MNC телевизийн “Оны онцлох зочин” нэвтрүүлэгт ОБЕГ-ын харьяа Үндэсний аврах бригадын Эрэн хайх, аврах салбарын бүлгийн дарга, ахлах дэслэгч З.Гүррагчаа оролцлоо. Тэрбээр Онцгой байдлын байгууллагад 17 дахь жилдээ ажиллаж байна. 2021 онд Хөвсгөл нуурт живсэн “Сүхбаатар” хөлөг онгоцыг татан гаргах ажиллагаанд оролцож, хамгийн олон буюу 28 удаагийн даалгаврыг 16 м-ийн гүнд 32 цаг гүйцэтгэсэн юм.
