ОБЕГ-ын дарга, Бригадын генерал Т.Бадралын тушаалаар онцгой байдлын албаны түвшин тогтоох шалгалт нийт бие бүрэлдэхүүний яаралтай цугларалтаар өнөөдөр өглөөний 06.00 цагт орон даяар зэрэг эхэллээ. Түвшин тогтоох шалгалт дөрвөн жилд нэг удаа явагддаг бөгөөд албан хаагчдын бэлтгэл, бэлэн байдал, жагсаалын үзлэг, цэрэгжилт, биеийн тамир, хууль эрх зүйн болон мэргэжлийн тест, гадаад хэлний мэдлэгийг цогцоор нь шалгаж, дүгнэх юм байна. Шалгалтын зургаан ажлын хэсгийн бүрэлдэхүүн томилогдсон бөгөөд хөдөө орон нутагт дөрөв, нийслэлд хоёр ажлын хэсэг ажиллаж байна. 
