1.Цаг агаар:
Өнгөрсөн хоногт: Нийт нутгаар цаг агаар тогтуун байлаа.
Өнөөдөр: Нутгийн баруун хэсгээр үүлшинэ, бусад хэсгээр солигдмол үүлтэй. Баруун аймгуудын нутгийн өмнөд хэсэг болон зүүн аймгуудын нутгийн зүүн хэсгээр цас орж, явган шуурга шуурна. Бусад нутгаар цас орохгүй. Салхи ихэнх нутгаар баруун хойноос 5-10 м/с, говь, тал, хээрийн нутгаар 12-14 м/с хүрч ширүүснэ. Увс нуур болон Дархадын хотгор, Завхан голын эх, Хүрэнбэлчир орчим, Идэр, Тэс, Байдраг голын хөндийгөөр 28-33 градус, Алтай, Хангай, Хөвсгөлийн уулархаг нутаг, Байдраг, Эг, Үүр, Хэрлэн голын хөндий, Дарьгангын тал нутгаар 22-27 градус, Хэнтэйн уулархаг нутгаар болон Туул голын хөндийгөөр 18-23 градус, Хангайн нурууны өвөр бэл, говийн бүс нутгийн өмнөд хэсгээр 8-13 градус, бусад нутгаар 14-19 градус хүйтэн байна.
Улаанбаатар хотод: Үүлшинэ, цас орохгүй, салхи баруун хойноос 5-10 м/с, 14-16 градус хүйтэн байна.
Төлөв байдал: 10-нд говийн аймгуудын нутгийн өмнөд хэсгээр, 11-нд уулархаг нутгаар, 12-нд төв болон зүүн аймгуудын нутгийн зарим газраар, 13-нд нутгийн хойд хэсгээр цас орж, цасан шуурга шуурна. Салхи 10-нд Алтайн салбар уулсаар, 11-нд нутгийн баруун хагаст, 12, 13-нд зарим газраар 14-16 м/с хүрч ширүүснэ. Хүйтний эрч суларч Увс нуур болон Дархадын хотгор, Завхан голын эх, Хүрэнбэлчир орчим, Тэс голын хөндийгөөр шөнөдөө 34-39 градус, өдөртөө 24-29 градус, Алтай, Хангай, Хөвсгөл, Хэнтэйн уулархаг нутаг, Эг, Үүр, Орхон, Сэлэнгэ, Хараа, Ерөө, Туул, Тэрэлж, Хэрлэн голын хөндий, Дарьгангын тал нутгаар шөнөдөө 28-33 градус, өдөртөө 18-23 градус, говийн бүс нутгийн цас багатай энгэр ээвэр газраар шөнөдөө 13-18 градус, өдөртөө 3-8 градус, бусад нутгаар шөнөдөө 21-26 градус, өдөртөө 11-16 градус хүйтэн байна.
2. Гал түймэр:
Дорноговь аймгийн Замын-Үүд сумын 3 дугаар багийн “Задгай”-д автомашин шатаж байна гэсэн дуудлагыг 01.08-ны өдрийн 12:18 цагт хүлээн авсан. Тус аймгийн Онцгой байдлын газрын тус сум дахь Онцгой байдлын хэлтсийн Гал түймэр унтраах, аврах 17 дугаар ангийн алба хаагчид 3 км зам туулан 12:22 цагт очиход “Туруун транзит” ХХК-ийн эзэмшлийн “Норд бенз” загварын ачааны автомашины бүхээг шатаж байсныг 10 минут ажиллаж унтраасан.
Нийслэлийн Чингэлтэй дүүргийн 5 дугаар хорооны “Задгай”-д автомашин шатаж байна гэсэн дуудлагыг 01.08-ны өдрийн 13:34 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 10 дугаар ангийн алба хаагчид 1.5 км зам туулан 13:38 цагт очиход “Папараци.МН” сайтын эзэмшлийн “Приус-20” загварын автомашин шатаж байсныг 5 минут ажиллаж унтраасан.
Дорноговь аймгийн Замын-Үүд сумын 2 дугаар багийн Борхойн 18 дугаар гудамж модон тулгуур багана шатаж байна гэсэн дуудлагыг 01.08 -ны өдрийн 19:25 цагт хүлээн авсан. Тус аймгийн Онцгой байдлын газрын тус сум дахь Онцгой байдлын хэлтсийн Гал түймэр унтраах, аврах 17 дугаар ангийн алба хаагчид 2 км зам туулан 19:27 цагт очиход Цахилгаан дамжуулах агаарын шугамын модон тулгуур багана шатаж байсныг 10 минут ажиллаж унтраасан.
Орхон аймгийн Баян-Өндөр сумын Шанд багийн 33 дугаар гудамжинд байшин шатаж байна гэсэн дуудлагыг 01.08-ны өдрийн 09:40 цагт хүлээн авсан. Тус аймгийн Онцгой байдлын газрын Гал түймэр унтраах, аврах 81 дүгээр ангийн алба хаагчид 4.5 км зам туулан 09:46 цагт очиход иргэн У-ийн 6х6 метрийн хэмжээтэй байшин шатаж байсныг 40 минут ажиллаж унтраасан.
Нийслэлийн Баянзүрх дүүргийн 24 дүгээр хорооны 11 дүгээр гудамжинд байшин шатаж байна гэсэн дуудлагыг 01.08-ны өдрийн 11:26 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 63 дугаар ангийн алба хаагчид 2.5 км зам туулан 11:32 цагт очиход иргэн Ж-ын 6х4 метрийн хэмжээтэй байшин шатаж байсныг 8 минут ажиллаж унтраасан.
Нийслэлийн Баянзүрх дүүргийн 5 дугаар хорооны “Монел”-ын 5 дугаар гудамжинд байшин шатаж байна гэсэн дуудлагыг 01.08-ны өдрийн 14:20 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 63 дугаар ангийн алба хаагчид 5 км зам туулан 14:27 цагт очиход иргэн Ч-ын 5×6 метрийн хэмжээтэй байшингийн дээвэр шатаж байсныг 20 цаг ажиллаж унтраасан.
Ховд аймгийн Булган сумын Бүрэн хайрхан багийн 4 дүгээр гудамжинд байшин шатаж байна гэсэн дуудлагыг 01.08-ны өдрийн 19:35 цагт хүлээн авсан. Тус аймгийн Онцгой байдлын газрын Булган сум дахь Онцгой байдлын хэлтсийн Гал түймэр унтраах, аврах 38 дугаар ангийн алба хаагчид 1.5 км зам туулан 19:37 цагт очиход иргэн Г-ын 8х8 метрийн хэмжээтэй байшин шатаж байсныг 47 минут ажиллаж унтраасан.
Хөвсгөл аймгийн Цагаан-Уул сумын Агар багийн “Хүйтэний хошуу” гэдэг газар /сумын төвөөс баруун зүгт 9 км-т/ гэр шатаж байна гэсэн дуудлагыг 01.08-ны өдрийн 23:10 цагт хүлээн авсан. Тус аймгийн Онцгой байдлын газрын Гал түймэр унтраах аврах 73 дугаар ангийн алба хаагчид 9 км зам туулан 23:26 цагт очиход иргэн Б-ийн 5 ханатай гэр, өвөлжөө бүрэн шатаж байсныг 13 минут ажиллаж унтраасан. Уг гал түймэрт А /37 настай, эмэгтэй/, М /6 настай, эрэгтэй/ нар өртөж нас барсан тул цогцсыг гаргаж тус сум дахь Цагдаагийн хэсгийн төлөөлөгчид шилжүүлэн өгсөн.
Нийслэлийн Баянзүрх дүүргийн 19 дүгээр хорооны “Жаргалант”-ын 13 дугаар гудамжинд байшин шатаж байна гэсэн дуудлагыг 01.09-ний өдрийн 00:39 цагт хүлээн авсан.Тус дүүргийн Онцгой байдлын хэлтсийн Гал түймэр унтраах, аврах 63 дугаар ангийн алба хаагчид 5 км зам туулан 00:50 цагт очиход иргэн Ө-ийн 9х8 метрийн хэмжээтэй байшин шатаж байсныг 30 минут ажиллаж унтраасан.
3.Хүний үйл ажиллагаатай холбоотой осол:
Баянхонгор аймгийн Бууцагаан сумын Наран багийн “Завилгаа” гэдэг газар /сумын төвөөс зүүн зүгт 65 км-т/ Тус сумын харьяат иргэн 01.08-ны өдрийн 21:00 цагт гэрээс явганаар гараад сураггүй болсон тухай дуудлагыг 01.09-ний 03:30 цагт хүлээн авсан.Тус аймгийн Онцгой байдлын газрын Гал түймэр унтраах, аврах 72 дугаар ангийн алба хаагчид, Бууцагаан сум дахь Цагдаагийн тасгийн алба хаагчид иргэн А /40 настай, эрэгтэй/-ыг 04:19 цагаас эхлэн эрэн хайх ажиллагааг зохион байгуулж 06:50 цагт тус багийн “Завилгаа” гэдэг газар (гэрээс нь хойд зүгт 2 км)-аас эсэн мэнд олсон.
4.Мэдээлэл:
Хэнтий аймгийн Норовлин сумын Ангирт багийн “Тохой булаг” гэдэг газар /сумын төвөөс урд зүгт 70 км-т/ Малчин айлын хураалттай өвс 01.08-ны өдрийн 08:00 цагт шатсан. Тус сумын харьяат малчин Г-ийн 2000 тнн өвс шатсан тухай мэдээллийг тус сумын Засаг даргын Тамгын газрын дарга 15:00 цагт аймгийн Онцгой байдлын газарт ирүүлсэн.
Дундговь аймгийн Говь-Угтаал сумын Ажирхай багийн “Хужирын-Өндөр” гэдэг газар /сумын төвөөс баруун зүгт 30 км-т/ оторлож явсан малчин айлын гэр 01.08-ны өдрийн 15:00 цагт шатсан. Тус аймгийн Дэлгэрхангай сумын харьяат малчин Ч-ийн 4 ханатай гэр шатсан тухай мэдээллийг тус багийн Засаг дарга 21:22 цагт аймгийн Онцгой байдлын газарт ирүүлсэн.
ОНЦГОЙ БАЙДЛЫН ЕРӨНХИЙ ГАЗАР