Дархан-Уул аймгийн Онцгой байдлын газар олон улсын чанарын менежментийн тогтолцоо MNS ISO-9001, Хөдөлмөрийн аюулгүй байдал, эрүүл ахуйн менежментийн тогтолцоо ISO-45001 стандартыг тус тус нэвтрүүлэхээр ажиллаж байна.
Энэхүү ажлын хүрээнд “Монголын менежментийн зөвлөхүүдийн холбоо” Олон улсын стандартын академийн сургагч багш нар болон “Mon sertf” ХХК-ийн тэргүүлэх болон ахлах, зөвлөх аудиторууд сургалт зохион байгуулж, мэргэжил аргазүйн зөвлөгөө өгч ажиллалаа.
Энэ үеэр олон улсын стандартыг нэвтрүүлэхэд анхаарах зүйл, авч хэрэгжүүлэх арга хэмжээний талаар мэдээлэл хийж, цаашид хэрэгжүүлэх үйл ажиллагааны санал солилцлоо гэж Дархан-Уул аймгийн Онцгой байдлын газраас мэдээллээ.