1.Цаг агаар:
Өнгөрсөн хоногт: Завхан аймгийн нутгаар бороо орсон. Бусад нутгаар цаг агаар тогтуун байлаа.
Өнөөдөр: Нутгийн зүүн хагаст үүлэрхэг, бусад нутгаар солигдмол үүлтэй. Төвийн аймгуудын нутгийн зүүн хэсэг, зүүн аймгуудын нутгийн хойд хэсгээр бага зэргийн бороо орно, бусад нутгаар бороо орохгүй. Салхи баруун аймгуудын нутгаар баруун хойноос, бусад нутгаар баруун өмнөөс хойш эргэж 6-11 м/с, зарим газраар 13-15 м/с хүрч ширүүснэ. Сэрүүсэж Алтай, Хангай, Хөвсгөл, Хэнтэйн уулархаг нутаг, Хүрэнбэлчир орчмоор 10-15 градус, говийн бүс нутгийн өмнөд хэсэг болон Дорнод-Дарьгангын тал нутгаар 21-26 градус, бусад нутгаар 14-19 градус дулаан байна.
Улаанбаатар хотод: Үүлэрхэг, бороо орохгүй, салхи баруун өмнөөс хойш эргэж 7-12 м/с, сэрүүсэж 12-14 градус дулаан байна.
Төлөв байдал: 21-нд баруун аймгуудын нутгийн өмнөд хэсэг, төвийн аймгуудын нутгийн зүүн хэсэг, зүүн аймгуудын нутгийн зарим газраар, 22-нд төв болон зүүн аймгуудын нутгийн хойд хэсэг, говийн аймгуудын нутгийн өмнөд хэсгээр, 23-нд төв болон говийн аймгуудын нутгийн зүүн хэсэг, зүүн аймгуудын нутгийн зарим газраар, 24-нд зүүн аймгуудын нутгийн хойд хэсгээр бороо орно. Салхи 22-нд говь, тал, хээрийн нутгаар 13-15 м/с хүрч ширүүснэ. Алтай, Хангай, Хөвсгөл, Хэнтэйн уулархаг нутаг, Завхан голын эх, Хүрэнбэлчир орчим, Тэрэлж, Онон, Улз, Халх голын хөндийгөөр шөнөдөө 2-7 градус хүйтэн, өдөртөө 11-16 градус, говийн бүс нутгийн өмнөд хэсгээр шөнөдөө 7-12 градус, өдөртөө 18-23 градус, бусад нутгаар шөнөдөө 1-6 градус, өдөртөө 14-19 градус дулаан байна.
2. Гал түймэр:
Дархан-Уул аймгийн Дархан сумын 6 дугаар багийн “Баяндаваа”-ны 9 дүгээр гудамжны иргэн Н-ийн 9х7 метрийн хэмжээтэй байшин шатаж байна гэсэн дуудлагыг 09.19-ний өдрийн 10:44 цагт хүлээн авсан. Тус аймгийн Онцгой байдлын газрын Гал түймэр унтраах, аврах 22 дугаар ангийн алба хаагчид 7 км зам туулан 10:56 цагт очиж 30 минут ажиллаж унтраасан.
Дундговь аймгийн Сайнцагаан сумын Мандал багийн “Мандал”-ын 8 дугаар гудамжинд иргэн Ө-ын 2х3 метрийн хэмжээтэй амбаар шатаж байна гэсэн дуудлагыг 09.19-ний өдрийн 13:38 цагт хүлээн авсан. Тус аймгийн Онцгой байдлын газрын Гал түймэр унтраах, аврах 25 дугаар ангийн алба хаагчид 2 км зам туулан 13:41 цагт очиж 3 минут ажиллаж унтраасан.
Дорноговь аймгийн Сайншанд сумын 6 дугаар багийн “Шинэ зуун” хотхоны 29 дүгээр байрны иргэн М-ийн тагт дээр эд зүйл шатаж байна гэсэн дуудлагыг 09.19-ний өдрийн 14:51 цагт хүлээн авсан. Тус аймгийн Онцгой байдлын газрын Гал түймэр унтраах, аврах 33 дугаар ангийн алба хаагчид 1 км зам туулан 14:54 цагт очиж 20 минут ажиллаж унтраасан.
Ховд аймгийн Буянт сумын Норжинхайрхан багийн Ванчинхүү-гийн гудамжны иргэн С-ын хашаанд хураалттай өвс шатаж байна гэсэн дуудлагыг 09.19-ний өдрийн 17:55 цагт хүлээн авсан. Тус аймгийн Онцгой байдлын газрын Гал түймэр унтраах аврах 48 дугаар ангийн алба хаагчид 25 км замыг туулан 18:47 цагт очиж 3 цаг ажиллаж унтраасан.
3. Эрэн хайх, аврах ажиллагаа:
Булган аймгийн Сэлэнгэ сумын Тариахтай багийн “Тариахтайн даваа” гэдэг газар /аймгийн төвөөс баруун хойд зүгт 160 км-т, сумын төвөөс хойд зүгт 30 км-т/Орхон аймгийн харьяат иргэн Л/59 настай, эрэгтэй/ 09.14-ний өдрийн 17:00 цагийн орчим самар түүж яваад сураггүй болсон тухай дуудлагыг 09.15-ны өдрийн 16:00 цагт хүлээн авсан. Тус аймгийн Онцгой байдлын газрын дарга, дэд хурандаа Ш.Баасандоржоор ахлуулсан алба хаагчид, тус сум дахь Цагдаагийн тасгийн алба хаагч, сумын Засаг даргын тамгын газрын ажилтнууд 09.19-ний өдрийн 08:30 цагаас эхлэн 3 бүлэгт хуваагдан 1 дүгээр бүлэг Тариахтай багийн “Аньст толгой” гэдэг газар 6 км-ын радиуст, 2 дугаар бүлэг “Аньст толгой” гэдэг газраас “Харлагийн зүүн салаа” гэдэг газар хүртэл 10 км-т, 3 дугаар бүлэг Харлагийн зүүн салаа гэдэг газраас зүүн зүгт 6 км-т явганаар эрэн хайх ажиллагааг зохион байгуулсан боловч үр дүнд хүрээгүй тул мөн өдрийн 19:30 цагт түр зогсоосон. 09.20-ны өдрийн 08:30 цагт эрэн хайх ажиллагааг эхлүүлнэ.
Дархан-Уул аймгийн Дархан сумын 2 дугаар багийн “Мод үржүүлэг” гэдэг газар /сумын төвөөс баруун хойд зүгт 12 км-т/“Хараа” голын эрэг дээр 6 иргэн зугаалж явснаас тус сумын 14 дүгээр багийн харьяат иргэн О /70 настай, эмэгтэй, согтууруулах ундааны зүйл хэрэглэсэн/ сураггүй болсон тухай мэдээллийг 09.18-ны өдрийн 21:57 цагт хүлээн авсан. Тус аймгийн Онцгой байдлын газар, аймгийн Цагдаагийн газрын алба хаагчид, ар гэрийнхэн Хараа голын эрэг дагуу 20 км-т, усанд 45 км-т эрэн хайх ажиллагааг зохион байгуулсан боловч үр дүнд хүрээгүй тул 09.19-ний өдрийн 19:40 цагт түр зогсоосон. 09.20-ны өдрийн 08:00 цагт дахин эхлүүлнэ.
Архангай аймгийн Булган сумын Тамир багийн “Гурвын даваа” гэдэг газар /аймгийн төвөөс баруун зүгт 15 км, сумын төвөөс зүүн хойд зүгт 25 км-т/ Тус аймгийн Эрдэнэбулган сумын харьяат иргэн Ц /53 настай эмэгтэй / 09.19-ний өдрийн 17:00 цагт самар түүж яваад сураггүй болсон тухай дуудлагыг 09.20-ны өдрийн 02:50 цагт хүлээн авсан. Тус аймгийн Онцгой байдлын газрын алба хаагчид 09.20-ны өдрийн 06:00 цагаас эхлэн эрэн хайх ажиллагааг зохион байгуулж байна.
4.Мэдээлэл:
Дундговь аймгийн Сайнцагаан сумын Далай багийн “Овоогийн жирэм” гэдэг газар /сумын төвөөс зүүн зүгт 30 км-т/Иргэн Э-ын эзэмшлийн “Суббару Порестер” загварын суудлын автомашин 09.19-ний өдрийн 04:00 цагт шатсан. Мэдээллийг мөн өдрийн 09:17 цагт иргэн Э аймгийн Онцгой байдлын газарт ирүүлсэн.
ОНЦГОЙ БАЙДЛЫН ЕРӨНХИЙ ГАЗАР