СХД-ийн ИТХ-ын дэргэдэх Гамшгийн эрсдэлийг бууруулах орон нутгийн зөвлөлөөс зохион байгуулж байгаа “Ээлтэй -Ирээдүй” нөлөөллийн аяны хүрээнд дүүргийн нутаг дэвсгэрт үйл ажиллагаа явуулдаг бүх шатны байгууллагуудын гадна, дотор орчин, нийтийн эзэмшлийн гудамж талбайд хүүхдэд аюул учруулж болзошгүй эрсдэлт нөхцөл байдлын хяналт, шалгалтыг хийж байна.
Хяналт, шалгалтыг Онцгой байдлын хэлтэс, Мэргэжлийн хяналтын хэлтэс, Цагдаагийн газар, Боловсролын хэлтэс, УБЦТӨХК-ийн Сонгинохайрхан хэрэглэгчдэд үйлчлэх төв, Хүүхэд гэр бүл хөгжлийн хэлтэс, Улаан загалмайн хороо, Тохижилт нийтийн аж ахуйн хэлтэс, 43 хорооны иргэдийн Нийтийн хурал гэсэн 9 байгууллагуудын холбогдох албан тушаалтнуудаас бүрдсэн ажлын хэсэг зохион байгуулж байгаа юм.
Хоёрдахь өдрөө үргэлжилж байгаа хяналт, шалгалтад өнөөдрийн байдлаар 32 боловсролын байгууллагын гадна, дотор орчинд үзлэг, шалгалт хийлээ.
Цахилгааны шон хазайсан, тоглоомын талбайд байрлах саравчны дээвэр цөмөрсөн, цахилгаан дамжуулах утас газраас ил явсан, гэрэлтүүлгийн харанхуй гудамж, таггүй траншейн зэрэг 58 зөрчил дутагдлыг илрүүлж, аюулгүй болгох талаар заавар, зөвлөмжийг өгч ажиллалаа гэж НОБГ-ын СХД-ийн Онцгой байдлын хэлтсээс мэдээллээ.
