1. Цаг агаар:
Өнгөрсөн хоногт: Нийт нутгаар цаг агаар тогтуун байсан.
Өнөөдөр: Бүх нутгаар багавтар үүлтэй, хур тунадас орохгүй. Салхи нутгийн зүүн хэсгээр баруун хойноос, бусад нутгаар баруунаас 5-10 м/с. Дархадын хотгор, Хэнтэйн уулархаг нутгаар -10-аас -15 градус, Монгол-Алтай, Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Идэр, Тэс, Туул, Тэрэлж голын хөндийгөөр -3-аас-8 градус хүйтэн, Алтайн өвөр говиор +7-оос+12 градус, Их нууруудын хотгор, Хангайн нурууны өвөр бэл, Орхон-Сэлэнгийн сав газар, говийн бүс нутгийн өмнөд хэсгээр +3-аас+8 градус дулаан, бусад нутгаар -1 градус хүйтнээс +4 градус дулаан байна.
Улаанбаатар хотод: Багавтар үүлтэй. Хур тунадас орохгүй. Салхи баруун хойноос 5-10 м/с. Өдөртөө +2 градус дулаан байна.
Төлөв байдал: 7-нд Увс нуурын хотгор болон Монгол-Алтай, Хөвсгөлийн уулархаг нутгаар, 8-нд Орхон-Сэлэнгийн сав газар болон Хэнтэйн уулархаг нутгаар цас, 9-нд баруун аймгуудын нутгийн зарим нутгаар цас орж, цасан шуурга шуурна. Салхи ихэнх хугацаанд 5-10 м/с, 8-нд нутгийн хойд хэсгээр, 9-нд Алтайн уулархаг нутгаар 12-14 м/с хүрч ширүүснэ. Бага зэрэг дулаарч Хөвсгөл, Хэнтэйн уулархаг нутгаар шөнөдөө -20-оос-25 градус, өдөртөө -9-өөс-14 градус, Монгол-Алтай, Хангайн уулархаг нутаг, Завхан голын эх, Хүрэнбэлчир орчим, Идэр, Тэс, Эг, Үүр, Туул, Тэрэлж голын хөндийгөөр шөнөдөө -15-аас-20 градус хүйтэн, өдөртөө -3 градус хүйтнээс +2 градус дулаан, говийн бүс нутгийн өмнөд хэсгээр шөнөдөө 0-ээс-5 градус хүйтэн, өдөртөө +8-аас+13 градус дулаан, бусад нутгаар шөнөдөө -7-оос-12 градус хүйтэн, өдөртөө +1-аас+6 градус дулаан байна.
2.Гал түймэр:
– Хувийн өмчид гарсан: Баян-Өлгий аймгийн Өлгий сумын 10 дугаар баг, “Кувейт” хороолол автомашин шатаж байна гэсэн дуудлагыг 11.04-ний өдрийн 09:40 цагт хүлээн авсан.Тус аймгийн Онцгой байдлын газрын Гал түймэр унтраах, аврах 31 дүгээр ангийн алба хаагчдыг очиход иргэн Т-ийн “Даевоо-DCP32D” загварын тусгай зориулалтын Миксерийн бүхээг шатаж байсныг 5 минут ажиллаж унтраасан.
Өмнөговь аймгийн Цогтцэций сумын (Тавантолгой) Сийрст багийн “Гашуун сухайтын 2 дахь км” гэдэг газар /аймгийн төвөөс зүүн урд зүгт 112 км, сумын төвөөс зүүн урд зүгт 12 км/-т байшингийн дээвэр шатаж байна гэсэн дуудлагыг 11.04-ний өдрийн 17:55 цагт хүлээн авсан. Тус аймгийн Онцгой байдлын газрын Цогтцэций сум дахь Гал түймэр унтраах, аврах 44 дүгээр ангийн алба хаагчдыг очиход Д-ийн 8×4 метрийн хэмжээтэй байшин шатаж байсныг 26 минут ажиллан унтраасан.
Нийслэлийн Сонгинохайрхан дүүргийн 31 дүгээр хороо, Дунд нарангийн 18 дугаар гудамжинд гэр шатаж байна гэсэн дуудлагыг 11.04-ний өдрийн 17:57 цагт хүлээн авсан.Тус дүүргийн Онцгой байдлын хэлтсийн Гал түймэр унтраах, аврах 26 дугаар ангийн алба хаагчдыг очиход иргэн Б-ийн 5 ханатай гэр шатаж байсныг 25 минут ажиллан унтраасан.
Өмнөговь аймгийн Цогтцэций сумын (Тавантолгой) Сийрст багийн “Зайрмагтай” гэдэг газар /аймгийн төвөөс зүүн урд зүгт 140 км, сумын төвөөс зүүн урд зүгт 40 км/-т том оврын ачааны автомашины бүхээг шатаж байна гэсэн дуудлагыг 11.04-ний өдрийн 18:59 цагт хүлээн авсан. Тус аймгийн Онцгой байдлын газрын Цогтцэций сум дахь Гал түймэр унтраах, аврах 44 дүгээр ангийн алба хаагчдыг очиход жолооч О-ын “Норд бенз” загварын ачааны автомашины чиргүүлд ачаатай нүүрс, автомашины дугуй тус тус шатаж байсныг ажиллан унтраасан.
Сэлэнгэ аймгийн Мандал сумын Хэрх багийн “Гүн худаг” хэсэгт байшингийн дээвэр шатаж байна гэсэн дуудлагыг 11.04-ний 20:39 цагт хүлээн авсан. Тус аймгийн Онцгой байдлын газрын Мандал сум дахь Онцгой байдлын хэлтсийн Гал түймэр унтраах, аврах 19 дүгээр ангийн алба хаагчдыг очиход иргэн О-ын 10×7 метрийн хэмжээтэй байшингийн дээвэр шатаж байсныг 35 минут ажиллаж унтраасан.
Нийслэлийн Хан-Уул дүүргийн 14 дүгээр хороо, Бурхантын 3 дугаар гудамжинд байшин шатаж байна гэсэн дуудлагыг 11.04-ний өдрийн 21:16 цагт хүлээн авсан.Тус дүүргийн Онцгой байдлын хэлтсийн Гал түймэр унтраах, аврах 65 дугаар ангийн алба хаагчдыг очиход иргэн Г-ийн 8х8 метрийн хэмжээтэй 2 давхар байшингийн дээвэр, үүдний хэсэг тус тус шатаж байсныг ажиллан унтраасан.
Нийслэлийн Чингэлтэй дүүргийн 17 дугаар хороо, Баянхайрханы 1 дүгээр гудамжинд гэр шатаж байна гэсэн дуудлагыг 11.04-ний өдрийн 21:32 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 34 дүгээр ангийн алба хаагчдыг очиход иргэн Ч-ийн 10х20 метрийн хэмжээтэй 2 давхар байшингийн дээвэр шатаж байсныг ажиллан унтраасан.
Сэлэнгэ аймгийн Шаамар сумын Дэлгэрхаан баг, төмөр замын гармын дэргэд /аймгийн төвөөс зүүн урд зүгт 17 км/-т ‘Хово’ загварын ачааны автомашин шатаж байна гэсэн дуудлагыг 11.04-ний өдрийн 23:17 цагт хүлээн авсан. Тус аймгийн Онцгой байдлын газрын Гал түймэр унтраах, аврах 36 дугаар ангийн алба хаагчдыг очиход, иргэн Г-ийн ‘Хово Стэур загварын өөрөө буулгагч автомашины бүхээг шатаж байсныг ажиллан унтраасан.
Нийслэлийн Баянзүрх дүүргийн 20 дугаар хороо, Хар усан тохойп байшин шатаж байна гэсэн дуудлагыг 11.04-ний өдрийн 23:32 цагт хүлээн авсан.Тус дүүргийн Онцгой байдлын хэлтсийн Гал түймэр унтраах, аврах 35 дугаар ангийн алба хаагчдыг очиход иргэн Б-ийн 20х20 метрийн хэмжээтэй 2 давхар байшингийн зочны өрөөний шал шатаж байсныг ажиллан унтраасан.
3.Хүний үйл ажиллагаатай холбоотой осол:
Төөрсөн, сураггүй болсон: Хөвсгөл аймгийн Эрдэнэбулган сумын “Эгийн голын гүүр” гэдэг газар /аймгийн төвөөс зүүн зүгт 167 км, сумаас урд зүгт 2 км/-т Малчин С, П нар 11.02-ны өдрийн 15:00 цагт малаа хариулахаар мотоциклтой гараад сураггүй болсон тухай дуудлагыг 11.03-ны өдрийн 22:00 цагт хүлээн авсан. Тус аймгийн Онцгой байдлын газрын Тариалан сум дахь Гал түймэр унтраах, аврах 46 дугаар анги, сумын Цагдаагийн тасгийн алба хаагчид, сумын Засаг даргын Тамгын газрын ажилтнууд, ар гэрийнхэн иргэн С /15 настай, эрэгтэй/, П /15 настай, эрэгтэй/ нарыг эрэн хайх ажиллагааг 11.03-ны өдрийн 23:10 цагаас эхлэн зохион байгуулж, 11.04-ний өдрийн 08:38 цагт Тарилан сум Бадрах багийн “Гахайн хонхор” хорооны 15 дугаар гудамжны урдаас мотоциклийг олж, тус багийн Мандал хорооны айлын байшинд байсныг эсэн мэнд олж ар гэрт нь хүлээлгэн өгсөн.
ОНЦГОЙ БАЙДЛЫН ЕРӨНХИЙ ГАЗАР