Өмнөд бүсийн төв-Өмнөговь аймгийн Онцгой байдлын газраас Гал түймэртэй тэмцэх байгууллага үүсч хөгжсөний 100 жилийн ойг тохиолдуулан “Гурван үеийн чуулга” уулзалтыг зохион байгууллаа.
Энэ үеэр алба хаагчид харилцан туршлага судалж, ажиллаж байсан үеийнхээ онцлог, үйл ажиллагааны талаар мэдээлэл солилцсон юм.
Онцгой байдлын газрын түүхэн Музейг дэлгэж түүхэн замналын баримтат бичлэг үзүүлж залуу хойч үедээ тухайн үед хэрэглэж байсан багаж зэвсэглэмж, хувцас хэрэгслийг тайлбарлан танилцуулж, Гал түймэртэй тэмцэх байгууллагын 100 жилийн “Дурсгалын хүндэт тэмдэг”-ийг алба хаагчдад гардууллаа гэж Өмнөд бүсийн төв-Өмнөговь аймгийн Онцгой байдлын газраас мэдээллээ.
