Төв аймгийн Онцгой байдлын газрын дэмжлэгтэйгээр Эрдэнэ сумын Гамшгаас хамгаалах сайн дурын хэсэг шинэ байртай болж, улсын хэмжээнд анхдагч боллоо.
Гамшгаас хамгаалах сайн дурын хэсгийн барилга нь өдөр тутмын өрөө, сургалтын танхим, амралтын өрөө, бэлэн байдлын өрөө, автомашины тавиулан зэрэг өрөө тасалгаанаас бүрдсэн бөгөөд нийт 112 м2 хэмжээтэй. Тус хэсгийн эзэмшлийн талбайг тойруулан 120 метр төмөр хийц бүхий хашааг барьж байгуулсан.
Ингэснээр гамшгаас урьдчилан сэргийлэх, гамшгийн үед эрэн хайх, аврах, хор уршгийг арилгах, гамшгийн дараах хүмүүнлэгийн тусламж үйлчилгээг үзүүлэх, сэргээн босгох ажиллагаанд цаг хурдан шуурхай ажиллах нөхцөл бүрдлээ гэж Төв аймгийн Онцгой байдлын газраас мэдээллээ.
