Гамшгийн эрсдэлийг бууруулах дэлхийн VII чуулганы үндсэн хуралдаан хоёрдахь өдрөө үргэлжилж байна.
ОБЕГ-ын дарга, хошууч генерал Г.Ариунбуян улс орны төлөөлөгчдийн тэргүүн оролцох өндөр дээд хэмжээний уулзалт болох Сайд нарын дугуй ширээний уулзалтад оролцлоо.
Мөн НҮБ-ын Эдийн засаг, нийгмийн комиссын дэргэдэх Ази, Номхон далайн бүсийн Гамшгийн мэдээллийн менежментийн төвөөс ирэх есдүгээр сарын 19-22-ны өдрүүдэд Австралид улсад зохион байгуулагдах Гамшгийн эрсдэлийг бууруулах Ази, Номхон далайн бүсийн сайд нарын бага хурлыг зохион байгуулах талтай уулзалт хийнэ.
Монгол Улсын Засгийн газраас НҮБ-ын Гамшгийн эрсдэлийг бууруулах газар, Онцгой байдлын ерөнхий газартай хамтран Гамшгийн эрсдэлийг бууруулах Азийн сайд нарын бага хурлыг 2018 онд Улаанбаатар хотноо зохион байгуулсан билээ гэж Онцгой байдлын ерөнхий газраас мэдээллээ.
