1. Аюулт үзэгдлийн талаар:
Мал, амьтны гоц халдварт болон халдварт өвчний тухайд: Нийслэлийн 1 дүүрэгт “Гахайн сонгомол мялзан” өвчний 1, 1 аймгийн 4 сумын нутагт “Хонины цэцэг” өвчний 4, 3 аймгийн 4 сумын нутагт “Галзуу” өвчний 4, нийт 1 дүүрэг, 4 аймгийн 8 сумын нутагт 9 тохиолдлын голомтод тогтоосон хорио цээрийн болон хязгаарлалтын дэглэм үргэлжилж байна.
Нийслэлийн Налайх дүүргийн 5 дугаар хороо, Гандан-Уулын задгайд иргэн Л-ийн гахайн аж ахуйд /нийт 162 гахайтай/ 11 тоорой 2015.10.23-ны өдөр тодорхойгүй шалтгаанаар хорогдсоныг 2015.10.26-ны өдөр сэг зэмийг булж устган дээж авч УМЭАЦЛ-д шинжлэхэд 2015.11.09-ний өдрийн хариугаар “Гахайн сонгомол мялзан” өвчин болох нь;
Дорноговь аймгийн Замын-Үүд сумын 3 дугаар багийн “Хүйтний-Энгэр” гэдэг газар 2015.11.10-ны өдөр малчин Э, Ц, М, О, Э нарын 57 хонь, мөн “Шандын сайр” гэдэг газар малчин М-ийн 25 хонь, нийт 82 хонь халдварт өвчний шинж тэмдэгтэй өвчилснийг тусгаарлаж, дээж авч УМЭАЦЛ-д шинжлэхэд 2015.11.13-ны өдрийн хариугаар “Хонины цэцэг” өвчин болох нь;
Дорноговь аймгийн Эрдэнэ сумын Еншөөв багийн нутаг “Ар цац” гэдэг газар малчин Ж-ийн 2 хонь халдварт өвчний шинж тэмдэгтэйгээр өвчилсөн байсныг устгаж, сэг зэмээс дээж авч УМЭАЦЛ-д шинжлэхэд 2015.11.17-ны өдрийн хариугаар “Хонины цэцэг” өвчин болох нь;.
Дорноговь аймгийн Айраг сумын Нүдэн багийн “Адуун чулуун” гэдэг газар малчин З-ийн 4 хонь 2015.12.03-ны өдөр халдварт өвчний шинж тэмдэгтэйгээр өвчилснийг устгаж, сэг зэмээс дээж авч УМЭАЦЛ-д шинжлэхэд 2015.12.08-ны өдрийн хариугаар “Хонины цэцэг” өвчин болох нь;
Дорноговь аймгийн Сайхандулаан сумын 3 дугаар багийн “Гүн шанд” гэдэг газар иргэн Э, О-ийн хонинд 2015.12.07-ны өдөр халдварт өвчний шинж тэмдэг илэрснийг тусгаарлаж, дээж авч УМЭАЦЛ-д шинжлэхэд 2015.12.17-ны өдрийн хариугаар “Хонины цэцэг” өвчин болох нь;
Архангай аймгийн Чулуут сумын Хүрэм багийн “Мараатын-Ам, Улаанхад” гэдэг газарт иргэн Б-ийн 1 үхэр 2015.12.15-ны өдөр халдварт өвчний шинж тэмдэгтэйгээр хорогдсон тул дээж авч аймгийн МЭАЦЛ-д шинжлэхэд “Галзуу” өвчин болох нь;
Увс аймгийн Зүүнговь сумын Өгөөмөр багийн Зэлийн гол гэдэг газар малчин Г-ийн 1 адуу 2015.12.09-ний өдөр халдварт өвчний шинж тэмдэгтэй өвчилснийг устгаж, дээж авч 2015.12.13-ны өдөр аймгийн МЭАЦЛ-д шинжлэхэд 2015.12.17-ны өдрийн хариугаар “Галзуу” өвчин болох нь;
Булган аймгийн Орхон сумын Бүхт багийн Хайлаастай гэдэг газар малчин Г-ийн 1 үхэр 2015.12.17-ны өдөр халдварт өвчний шинж тэмдэгтэй өвчилснийг устгаж, дээж авч 2015.12.18-ны өдөр аймгийн МЭАЦЛ-д шинжлэхэд “Галзуу” өвчин болох нь;
Архангай аймгийн Хангай сумын Баян-Улаан багийн нутаг Хөх даваа гэдэг газар малчин Г-ийн 1 үхэр 2015.12.18-ны өдөр халдварт өвчний шинж тэмдэгтэй өвчилснийг устгаж, дээж авч аймгийн МЭАЦЛ-д шинжлэхэд “Галзуу” өвчин болох нь тус тус тогтоогдсон.
2. Объектын гал түймэр:
Нийслэлд гал түймрийн 4, зөрчлийн 7, орон нутагт гал түймрийн 4 дуудлагатай байлаа.
Нийслэлийн Сонгинохайрхан дүүргийн 21 дүгээр хороо, Эмээлтийн 9-ийн А тоотод иргэн Б-ийн гэр, эд хогшлын хамт шатаж байна гэсэн дуудлагыг 2015.12.27-ны өдрийн 10:53 цагт хүлээн авч Гал унтраах, аврах 26 дугаар ангийн 8 албан хаагч,
Нийслэлийн Баянзүрх дүүргийн 2 дугаар хороо, Залуус хотхоны 9 дүгээр байрны 2 тоотод иргэн Э-ийн өрөөний тааз, хана шатаж байна гэсэн дуудлагыг 2015.12.27-ны өдрийн 13:38 цагт хүлээн авч Гал унтраах, аврах 10 дугаар ангийн 8 албан хаагч,
Нийслэлийн Чингэлтэй дүүргийн 7 дугаар хороо, Хувьсгалчдын Б-ийн 11 дүгээр гудамжийн 317 тоотод иргэн У-ын байшин шатаж байна гэсэн дуудлагыг 2015.12.27-ны өдрийн 17:33 цагт хүлээн авч Гал унтраах, аврах 10 дугаар ангийн 8 албан хаагч,
Нийслэлийн Сонгинохайрхан дүүргийн 5 дугаар хороо, Баянголын 7 дугаар гудамжийн 2 тоотод иргэн О-ын байшин шатаж байна гэсэн дуудлагыг 2015.12.27-ны өдрийн 20:07 цагт хүлээн авч Гал унтраах, аврах 26 дугаар ангийн 8 албан хаагч, нэмэлт дуудлагаар Гал унтраах, аврах 18 дугаар ангийн 8 албан хаагч,
Дорноговь аймгийн Сайншанд сумын 2 дугаар баг, Энхтайваны 4 дүгээр гудамжийн 15 тоотод иргэн Д-ин чингэлэгт гал гарсан дуудлагыг 2015.12.27-ны өдрийн 10:48 цагт хүлээн авч Гал унтраах, аврах 33 дугаар ангийн 7 албан хаагч,
Сэлэнгэ аймгийн Сүхбаатар сумын Буур хээр багийн 1 дүгээр гудамжийн 072 тоотод иргэн Б-ийн байшин шатаж байна гэсэн дуудлагыг 2015.12.27-ны өдрийн 12:10 цагт хүлээн авч Гал унтраах, аврах 36 дугаар ангийн 7 албан хаагч,
Дархан-Уул аймгийн Дархан сумын Малчин багийн Хөтөл хороололын эцсийн задгайд оршин суугч иргэн А-ын гэр шатаж байна гэсэн дуудлагыг 2015.12.27-ны өдрийн 15:07 цагт хүлээн авч Гал унтраах, аврах 22 дугаар ангийн 6 албан хаагч,
Завхан аймгийн Улиастай сумын Богдын гол багийн Хангамжийн хэсгийн 2 дугаар гудамжийн 33 тоотод иргэн П-ийн амбаар шатаж байна гэсэн дуудлагыг 2015.12.28-ны өдрийн 04:30 цагт хүлээн авч Гал унтраах, аврах 43 дугаар ангийн 6 албан хаагч тус тус ажиллаж унтраасан.
ГАМШГИЙН ШУУРХАЙ УДИРДЛАГЫН ГАЗАР