Ойрхи-Дорнодод цасан шуурганаар 3 хүүхэд энджээ

220119144630-01-syria-weather-0119-exlarge-169.jpg

Syrian displaced children walk on the snow at a refugee camp, in Afrin, north of Aleppo, Syria, Wednesday, Jan. 19, 2022. A snowstorm in the Middle East has left many Lebanese and Syrians scrambling to find ways to survive, burning old clothes, plastic and and other hazardous materials to keep warm amid freezing temperatures and soaring poverty. (AP Photo/Ghaith Alsayed)

Ойрхи-Дорнодын Сири болон зэргэлдээ орнуудад цасан шуурга шуурснаас 3-5 насны гурван хүүхэд эндэж, олон зуун мянган хүний амь нас эрсдэлд орсон талаар “CARE” хүмүүнлэгийн байгууллагаас мэдээлжээ. Хохирогч 3 настай хүүхдийн майхан цасан шуурганд нурснаар эндсэн бол ээжийг нь эмнэлэгт хүргэжээ. Харин өөр нэг майханд халаагуураас болж гал гарснаар 3 болон 5 настай ах, дүү хоёр шатаж нас барсан ба ээж нь хүнд түлэгдэлтэй эмнэлэгт хүргэгдсэн байна.

Олон жил үргэлжилсэн дайны улмаас орон гэрээ алдсан олон зуун сиричүүд тус улсын хойд хэсэг, Ливан, Йордан зэрэг улсад майхан, урцанд хоног төөрүүлж буй. Гэтэл цаг агаар огцом хүйтэрч, сүүлийн 40 жилд байгаагүй хүйтэн болсноор олон хүний амь насанд эрсдэл үүсчээ. Ойрхи-Дорнодын эдгээр орнуудад Цельсийн -14 градус хүрч, агаарын температур хүйтэрсэн байна.

Цасан шуурганаар 362 майхан эвдэрч, сүйдсэнээр Сирийн 2124 дүрвэгч хоног төөрүүлэх оромжгүй болсон талаар НҮБ-ын хүмүүнлэгийн тусламж үзүүлэх байгууллагаас мэдээлжээ.Сирид 2011 онд ерөнхийлөгч Башар аль-Ассадыг суудлаас буулгахын төлөө эхэлсэн эсэргүүцлийн жагсаал иргэний дайн болон хувирч, гадаадын орнууд хөндлөнгөөс оролцсоноор нөхцөл байдал хүндэрсэн. Үүнээс хойш 350 мянга гаруй хүн амь үрэгдэж, Сирийн хүн амын тал хувь нь орон гэрээ орхин дүрвэжээ. Сири улсад агаарын дайралт, бөмбөгдөлт зэргээс үүдэн өдгөө 6.7 сая хүн орох оронгүй болсон байна.

ЭХ СУРВАЛЖ: CNN

scroll to top