” өвчин болох нь тус тус тогтоогдсон.
3. Хүчтэй цасан болон шороон шуурга:
Нийслэлийн Сонгинохайрхан дүүргийн 21 дүгээр хорооны Баруунтурууны давааны баруун талд 27-89 ГАҮ улсын дугаартай “Приус” загварын суудлын автомашинтай 2 иргэн бага насны хүүхэдтэйгээ цасанд суусан тухай дуудлагыг 2015.10.25-ны өдрийн 19:02 цагт хүлээн авч Нийслэлийн Аврах ангийн 6 албан хаагч, 1 техник хэрэгсэлтэйгээр ажиллаж иргэн Э /63 настай, эрэгтэй/, Б /26 настай, эрэгтэй/, Т /7 настай, эрэгтэй/ нарыг аюулгүй газар хүргэсэн.
Налайх дүүргийн 6 дугаар хорооны “Тэрэлж”-ийн даваанд цас орсны улмаас автозам мөстөж халтиргаа үүсэн олон тооны автомашин саатсан байна гэсэн мэдээллийг 2015.10.25-ны өдрийн 19:21 цагт хүлээн авч тус дүүргийн Онцгой байдлын хэлтсийн Гал унтраах, аврах 28 дугаар ангийн 4 албан хаагч, 1 техник хэрэгсэлтэйгээр ажиллаж 14 автомашинтай 44 иргэнийг буцааж урьдчилан сэргийлэх арга хэмжээ авсан.
Сонгинохайрхан дүүргийн 21 дүгээр хорооны “Халзан”-ийн даваанаас Жаргалант тосгон орох замд 88-47 УБН улсын дугаартай “Ланд крузер” загварын автомашинтай иргэд шаварт суусан тухай дуудлагыг 23:27 цагт хүлээн авч Нийслэлийн Аврах ангийн 6 албан хаагч, 1 техник хэрэгсэлтэйгээр ажиллаж иргэн А /38 настай, эрэгтэй/, Н /67 настай, эрэгтэй/, Г /53 настай, эрэгтэй, Г /22 настай, эрэгтэй/, Н /28 настай, эмэгтэй/ нарыг аюулгүй газарт хүргэсэн.
Дархан-Уул аймгийн Хонгор сумын Хустайн даваанд цас орсны улмаас автозам мөстөж халтиргаа үүсэн олон тооны автомашин саатсан байна гэсэн мэдээлийг 2015.10.25-ны өдрийн 18:44 цагт хүлээн авч тус аймгийн Онцгой байдлын газрын Гал унтраах, аврах 22 дугаар ангийн 16 албан хаагч 2 техник хэрэгсэлтэйгээр ажиллаж, нийт 8 тээврийн хэрэгсэл, 60 зорчигч цасанд боогдсон байсныг татаж гаргасан.
Сэлэнгэ аймгийн Баянгол сумын “Буянтын-Ам”, “Өрмөгтийн хайрхан” гэдэг газруудад /Шарынгол сум орох замд/ олон тооны автомашин цасанд суусан тухай дуудлагыг 2015.10.25-ны өдрийн 23:45 цагт хүлээн авч Дархан-Уул аймгийн Онцгой байдлын газрын Гал унтраах, аврах 55 дугаар ангийн 4 албан хаагч, 1 техник хэрэгсэлтэйгээр ажиллаж нийт 3 автомашин, 11 зорчигчийг Шарынгол сумын төвд авчирсан.
Сэлэнгэ аймгийн Баянгол сумын Хараа багийн “Тахилтын даваа” дээр олон тооны автомашин цасанд суусан тухай дуудлагыг 2015.10.25-ны өдрийн 21:15 цагт хүлээн авч Тус аймгийн Онцгой байдлын газрын Гал унтраах, аврах 40 дүгээр ангийн 11 албан хаагч 1 техник хэрэгсэлтэйгээр ажиллаж, 4 автомашин татаж, 50 гаруй автомашин замд саатсан тул тусламж үйлчилгээ үзүүлсэн.
4. Ой, хээрийн түймэр:
Сүхбаатар аймгийн Мөнххаан сумын Баянцагаан багийн “Улаанчулуун чулуутын энгэр” гэдэг газар хээрийн түймэр гарсан тухай дуудлагыг 2015.10.25-ны өдрийн 11:25 цагт хүлээн авч тус аймгийн Онцгой байдлын газрын 12 албан хаагч, 1 автомашин, орон нутгийн 38 хүн, 5 автомашин, Түмэнцогт сумын 20 хүн, 2 автомашин, нийт 70 иргэн, 8 техник хэрэгсэлтэйгээр ажиллаж 2015.10.26-ны өдрийн 02:55 цагт цурманд оруулсан.
Унтарсан түймэр: Дорнод аймгийн Баянтүмэн сумын “Өлзий” багийн /аймгийн төвөөс зүүн урагш 70 км/ “Эрээн хоолой” гэдэг газар хээрийн түймэр гарсан тухай дуудлагыг 2015.10.25-ны өдрийн 11:00 цагт хүлээн авч тус аймгийн Онцгой байдлын газрын 12 албан хаагч, 1 автомашин, орон нутгийн 16 хүн, 2 автомашин, нийт 28 иргэн, 3 техник хэрэгсэлтэйгээр ажиллаж 2015.10.25-ны өдрийн 17:20 цагт;
Дорнод аймгийн Булган сумын “Хулсан шанд” багийн /сумын төвөөс урд зүгт 30 км/ “Зүрх хавтгай” гэдэг газар хээрийн түймэр гарсан тухай дуудлагыг 2015.10.24-ний өдрийн 14:56 цагт хүлээн авч тус аймгийн Онцгой байдлын газрын 12 албан хаагч, 1 автомашин, орон нутгийн 19 иргэн, 3 автомашин нийт 31 хүн, 4 техник хэрэгсэлтэйгээр ажиллаж 2015.10.25-ны өдрийн 03:00 цагт;
Дорнод аймгийн Халхгол сумын Ялалт багийн /сумын төвөөс баруун тийш 90 км/ “Баяннуур” гэдэг газар хээрийн түймэр гарсан тухай дуудлагыг 2015.10.25-ны өдрийн 13:40 цагт хүлээн авч тус аймгийн Хилийн 0306 дугаар ангийн “Буйр” заставын 7 албан хаагч, 1 автомашин, орон нутгийн 6 хүн, 1 автомашинтай, нийт 13 хүн, 2 техник хэрэгсэлтэйгээр тус тус ажиллаж унтраасан.
5. Объектын гал түймэр:
Нийслэлд гал түймрийн 2 дуудлагатай байлаа.
Хан-Уул дүүргийн 10 дугаар хорооны Морингийн 3 дугаар гудамжны 100 тоотод иргэн Б-ийн байшин шатаж байна гэсэн дуудлагыг 2015.10.25-ны өдрийн 09:50 цагт хүлээн авч тус дүүргийн Онцгой байдлын хэлтсийн Гал унтраах, аврах 30 дугаар ангийн 7 албан хаагч, 2 техник хэрэгсэлтэйгээр;
Хан-Уул дүүргийн 12 дугаар хорооны “УБТ модлог ургамлын хүлэмж” ХХК-ийн хашаанд 12х9 метрийн хэмжээтэй ажилчдын байшин шатаж байна гэсэн дуудлагыг 2015.10.25-ны өдрийн 20:06 цагт хүлээн авч Нийслэлийн Онцгой байдлын газрын Гал унтраах, аврах 30, 65 дугаар ангийн 13 албан хаагч, 4 техник хэрэгсэлтэйгээр тус тус ажиллаж унтраасан.
ГАМШГИЙН ШУУРХАЙ УДИРДЛАГЫН ГАЗАР