Америкийн George Washington тэнгисийн цэргийн хөлөгт долоо хоногийн дотор гурван хүн амиа хорложээ. Тус хөлөгт 2021 оноос хойш учир нь үл олдох шалтгаанаар хэд хэдэн хүн амиа алдсан байна. CNN агентлагийн мэдээлснээр сүүлийн нэг жилийн хугацаанд долоон хүн нас барснаас дөрөв нь амиа хорложээ. Мөн алба хаагчдаас маш хүнд нөхцөлд ажиллаж байна гэсэн гомдол удаа дараа ирсэн байна.
Тиймээс хөлгийн ахмад Брэнт Гаут алба хаагчдыг тэнгисийн цэргийн хүчний ойролцоох суурин бааз руу нүүлгэн шилжүүлэх шийдвэр гаргасан байна. Эхний ээлжид 200 гаруй хүнийг шилжүүлээд байгаа аж. Атлантикийн тэнгисийн цэргийн нисэх хүчний мэдэгдэлд “явах хүсэлтэй байгаа бүх алба хаагчийг нүүлгэн шилжүүлж дуустал энэ үйл ажиллагаа үргэлжилсээр байх болно” гэж бичсэн байжээ.
Виржиниа мужийн Ньюпорт Ньюс усан онгоцны үйлдвэрт энэхүү цөмийн хөдөлгүүрт нисэх онгоц тээгчид олон жилийн турш засварын ажил хийсээр байгаа аж.
Эх сурвалж: CNN